ما سر فى سهولة سرقة الهوندااا !!!!!

**Amr Elshamy** · 21-11-2012 02:34 AM

انا احترت فى الفتره الاخيره عندنا فى بورسعيد زادت عمليات السرقة للسيارات وبالأخص "" الهوندا "" !!!

ايه السبب فى كده ؟؟ هل بيستخدمو مفاتيح مصطنعه وزي ما تيجي تيجي ؟؟

ولا اى مفتاح عربية هوندا ممكن ساعات يركب على عربية تانية ؟؟

يا ريت حد هنا خبير فى الهوندا يقدر يقيد فى الموضوع دا ...

**khaleddapino** · 21-11-2012 04:38 AM

العربيه بابها اصلا بيتفتح بسلك العجله و عن تجربه :)

**ماجيكانو** · 21-11-2012 08:55 AM

انا ابن عمتى كان معاه عربيه هوندا برده اتسرقت من فتره
وسالنا واحد خبير فى السرقه هههههههههههههه
مش فاكر قال ان السطمبه بتاعت الهوندا اغلبها زى بعضو فممكن مفتاح بتاع عربيه يفتح على عربيه تانيه وممكن لا بس فى الغالب بيفتح

وعلى فكره برده مش بتتفتح بسلك العجله بس ده انت ممكن بطفاشه او بنسه شعر او مفك تيست عريض لو لعبت فى طلعه اللسان بتاع الباب مكان المفتاح تطير الكالون فى لحظه

احسن حل ليك تربطها بجنزير هههههههه
تحيااتى

**hany63** · 21-11-2012 09:09 AM

الرجا من المنسق حذف الموضوع لانه بيلفت نظر الحراميه

**SAMEH_FOUAD** · 21-11-2012 10:32 AM

طيب ماكل العربيات بتتسرق بسهولة جدااااااااااااااااااااااا ااااا

كل اليابانى - كل الكورى وحتى معظم الالمانى

وعلى فكرة ياجماعة بس عشان تبقوا عارفين ان المشكلة دية مش سببها ان القلب بتاع الكالون بيكون متهالك وبقالة فترة وصاحبها بيروح يطلع , اى مفتاح تعبان ويقعد يحفر فى الباب لحد مايطبع علية المفتاح وهو فاكر ان كدة المفتاح اتظبط مايعرفش ان الكالون هو اللى اتظبطت ونعم عشان كدة بقى بيقبل اى مفتاح حتى لو كان المفتاح مش نفس رسمة الكالون بنسبة تصل حتى الى 70%

فعموما ياجماعة احب اقولكوا حاجة حلوة اوى , اى عربية بتتسرق مهما كانت , لكن الفرق فى عربية والتانية هية سرعة السرقة

واحب اقول تنوية لمالكى السيارات عموما حاولوا دايما تكونوا محافطين على سلامة كوالين السيارة , وعدم وضع فيها مفتايح مصطنعة غير لما تكون فعلا مطابقة تماما للمفتاح القديم

ربنا يسترها علينا ويكفينا شر السرقة