2107 معمرة؟

**Mrwin** · 13-02-2013 08:32 PM

انا اعرف ان اللادا 2107 عربيه شديدة ومعمرة
وفي ناس بتقول ان قطع غيارها غير معمرة وان صاحبها حيبقي زبون دائم عند الميكانيكي لاعطالها الكتير
ياريت اسمع تجاربكم مع 2107

**MEKAWY2000** · 13-02-2013 10:40 PM

كل الى اقدر اقوله ان اى سياره مهما ان كان صناعتها لو عملت الصيانه الدوريه لها واعتنيت بها هتعمر معاك العيب الى فى الادا تقل الدركسيون والعفشه

**mohammed dodda** · 14-02-2013 12:27 AM

من وجهة نظر شخصية : الادا عربية قوية جدا -مقارنة بمثيلاتها فى الفئة والسعر-كشغل وتحميل وظروف تشغيل قاسية بشرط المتابعة المستمرة لاى حاجة غريبة تحس بيها ومش متعود عليها بالذات فى العفشة...بس عن تجربتى المتواضعة: الشد والجرى بيتعبها وسفرية والتانية تلاقى نفسك عند الميكانيكى والعفشجى...تقل الدركسيون انا مبحسش بيه الا عالواقف بس بل بالعكس بيدينى ثبات خرافى عالسرعات العالية يعنى مثلا عايز اقولك ان ثبات العربية بسم الله ماشاء الله عليها وانا بغرز على 140

**MEKAWY2000** · 14-02-2013 01:01 AM

المشاركة الأصلية كتبت بواسطة mohammed dodda

من وجهة نظر شخصية : الادا عربية قوية جدا -مقارنة بمثيلاتها فى الفئة والسعر-كشغل وتحميل وظروف تشغيل قاسية بشرط المتابعة المستمرة لاى حاجة غريبة تحس بيها ومش متعود عليها بالذات فى العفشة...بس عن تجربتى المتواضعة: الشد والجرى بيتعبها وسفرية والتانية تلاقى نفسك عند الميكانيكى والعفشجى...تقل الدركسيون انا مبحسش بيه الا عالواقف بس بل بالعكس بيدينى ثبات خرافى عالسرعات العالية يعنى مثلا عايز اقولك ان ثبات العربية بسم الله ماشاء الله عليها وانا بغرز على 140

ومتنساش ان الادا عربيه عمليه بس محتاجه رعايه يعنى كل 3 شهور تربيط عفشه ضبط كهرباء وكاربرتير وفى الحاله دى ان شاء الله تعمر وتبقى زى الفل والله الادا محترمه من ناحيه الاستهلاك والتحميل

**amr55000** · 14-02-2013 01:06 AM

شكرا علي المعلومات القيمه
تحياتي

**mohammed dodda** · 14-02-2013 01:49 AM

المشاركة الأصلية كتبت بواسطة mekawy2000

ومتنساش ان الادا عربيه عمليه بس محتاجه رعايه يعنى كل 3 شهور تربيط عفشه ضبط كهرباء وكاربرتير وفى الحاله دى ان شاء الله تعمر وتبقى زى الفل والله الادا محترمه من ناحيه الاستهلاك والتحميل

......كلام مظبوط جدا وهاقول لحضرتك على تجربتى اللى اثبتتلى ان موضوع الكهربا والكاربرتير ده بيأثر على استهلاك البنزين جامد لدرجة انى اول ما جبت العربية لقيت اللتر بيعمل 6 كم بس والعربية بتقطع بعد ال120 وترجرج اول ما ابطلها ولقيت نفسى بغير طقم البوجيهات كل اسبوعين وكل مرة الاقى راس الشمعة اسود هباب..روحت للميكانيكى بتاعى فك الكاربرتير ونضفه بأنبوبة منظف انجكشن وقام غسله بالبنزين وطلب منى اجيبله جوان وش وجوان قاعدة كاربرتير وبصيت على جوان القاعدة القديم لقيته مسود و متفرتك تقريبا ومكانش فيه جوان وش من أساسه..وبعد النضافة والتركيب قالى هنغير بك البنزين ال50 بواحد 40 ولفيت كعب داير عالتجار ملقتش غير 45 قام ركبه وظبتلى بقية البكات وقومت غيرت الابلاتين والكوندنسر بأتنين فرنساوى جداد والحمد لله الاستهلاك ظبط عن الاول كتير بقى اللتر يعمل حوالى 9 كيلو متوسط جوا وبرا البلد مع العلم انى بجرى فى السفر وده طبعا بيزود الاستهلاك عشان مقاومة الهوا