انا ليه رأيى فى الموضوع ده .

احنا كل يوم جمعه وسبت وفى المجالات المتخصصه اللى ملهاش علاقه بالمواطن مليانه كلام على كل أنواع السيارات اللى فى مصر عن مدى أمانها واتزانها ورفاهيتها واعتمادياتها ، حتى التوك توك لو كانت بتنتجه شركة من إياهم كانوا هيقولوا عليه انه فيه وسائد هوائية . ونعلم جميعا أنها إعلانا ت مدفوعة الأجر والغرض هو سلب المواطن الغلبان تحويشه عمره ويحطها فى عربيه متستهلش تلت التمن بتاعها .

إيه بقى المشكله لما تطلع جريده وتعمل العكس وتتبلى على احدى الشركات بالباطل او حتى بحق .

عفبال كل الشركات يارب ، وكله فى مصلحة المواطن

ليه الطيبه اللى انتوا فيها دى ،

احنا الكسبانين ، ويارب مبيعاتها تقل فأسعارها تقل ، وعقبال البقية يارب

سؤال : زمان أيام ما الجمارك قلت على السيارات اللى أقل من 1600 . ممكن تقولوا لى مين اللى استفاد من الخصم ده ؟؟؟؟ طبعا كلنا عارفين .... كل شركات السيارات وتمن العربيات فضل زى ما هوه ده لو مكنش كمان زاد ...
فأنا بدعى من كل قلبى على كل توكيلات ومصانع السيارات انه يرزقهم بمثل هذا المقال

واحنا فى النهاية كسبانيين ، ومتنسوش انه مقال واحد فى جريدة صوت الأمة كان فى المقابل له مليون مقال فى جميع المجالات والملاحق الخاصه بالسيارات عن مدى جوده السياره .

والسلام خير ختام