الموضوع: ♨ تعمل ايه لمن تروح تخطب وحدة وتطلع اختها احلى واحلى هههه ♨

يعنى انت خلاص متعرفش ايه الى حصل بعد كده ولا حاول ت تعرف من زميلك ولا من ابو العروسين حاجه :]

هههههههه

اسلوبك فى الكتابة تحفة والموقف غريب وصعب انة يرتبط بالصغيرة بعد ما اتكلم على الكبيرة

المشاركة الأصلية كتبت بواسطة y a r i s

الموضوع بالاختصار

انا مبسمعش الكلام ... وياما مراتي نصحيتني ... وقالتلي امشي في جنازة ومتمشيش في جوازة بس تقول ايه علي مابيسمعش الكلام
ههههه. ليا صديق شاب محترم كان عاوز عروسة وهو حوالي ٢٦ سنة كده بس شب محترم المهم قلتلوا انا ليا صديق ليا وزميلي في الشغل عندوا بنتين عرايس زي الفل .... ومربيهم اخر حاجة ... المهم. كلمت الراجل على بنتو الكبيرة وانوا هنعملك زيارة وهجيب معايا الشب الي كلمتوا عنوا

ورحنا زرناهم في البيت وشاف البت الكبيرة وكل حاجة تمام التمام. .... ووافق وخلاص وتمت المقابلة وكل الكلام الي انتو عارفينوا .... وشوية دخلت اختها الصغيررة. شايلة صنية الشاي. وفي الصنية. حتتين جاتوه انا عيني بصراحة كانت هتطلع. على حتتين الجاتوة والواد صاحبنا عينوا طلعت على حتت البسبووسة الي شايلة الصينية الي فيها الجاتوا ( اختها الصغيرة ) حتت بت بس ايه بقه فيها الشفى كلوا بت جمالها جي من الاخر ... فرز أول مفهاش غلطة ... بت زي مايقول الكتاب. طالعه من مجلة سيدتي. طالعة من صفحة من صفحاة مجلة زهرة الخليج. ولا مجلة لها حاجة كده تسبيشيل اوردر واصدار خاص وعرض خاص ولفترة محدودة ههههههه

وبيني وبينكم البت اختها فرق السما عن العمى

الكبيرة سمرة وطالعه لابوها .... والصغيرة ايه حتت زبدة بالمهلبية محشية بسبووسة بالفستق واللوز والمكسرات ... طبعاً البت. سلمت عليااا وباستني وبتقولي ازيك يا عمو. امووح من هنا وامووح من هنا .... طبعاً انا من زمان مشفتهاش وشفتها زمان ايام مكانت صغيرة. بابها مره جبها الشغل معاه بس الكلام ده من زمن وانا مكنتش فاكر ان الائطئووطة الصغيورة كبرت وبقت عروسة بسم الله مشاء الله عنين ملونة ووخده شعر مامتها الناعم وؤنوثة ايه ورقت ايه

طبعاً انا كنت كده

هههههه وصاحبنا وعريسنا. كان هيتجنن كده

المهم انا مش هقدر احكي كل تفاصيل القصة هههههههه. بس شفت نظرة شرار من عين صديقي الشب ابو ٢٦ سنة. وحتى خفت واحنا نازلين. وبنعدي الشارع (ش فيصل ) علشان نركب العربية ليقوم زائيئني. تحت اي عجل عربية من العربيات المسرعة دي ههههههه .... وعمال يقولي وهو كلوا مرار وحرقة وانصهار اعمل فيك ايه. منك لله. بقه يا اخي يا اخي اختها الصغيرة بالحلاوة دي وتكلمني. على التانية الكبيرة السمرة .... وانا اقولوا يا ابني يا حبيبي تطفء الاضواء وتتساوي النساء. .... والخيرة فيما اختاره الله .... وهو ده نصيبك .... ومينفعش نجوز الصغيرة قبل الكبيرة .... وهو. مفيش فايدة .... واقولوا واللهِ ماكنت اعرف ان الصغيرة بقت عروسة بس مفيش فادية لاحياة لمن تنادي البت لحسيتلوا عقلوا .... طيب انا المفروض اروح اقول لابوها ايه العريس مش عاوز الكبيرة. عاوز الصغيرة. ولا اقول ايه. بس ياربي ....

المشكلة يا جماعة ده جواز .... يعني مينفعش تتجوز وحدة وتبقى عينك هتطلع على اختها .... وكمان مينفعش تاخود الصغيرة وانتا اصلاً كنت جي علشان الكبيرة طب ياربي انا اعمل ايه. بحط نفسي في مواقف بااااااااايييخه انا كان مالي مكنت في حالي .... اصلها مش صالة عربيات. ساعدتك. داخل تشتري لانوس وبعدين شفت الفيرنا عجبتك فتقول للراجل لا لا بلاش لانوس اديني فيرنا ولا احناش رايحين محل حلاويات البحصلي ولا لارين او حتى لابوم. وجيت قولت للراجل اديني تورته بالشوكلاته والراجل وهوا بيلفهالك لقيت تورتة بالكريمة والفواكة ونقولوا معليش كنسل الاوردر واديني التورتاية التانية وادفع الفرق هههههههه فاعمل ايه يا ولاد الحلال دبروني وازاي انسحب من الموضوع بشياكة من غير ما زعل حد !

@@@@@@@@@@@@@@@@@@@

وتحياتي

على فكرة انت اسلوبك في الحكي فظيع وهايل جدا..
انا بقى الحمد لله حصل معايا العكس كنت رايح علشان اخطب الكبيرة ( من غير ما اشوف الاتنين) قام جالها عريس قابل ما انا اجي باسبوع قاموا قالوا طالما ماشفهاش لسة يشوف الصغيرة والحمد لله اتجوزتها ولما شفت الكبيرة ههههههههه بوست ايدي وش وضهر لاني اخدت الاحلى وسبحان الله كلة نصيب

المشاركة الأصلية كتبت بواسطة y a r i s

هههههههه حبيبي يا شنوري باشا منووور
لا هو مش قصة حاجز .... بس الكلام كان على ميييييين كان على الكبيرة
فشكلها وحش قووي. ان بعد مالكبيرة تهيئ نفسها وتجهز حالها وتزبط المسائل وتستعد
للجواز نقلها لا اركني انتي على جنب ده مش دورك ده دور اختك الصغيرة هههههههه
حبيبي ياشنوري. ياباشا انتا لوكنت مكاني كنت وصفتها اكتر من كده. دي شوية مشمش على برتقان على حبة فرولة بت موز ولوز كده ههههه بسم الله مشاء الله عليها يعني امسك الخشب انا مبقرش انا بمدح ربنا يخليها لبباها
وتحياتي

تصدق لنت شوقتنى اشوف الصغيرة
ههههههههههههههه