الموضوع: Hondaaaa rules

ياريت الناس اللي بتعيب على الشكل و البلاستيك نسمع رأيها
اهي طلعت اشد من الفوكاس الالماني
و على رأي صديقنا العزيز اللي ما يعرفش يقول هجس
و للعلم انا مره اتحطيت في موقف صعب جدا و انا ماشي في الضلمه على سرعة 100 كم و في ملف لقيت كارو على مسافة متر و كان شمالي ميكروباص دست فرمله و خدت الدركسيون جامد شمال قلت الخبطه من الجنب احسن من موته المهم الميكروباص فاداني و الهوندا نقلت نفسها بعد الكارو بمنتهى الثبات ولا عامت و لا زحفت و لا عرضت من الضهر و لا اوفر ستيرينج ولا الهوا

فعلا علشان الواحد مايقلشي بلاستيك تاني فعلا هي Best car in this segment كله بيقول عليها كده بره وجوه وفعلا العربيه مش شكل وكماليات العربيه عباره عن حاجات تانيه كتير والفيديو ده جاب المفيد

الرجاله اللى عملت المشاركات اللى فاتت 10\10 علشان انا كنت بتكلم على السيفيك 2012 فى كذا موضوع وبقول ان العربيه مش شكل وبس ومحدش عايز يحط اى comment

المشاركة الأصلية كتبت بواسطة semsem kane

على فكرة العربية ممتازة جدا وشكلها حلو جدا والله تحفة ليها كدة شخصية وهية ماشية بعكس عربيات كتير تحس انها منظر غريب هو اللى بيلفت نظرك , لكن دية كدة ليها شخصية كدة وفارضة نفسها على الطريق تحس انها بتخطف الانظار

وبعدين ياجماعة انا شوفت 2013 تحفة بجد , وشوفت كمان السيفيك ال 1.8 سى سى وكان بيجرى بيها بجد كانت حاجة تحفة كدة بتجرى

والعربية كانت قدامى على الدائرى وكان جنبيها سيارات من المنافسين بدون ذكر اسماء , هما ياخدوا مطب الهواء ويتنططوا وهية ماشاء الله تاخد المطب مرة واحدة وماتتحركش تانى

دة غير تجربتى ليها اثبتت كل اللى انا شوفتة

بجد سيارة تحفة بكل المقاييس ومش مشكلة ماتكونش عاجبة كل الناس لمجرد شافوها بس ولما اجى اسأل اى حد من اللى بيقول وحشة وغالية على الفاضى ركبتها ييقولى لأ طيب بيحكم منين

عموما استمتعوا ياملاك السيفيك بسيارتكوا فهية كانت وستظل وستكون من اقوى السيارات تحقيقا لكل مايتطلبة السائق من امكانيات فى السيارة ( محرك - راحة - ثبات - قوة - اعتمادية )

وربنا يباركلنا فى عربياتنا

امين يارب والله انا قبل ماجيب العربيه واحد صحبي كان شافها من بره وقالي ايه العربيه الصيني ده بقوله ده هوندا سيفيك الجديده قالي ده شكلها وحش خالص فمن بعديها قفلني منها وبعديها بفتره قولت اخش على النت واشوف الناس بتقول عليها ايه لاقيت الناس بره عمليه مش بيتكلموا على شكل بيتكلموا على اعتماديه وثبات وكده والكلام ده شجعني اني اجيبها والحمد لله ربنا رزقني بيها فعلا ربنا يحرسها ويكفيني شرها تستاهل كل مليم اتدفع فيها وتمتاز بحاجه مش موجوده في الالماني انا عارف هاتضرب على الموضوع ده الراحه في السفر والمسافات الطويله .