♨ تعمل ايه لمن تروح تخطب وحدة وتطلع اختها احلى واحلى هههه ♨

**blazer** · 20-11-2012 11:44 PM

اييييييه يا جماعه
معلش يعنى الى بيقول البنت الكويسه مش بالشكل دا بيدايقنى
يعنى اتجوز واحده شكلها مش عاجبنى عشان هى كويسة !!!
ما فيه بنات حلوين وكويسين برده ,, اكدر نفسى انا ليه بقى وافضل ابص على البنات الحوله حتى بعد ما اتجوز واتحسر على الى عملتة فى نفسة
ما من اهم اهداف الجواز ان زوجتك تخليك تقدر تغض بصرك ,, ولا ايه رايكم

**SASA3** · 21-11-2012 12:19 AM

بس برضه لازم يكون فى قبول من الطرفين ما هو برضه ميبقاش مش قابلها و مش طايقها و عينه هتطلع على التانية و يتجوزها علشان ميحرجش نفسه او علشان ميحرجهاش

يبقى من الاول بقا بدل ما يحرج نفسه ولا يجرحها و كده لا اما يتجوز الكبيرة لا اما سيبك من الموضوع ده خااااااالص

و بلاش نتكلم بقا على كيد النسا لبعض ان شالا لو اخوات حتى :]:]

بس سيبك انت الردود فصلتنى ضحك
هههههههههههههههههه

**abdulkhaleq** · 21-11-2012 12:32 AM

المشاركة الأصلية كتبت بواسطة 3mr farrag

اكيد طبعا مش الشكل بس
اول حاجه الشكل :)
يعني تاخد مثلا مشمشايه و بعدين شوفها كويس يمكن تفتحها تلاقيها بايظه و ماتنفعش خالص
مش اخد بتنجان ولا كرومب و بعدين اقول اشوف من جوه هيبقي بايظ ولا لأ و يطلع في الاخر كمان بايظ
ربنا قال برضوا نختار لجمالها

لأ ياباشا
أول حاجه (اظفر بذات الدين تربت يداك)
وان كان الحديث ما انكرش الجواز للجمال (من وجهة نظر الراجل) لأن طبعا اللي اشوفها جميله انت ممكن تشوفها وحشه

لكن انا قصدي واضح
انا مش بشتري فراخ
انا رايح اتجوز
أو كان من الاول تنظيم لقاء بره البيت (قال ايه بالصدفه) يشوف فيه الاتنين (قال ايه بالصدفه برضه)
و (قال ايه بالصدفه) تعجبه بقى اللي تعجبه

لكن هو لا كلم دي ولا كلم دي لكن عنده استعداد يتجوز واحده (شكلها) عجبه

ياما بنات قمر أول ما الواحده فيهم تتكلم بتلاقي طرنش طافح !

الفكره في القبول

انا عمري ما هقول واحد يتجوز واحده مش قابل شكلها

هو عامل بس مش العامل الأول

**lonedoctor** · 21-11-2012 01:00 AM

المشاركة الأصلية كتبت بواسطة y a r i s

هههههههههههههههههههه
ايدي بتاكولني وعاوز اشارك بس المشكلة خايف اتوقف. ... انتوا عارفين قواعد البيت عندي صااااارمة.
ومراتي معندهاش يمة ارحميني ههههههه بس انا برضو متابع معاكم ههههه

ما هو انت السبب فى المشكلة دى سعادتك وتقولى مافيهاش غلطة فرز اول والكلام الوحش ده
رد انت يا حسين بقى

**SonaSteel** · 21-11-2012 09:37 AM

المشاركة الأصلية كتبت بواسطة lonedoctor

ما هو انت السبب فى المشكلة دى سعادتك وتقولى مافيهاش غلطة فرز اول والكلام الوحش ده
رد انت يا حسين بقى

اانا تعبت من كتر الرد هههههههههههههههههههه
الرد بس مش حاجة تاني

**Y a r i s** · 22-11-2012 05:56 PM

مفاجئة !!

صديقي اتصل بيا (ابو العروسة) وقالي ايه ياعم بتعمل ايه قلتلوا ولا حاجة قلي طيب ما تيجي نتقابل ونقعد شوية على القهوة ... فانا من هبلي قلتلوا ماشي ياريتني قلتلوا (تعباااااان )

المهم قعدنا وجين نشرب فنجان القهوة قعد يسئلني شوية عن العريس وعن اخلاقوا الى اخره ... وانا طبعاً متوصيتش قلتلوا العريس فبررررررررريكة. وملهوش اي علاقات ينجا لها المجتمع والناس .... والمفاجئة بقه الواد ده لسه بدهان المصنع مش راشش وصحتوا حلوة وصيانتوا كلها في التوكيل هههههههه فقعدنا ندحك شويتين

المهم واحنا بنلعب دومنة .... بصيت لقيتوا بيقولي اصلو الواد كلمني
قلتلوا اه ما انا الي اديتوا نمرتك
قالي هو احنا مبدئياً وفقنا عليه
قلتوا ممتاز عظيم
قالي : بس هو بيقولي دلوقتي عاوز مشمشة (البت الصغيرة )
المهم لقيت نفسي وشي جاب الوان ... وقمت قايم من على الكرسي وشيلت مفاتيح العربية والموبايل
وقلتلوا طب استئذن انا بقه .... قالي رايح فييين .... قلتلوا لا اصل المدام موصياني اجيب لبن وزبادي وبتنين جنية عيش
هههههههه .... قالي اقووعد يا اخي بطل هزار بقه .... قلتلوا بقلك ايه. الي عليا انا عملتوا عاوز تديه نادية عاوز تديه سوسو. انا مليش دعوة نمرتك معاه وعقلك في راسك تعرف خلاصك سلالالام ههههههه

وخدت بعضي ومشيت .... واشتريت دماغي .... بس احلى مافي الامر واجمل مافي الموضوع
اني خدت بعضي ومشيت وهو بقه الي هيحاسب على المشاريب هههه ده انا لوحدي شارب اربعة عناب. غير القهوة وغير حجرين الكنتلووووب هههههه.

سبحان الله مرات اجي اعمل خيرررر بلاقي نفسي عكيت الدنيا واخود بعضي واخلع
واقول يا فكيك .... انااااا كان ماااااالي ههههههههه

@@@@@@@@@@@@@

وتحياتي

**blazer** · 23-11-2012 02:34 AM

شكل ابوها اهو موافق يا عمنا :d
عشمتنا وخلاص
ههههههههههههههههههههههههه

**Y a r i s** · 23-11-2012 04:08 AM

انا انسحبت من الموضوع زي الناس الي انسحبت من الجمعية التاسيسية ... ويصطفلوا بقه مع بعض لان حتى لو تخلي بالك من كلام ابو العروسة .... جيبلي الكلام في مقتل يعني ابتدي ان العريس اتصل واحنا كنا مبدئياً موافقين (يعني الاخ صلى صلاة استخارة ) وحس انا ربنا بيقولوا وافق تجوز فؤادة لعتريس او اديلوا نادية .... يجي الافندي بعد كده يتصل على ابو العروسة ويقولوا. جواز عتريس من فؤادة باطل وانا مش عاوز نادية عاوز سوسو هههههههه يعني. ام الموقف ... فاكرين الموقف الي قلتلكم عليه بتاع محل الحلويات والواد الي راح يشتري صنية كنافة والراجل جي يلفهالك. جه الزبون قالوا لا لا لا لا. بلاش كنافة. سوك على الاوردر ده واديني بدلها بسبوووسة ههههههه

ثم يا ابو كمال انا مش عنصري ولا ليا في الدقيق ولا العجين انا مجرد فاعل خير قلبت على دماغي في النهاية هههههه ... انا مش عاوز اقولك صوري وانا صغير كنت شيكولاته بس مع الوقت افتحيت ههههههههه. وانا عندي عيلين ابني طالعلي اسمراني كدة ومسمسم والبت بنتي بيضة بسم الله مشاء الله انا مش عملهم على ايديا واللهِ ده كلو من عند رب العالمين .... وبعدين مالو السمار وحش يعني .... ده السمار نص الجمال بص لو تفتكر كان زمان يونس شلبي الله يرحموا كان عامل مسلسل عاوز عروسة شقرة وعنيها خضرة ههههه فاكر المسلسل ده .... اهو شباب اليومين عاوزين بت صنعت طبقاً للموصفات الاوروبية. وحاصلة على علامة الايزوو ههههههههههههه ده غير ختم الشاهدة الفرنسية على قفاها كدة ومش بعيد تلاقيهم بيدورو على عروسة عليها شهادة ضمان لمدة سنة ضدد عيوب الصناعة ( ضمان استبدال) يعني لو البت طلع فيها حاجة او طبعها وحش اونكدية تطلقها وترجعها لابوها وتاخد اخوتها او بنت عمها على طول من غير كلام او تسترد الي دفعتوا كاملاً ويخصم منو ١٠ في المية مصاريف ادارية ههههههههه. فانا مش عنصري واللهِ انا الحمد الله اجوزت وخلفت وخلاص ولا عاوز بيضة ولا عاوز سمرة انا عاوز ارووح ههههه تصبحوا على خير ....

الموضوع: ♨ تعمل ايه لمن تروح تخطب وحدة وتطلع اختها احلى واحلى هههه ♨

LinkBack

أدوات الموضوع

عرض

-

-

-

-

-

-

-

المواضيع المتشابهه

لو عاوز تهرب من انك تروح زيارة عائلية تعمل ايه

سؤال لو هاتصلح حاجة صغيرة في الجين 2 ومش عايز تروح التوكيل تروح فين ؟؟

احلى شباب واحلى منتدى

طلب من احلى شباب واحلى منتدى بخصوص هوندا سيفك 92

لو فكرت تروح تعمل صيانة لعربيتك بلاش احسن

الكلمات الدلالية لهذا الموضوع

المفضلات

المفضلات

ضوابط المشاركة