ضميري يؤنبني و لا استطيع النوم فأريد حلا جذريا لتلك المشكله العويصه

**احمد المصرى** · 20-11-2012 08:52 AM

انا راى انك تخلى مراتك تتكلم مع زوجته وتنصحها انها تشوف ايه ال ناقص فى بيته بيخلى ممكن يبص بره طبعا من غير ما يكون الكلام صريح يعنى ممكن تقوله زوجتك بهدف النصيحه العامه لان اى راجل بيبص بره لما ميلاقيش ال هو عايزه فى بيته

**khaled_legend** · 20-11-2012 09:03 AM

المشاركة الأصلية كتبت بواسطة yaserbasha2000

صاحب ايه و عشرة عمر ايه و عيش ايه و ملح ايه

و ياتري جوز ع ايه علاقته بالموضوع و لا اخو ع او حتي ابو ع "ع" عيله صغيره في بدايه العشرينات و مش متجوزه اكيد
انا لا اعرفها شخصيا و لم ارها الا مره واحده
ممكن تنصح صديقك بان موضوع س ص ع هو في الحقيقه بدون تجميل ز ن ا و انه يستحق ر ج م او ن ف خ مفيش الكلام ده عندهم يا فندم

فلو انتصح خير مانتصحش مع نفسه

لكن في كل الاحوال لو انا مكانك هأقطع علاقتي بيه و ببيته تماما لان ده انسان مستبيح لحرمات الناس فإزاي تأتمنه و تكون صديقه و يكون بينكم علاقات اسريه ؟ فهو كنافخ الكير في حديث الرسول صلى الله عليه وسلم

انا عمري ما شفت حاجه وحشه منه و هو عشره عمر و كده

المشاركة الأصلية كتبت بواسطة احمد المصرى

انا راى انك تخلى مراتك تتكلم مع زوجته وتنصحها انها تشوف ايه ال ناقص فى بيته بيخلى ممكن يبص بره طبعا من غير ما يكون الكلام صريح يعنى ممكن تقوله زوجتك بهدف النصيحه العامه لان اى راجل بيبص بره لما ميلاقيش ال هو عايزه فى بيته

ده اللي نفسي اعمله و الله

**أحمد كمال** · 20-11-2012 09:19 AM

المشاركة الأصلية كتبت بواسطة احمد المصرى

انا راى انك تخلى مراتك تتكلم مع زوجته وتنصحها انها تشوف ايه ال ناقص فى بيته بيخلى ممكن يبص بره طبعا من غير ما يكون الكلام صريح يعنى ممكن تقوله زوجتك بهدف النصيحه العامه لان اى راجل بيبص بره لما ميلاقيش ال هو عايزه فى بيته

النصيحة دي و ان كان مقصدها النية الحسنة و لكن هتفتح عليه باب جهنم الحمراء

يعني ايه ناقصه في بيته؟

طيب يعني لو انت ناقصك في بيتك حاجة هتعمل زيه؟ اه ما هو صاحبك يعني زيك

الخ الخ الخ

و هو اصلا مراته بتشك فيه فمش ناقصة

**alaa74** · 20-11-2012 09:35 AM

موضوع شائك للأسف ومكرر .
تدخلك فى الموضوع هيجر عليك مشاكل كبيرة إنت فى غنى عنها
مفيش عندك غير النصيحه لصاحبك وطالما إنه مصمم على التمادى فى العلاقه الغير سويه دى .
يبقى يتحمل نتيجه أفعاله وإنت مش مسئول عن تصرفاته .
لكن رأىي إبعد المدام بتاعتك عن الموضوع دة وممفيش داعى إنك تدخلها فيه
لأنك هتفتح على نفسك أبواب ملهاش أى لازمه .

أخيرا لصاحبك ... لازم يحسم أمرة لو هو جاد فى العلاقه دى والله يعلنها فى النور ويتجوزها ومراته صاحبه القرار وقتها تقبل بالإستمرار معاة أو لأ
دة طبعا فى حاله قدرته الماديه والنفسيه والأجتماعيه على فتح بيتين .
أما لو غير جاد ودة واضح من كلامك إنه بيتسلى بشرة إن العواقب هتكون وخيمه بالنسبه له يعنى هيكون خراب كبير جدا عليه وخاصه لو لا قدر الله العلاقه دى إتطورت إلى علاقه ماديه ............