ألى مالكى شيفروليه فقط

**osman hisham** · 24-06-2007 10:08 AM

الى أعزائى مالكى شيفروليه أوبترا أو أفيو سؤالين:
1- أيه أكتر حاجه عجبتكم فى العربيه 8)
2-أيه اللى كان نفسك فيه و ملقتهوش فى العربيه :x
و اللى كان عنه قبل كده دايو ....... حسيت بحاجه جديده فى العربيه ضافتها شيفروليه عن الدايو ؟؟؟؟

**mina_ramsis** · 24-06-2007 11:31 AM

اكتر حاجة عجبتنى فى العربية هى التقفيل بجد تقفيل عشرة على عشرة
اما اللى كان نفسى فيه يبقى فى العربية حجات كتيــــــــــــــــــــــ ـــــــر زى فتحة سقف و سى دى اساسى و كمان كان نفسى ان العفشة تبقى اخف من كده شويه بس ابتديت اتعود عليها
بخصوص تشابهها مع الدايو هى فعلا فيه تشابه بينهم بس مش جوهرى زى مثلا مفاتيح الانوار و الاشارات و المساحات و كمان قربة المياه المتصله بالريداتير مش موجوده غير فى الدايو و الشيفورليه
ياريت تقولنا ايه رأيك يا بشمهندس هشام

**elmasri** · 24-06-2007 01:54 PM

كان عندي لانوس 1 وبعدها اشتريت الافيو 2007 .مش شرط ان موتور السيارتان يكونو واحد علشان تكون السياراتان زي بعض
طب ماهو زمان ايام الهرجلة كانو بيشيلو موتور ال132 ويحطوة في اللادا هل دة معناة اني اصبحت راكب 132 طبعا لا اذا هناك فرق كبير . اللي مفتقدة في الافيو فوانيس الشابورة وزجاج الكهرباء الخلفي ولما اشتريت السيارة قلت لهم اسيب السيارة يومين لتركيب الحاجتين دول وادفع ثمنهم قالو لسة مانزلوش مع ان في الكتالوج صورة السيارة بجميع الكماليات واتضح ان صورة السيارة هي النسخة الامريكية ودة موجود في سايد الشيفورلية الامريكي

**osman hisham** · 24-06-2007 03:39 PM

هوه اللى للأسف مفتقده فى العربيه و بينزل فيها بره مصر هوه:
1- الأير باج
2- ABS
3-الكاسيت السى دى
لكن العربيه هايله و التقفيل فعلا و كمان جودة خامات التابلوه و عزل الصوت الداخلى ممتاز

**lolo7** · 02-08-2008 09:55 AM

السلام عليكم ورحمة الله وبركاته

اخوتي الأعزاء اعضاء منتدانا العامر بالخير إن شاء الله . اول ما شد انتباهي للسيارة هو الهيكل الخارجي لها المتميز بالمتانة بالمقارنة مع معظم السيارات في السوق و طبعا السعر المعقول ولو انه اصبح مبالغ بعض الشيئ هذه الايام لاني لسه مشتري العربيه افيو 2008من شهر بالضبط ((خبرتي قليلة في مجال السيارات)) بالتالي هذه السيارة اول سيارة امتلكها اما ما كنت اتمناه فيها فاعتقد بالنسبة لخبرتي الضعيفة وعلى حسب رغبتي كما ذكر الزملاء من قبل السي دي وايضا هناك سيئ لا اعلم يا اخوتي كيف اسميه العفشة من تحت اشعر انها نازلة ليه مكانوش يغطوها ولا ده عادي في كل السيارات ودي ملاحظة ليسة في موضعها غير هذا فانا اعتز بسيارتي الجديدة وارى انها وجه السعد عليه وربنا يبارك لي فيها ويبارك لكم جميعا في سيارتكم .

**aif** · 02-08-2008 10:30 PM

احسن ما في الاوبترا ... شياكة التقفيل .... الثبات ...و الأهم ...المساحة الواسعة ... وكمان عزل الصوت كويس والتكييف ممتاز
....كان نفسي يبقى فيها سي دي .. وزرار قفل وفتح السنترلوك بدل ما افتح واقفل من سقاطة الباب ....وطبعا فيه كماليات كتير مش موجودة فيها ... علي قد السعر

**MMamdouh** · 03-08-2008 01:13 PM

الافيو تصميمها حلو اوى كا شكل... و مش مزعجة فى المشى و صوتها واطى... فراملها استجابتها ممتازة و الباور لووووووز

كان نفسى تبقى واطية على الارض عن كدة عشات تثبت زيادة و كان نفسى الكاسيت بتاعها ميبقاش حتة من الطابلوة

MMamdouh