الموضوع: حكايتى مع وكيل

حكايتى مع وكيل

جيبت عربية ومن ساعة مجبتها وكل صيانتها فى التوكيل وهقص عليكم حكايتى مع وكيلها:
1-الصيانة بالحجز قبليها بفترة، وتروح فى المعاد وبتاخد حوالى من اربع الى 6 ساعات، ايوة من 4 الى 6 ساعات.
2-بودى العربية وبعدين اروح اى مشوار وارجع اخدها، لان المركز مفهوش مكان كبير لانتظار العملاء، طبعاً بسبب مكانة انت ونصيبك ممكن تلاقى تاكسى او لأ، او تجيب حد من صحابك ياخدك ويرجعك.
3-اول موقف حصلى بعد استخدام العربية لحوالى سنة ونص ومشيت فيهم 30 الف كيلو تقريباً، انا مفروض استلم العربية الساعة 4 العصر، جالى تليفون الساعة 3 ونص ان العربية لازم تبات، لية أصل أزاز السواق نزل ومش راضى يطلع وهما بيروحوا الساعة 4 وهيجوا بكرة يعملوها. اتخنيقت معاهم طب لية مجربتوش الكلام دة من بدرى وقلتولى، ردوا لان الكهرباء آخر حاجة بيبصوا عليها. اتخنيقت لانى كنت مسافر تانى يوم شغل بالعربية وكدة معنديش عربية، من هنا لهنا طلعولى عربية من صالة العرض اقضى بيها مشاويرى لحد ميخلصوا العربية.
4-تانى موقف، برضة تليفون قبل معاد التسليم بص ساعة، العربية لازم تبات، لية المرة دى، اصل مروحة الريداتير فصلت ومش شغالة ولازم تتغير وطبعاً مروحين الساعة 4 – زى ميكون مكتوب عليا نفس الموال. وبرضة خناقة لانى على حظى الرائع كنت مسافر شغل فى تانى يوم، المرة دى أجر لى عربية نص كم اقضى بيها مشاويرى.
5-تالت موقف، الفتيس على P وحلف مهو متحرك، كلمت مهندس فى التوكيل وعلى التليفون فكيت وش الكونصول لحد مفكيت لسان اللوك وحركت الفتيس وطلعت على التوكيل وقعدت عندهم يوم واتصلحت تمام فى الضمان.
6-كنت عملت حادثة ورحت التوكيل والريداتير مخروم والحمد الله الموتور مضربش، ومفروض انهم غيروا كل حاجة ولكن لما جيت ابيعها طلعت رشا رفرف وباب واكصدام والكبوت مفكوك ومتركب تانى. دة غير الاكصدام من بعد الحادثة وهو مفرق على الاخر من ناحية الفوانيس. التصليح دة خد شهر بالتمام والكمال لان قطع الغيار مش موجودة وهيجبوها من بلدها.
7-تانى حادثة الحمد الله قعد اسبوعين فقط لاغير ومرشيتش، غيروا فوانيس فقط والاكصدام.
8-الانطباع العام، التوكيل كمواعيد معقول باستثناء الموقفين دول، بيغسلوا العربية من جوا وبرة بشكل جيد – بس مش كل مرة، العربية كانت شغالة معايا تمام طول الفترة دى، ولما عملت حركة ندالة واحدة بتاعت الفتيس فى النقطة 5، والباقى عملتهم وهى جوا التوكيل. العربية بعتها بعد استخدام سنتين ونص و67 الف كيلو نصهم على سفر، والعربية مقلتش باصلها خالص. وبعتها بعد كدة للأسف. وإذا حد هيسأل كرهت العربية، لأ على الاطلاق ولو اقدر ارجعها هرجعها.

آخر نقطة ان كل الى حصل دة كان فى الامارات ومع وكيل دودج.

المحصلة اظن واضحة زى الشمس، التوكيلات زيها زى اى شركة فية السئ والجيد، اهم حاجة راحتك مع العربية والخدمة والدعم.

اخيراً شوية صور للعربية دودج افنجر 2400 سى سى










والسلام ختام

http://imageshack.us/a/img401/7460/dsc01658s.jpg
http://imageshack.us/a/img7/6981/dsc01657jz.jpg
http://imageshack.us/a/img827/7899/dashh.jpg
http://imageshack.us/a/img600/8478/carfront.jpg
http://imageshack.us/a/img33/2720/ca...rightsmall.jpg
http://imageshack.us/a/img694/2474/carback.jpg
http://imageshack.us/a/img801/4982/carbackleft.jpg