الموضوع: صوت ورررره بعد تغيير طقم الدبرياج

السلام عليكم إخواني الكرام
العربية عندي كانت مبتسحبش خالص ولو 3 أفراد ركبوا معايا ألاقي السحب قليل جدااااا
قلت مبدهاش أغير طقم الدبرياج.. خصوصًا أن كان فيه ورررره بسيطة جدااااااا كأنها صوت بلية دبرياج...
رحت جبت طقم دبرياج كوري وصاحب محل سيد نصار إللي في التوفيقية شكر لي فيه بمبلغ 375 جنيه اسمه fortech في علبة زرقاء طقم كامل على بعضه (اسطوانة، ديسك، بلية) كان موجود الروسي بسعر أقل... لكن بصراحة هو قال لي ده أحلى وانعم...
قلت على خيرة الله نشتري ونركب... فكينا الفتيس وطلعنا القديم وكانت الأسطوانة سيئة خالص وركبنا الجديد... وبعد ما دورت وحطيت زيت فتيس لاقيت صوت ورررره رخمة.... قلت ما علينا.. أهم حاجة السحب والنيتجة إللي بعد كده...
الدبرياج كان واطي جدااا تحت رجلي.. الميكانيكي قال لي هيعلى معاك في المشي وهتحس أن الغيارات ثقيلة في الأول وكل ده هينعم معاك بعد كام يوم... وفعلاً الدبرياج علي معايا... السحب كل يوم بيتحسن... وكله تمام

إنما بقى

صوت الوررررره إللي في الدبرياج دي مجنناني وكل ما أدوس دبرياج.. الصوت يتمنع نهائي.... طبعًا الميكانيكي بيأكد لي أن الصوت ده مش من طقم الدبرياج نهائي... وأن الصوت ده عيب في الفتيس... طيب إزاي أنا هتجنن... لو صوت حاجة في الفتيس كان لما أدوس على الدبرياج الصوت يفضل زي ما هو؟؟؟...
بصراحة عايز رأي الخبراء في المنتدى... مع العلم أني في أول مرة بعد تغيير طقم الدبرياج حطيت زيت فتيس خفيف 90 وبعد كده نزلته لما سمعت الصوت ده وحطيت زيت فتيس 140 ولسه الصوت زي ما هو... مش عارف أعمل إيه... هل أجرب أحط زيت 240
ولا الفتيس فيه حاجة وده كلام الميكانيكي... مش عارف أعمل إيه.. أمشي وأنفض للصوت ده... وأفرح بسحب العربية وتجميعها ولا أعمل إيه؟؟؟؟؟

ماهي لو البليه فعلا يبقي كده ممكن تاثر علي بقيت الطقم !!

حاول اتأكد انها طبيعي عشان ماتتغرمش طقم تاني