ماذا سيفعل من معه سيارة بها محرك تيربو فى مصيبة البنزين 95

**Ahmed.Fahmy** · 23-11-2012 08:12 PM

المشاركة الأصلية كتبت بواسطة enas007

تسلم يا أحمد باشا عرض للموضوع في منتهي الجمال مع اني مش فاهم غير الconclusion بس الكلام شكله حلو ........

بس عاوز أسئلك علي حاجه هل الاحسن نثبت نوع بنزين واحد ولا التغيير من 92 الي 95 يفيد الموتور و لو حضيف octane booster هل اضيفه مع كل تفويله والكميه قد ايه؟؟؟؟؟ وهل كتره ممكن يضر بالموتور؟؟؟؟

هو لو حضرتك بتحط 92 ودا Recommended للعربية يبقى مالوش لزمة تغير ولو هتحط 95 كل فترة مرة كدا وللا حاجة عشان تستفاد بالمواد اللى فيه مافيش مشكلة عشان فى سينسور بيقيس الاوكتان وعلى اساسه العربية بتتعامل مع نوع البنزين اما لو هى لازم 95 وعاوز تحط 92 يبقى هتعمل زى ما قولت سابقا

بالنسبة Octane Booster فالمفروض على العلبة مكتوب تتحط على كام لتر يعنى العربيات اللى التانك بتاعها 55 مش زى ال70 لتر بس عموما هى العبوة بتتحط على تانك 55 لتر لكن Check اللى مكتوب على العلبة، اما عن استخدامه فلا ضرر لو مع كل تفويلة

**Formulator** · 24-11-2012 03:06 PM

المشاركة الأصلية كتبت بواسطة TFSI

انا بأستخدم WMI بالفعل عشان ال Timing Advance is very aggressive
أحسن نوع عن تجارب بقالى 3 سنين لكذا ماركة هو Snow Performance Stage 2
Snow Performance : Stage 2 Boost Cooler™

وسيبك من اى نوع تانى
بس عشان تستفيد منه لازم remap

ايـــــــــه ده؟؟ ده أرخص من الـAEM؟؟!!! والـapplication لحد 25 psi؟؟!!!

أيوه يا تى،
بس الكلام ده للمواتير الـtuned واللى بيـrun بوست و Timing-Advance عالى؟!!!
وفعلا الـcost-benefit هتبقى محدودة أوى للستوك map؟!!!

لكن إخواتك -الغلابة- اللى مواتيرهم ستوك دول؟؟!! بالعافية ياعينى

عايزين يـrunـوا الـOEM boost/advance.. والحكومة نافخاهم 92؟!!
ههههههههههههههههههههه

المشاركة الأصلية كتبت بواسطة Waleed_Fathy

سؤال يا اخوانا
يعني الشركات المصنعة للمحركات دية مالهاش حيله بحيث تشتغل ببنزين 92
و بعدين يا جماعة الموضوع اسود اوي بدل 4.75 جم طلع فى الاخر 5.75 جم
حلول عملية ربنا يخليكم

شوف
هى الـmap الـoem تشتغل 92 عادى، بس بـretardation واضح للـTiming-Advance؟؟!!!

- كده كده الكنترول هيضبط نفسه عـ الـ92: هيأخر الـtiming بتاع الـinjection/ignition، هيقلل الـmax. boost وهيرمى بنزين بزيادة عشان ماتسقفش؟!!

انت هتحس بيها فـ أيــــــــه:
- تسقيف بسيط فـ المطالع وunder Load
- بطء فـ السحب والتجميع فـ الـmid-range والـhigh-end بتاع الموتور
- إستهلاك زيادة فـ البنزين جوا البلد وhighway؟!!

الحل: 92+Oxygenates+Boosters.. أدينا بنشوف، لا تقلق

المشاركة الأصلية كتبت بواسطة Ahmed.Fahmy

المعلم مصطفى... حبيبى اخيرا ظهرت فينك من زمان............. وكامن TFSI دانا بقالى كتيييييييييييير ما شوفتلكمش مشاركات

حبيبى أبو فهمى :)
رجعتنا للـOrganic والـStereo هههههههههههههههههه

مصطفى، الMMT and MTBE دى Oxygenates وزيها زى الMethanol او ال Ethanol اللى تضاف على البنزين للرفع من كفائة الوقود زى الBooster كدا عن طريق حرق مواد الكمية الصغيرة منها تعطى Power اكبر من الIso-Octane بس دول اضعف من الOctane Booster فبتضاف بكميات اكبر وغالبا اثناء التصنيع
اما الKnock additives فكانت Lead compounds والان اصبحت Aromatics ومع وجود Knocking sensor مبقاش ليها لزمة قوى

فعلا الـToluene والـXylene بتضاف باللترات عشان ترفع الـRON للأسف؟؟!!!

بس الـAnti-knock additives الجديدة لو نعرف مصدر ليها (زى الـMMT).. نبقى عدينا يامعلم!

يعنى الخلاصة تانى ممكن نحط 92 فى عربياتنا عادى جدا..... وانا لما حطيت 92 مرتين قبل كدا ما كانش فى Knocking ولا حاجة بس حسيت ان العربية السحب بتاعها قل سنتى كدا على السرعات العالية

أنا بعرفها فـ المشى العادى لما أكبس على غيار متوسط 2nd-3rd والـrpm تكون قليلة 1250-1750 بلاقى تسقيفة بسيطة وبتروح بسرعة
>>> الكلام ده فـ 92 أو 95 مضروب
فـ الـ95: مستحيـــــــــــــل تلاقى التسقيفة دى؟؟!!!

- بالنسبة للسعر 5.75-5.85 جنيه: طبعا ده قضى على كل التفكير اننا نفضل نستخدم 95؟؟!!

92+mixtures حتى أوكتان آخر؟!!! Lol
ههههههههههههه

**A.Adel** · 24-11-2012 05:31 PM

المشاركة الأصلية كتبت بواسطة formulator

شوف
هى الـmap الـoem تشتغل 92 عادى، بس بـretardation واضح للـTiming-Advance؟؟!!!

- كده كده الكنترول هيضبط نفسه عـ الـ92: هيأخر الـtiming بتاع الـinjection/ignition، هيقلل الـmax. boost وهيرمى بنزين بزيادة عشان ماتسقفش؟!!

انت هتحس بيها فـ أيــــــــه:
- تسقيف بسيط فـ المطالع وunder Load
- بطء فـ السحب والتجميع فـ الـmid-range والـhigh-end بتاع الموتور
- إستهلاك زيادة فـ البنزين جوا البلد وhighway؟!!

الحل: 92+Oxygenates+Boosters.. أدينا بنشوف، لا تقلق

أنا بعرفها فـ المشى العادى لما أكبس على غيار متوسط 2nd-3rd والـrpm تكون قليلة 1250-1750 بلاقى تسقيفة بسيطة وبتروح بسرعة
>>> الكلام ده فـ 92 أو 95 مضروب
فـ الـ95: مستحيـــــــــــــل تلاقى التسقيفة دى؟؟!!!

أنا عاوز أعرف كام حاجة كده لو حد يقدر يقولي

1.ليه التوكيلات بتمنع استخدام ال octane boosters
توكيل VW مثلا

2. هو ده بس تأثير ال 92 ؟؟
الحاجات مقدور عليها
- تسقيف بسيط فـ المطالع وunder Load
- بطء فـ السحب والتجميع فـ الـmid-range والـhigh-end بتاع الموتور
- إستهلاك زيادة فـ البنزين جوا البلد وhighway؟!!

يعني فيه تأثير مدمر ولا تأثير بسيط على المدى البعيد
يعني إيه اللي هيحصل ؟؟

3. إيه الحل ؟؟

مش كل الناس دارسة كيمياء زيك و زي ahmed.fahmy :)
مش كلنا هنعرف نعمل حوار ال additives ده

و قولتوا إن ال remap مش safe قوي في الحالة دي
ولا ده غلط ال tuner ؟؟

شكرا مقدما :)

**eleanor** · 27-11-2012 03:26 PM

اولا السلام عليكم
انا كنت عايز اقول ان التسقيفة البسيطة دى مع الوقت بتعمل تاكل فى الكرنك بتاع الموتور

**Formulator** · 27-11-2012 04:14 PM

المشاركة الأصلية كتبت بواسطة enas007

طيب هوهconsiderable loss of power يعني حوالي كام ؟؟؟؟؟؟؟

والله ياباشا.. إحنا كنا بنقول ان مع الـ95 نفسه: المواتير الـ150 حصان تنزل لـ140+ حصان!!
إنما مع 92 أوكتان... الله أعلم؟!!!
بس كده مش أقل من 15-20 حصان Loss مع الزفت الـ92

- الـLimit بقى اللى الـECU هتنفض عنده للـknock.. (لأن الـthreshold بيعلى فـ الـAcceleration والـFull-throttle) وهتكمل boost.. كام؟؟ بردو معرفش!!

المشاركة الأصلية كتبت بواسطة Hosam_Optrawy

طيب اسمحولنا نتطفل عليكم يا اهل التربو :) واسألكم عن العربيات اللى ال Comprssion Ratio بتاعها 11 سواء Direct Injection او لأ زى الفوكس والشارك والفييستا والايفو وال C4 وال 308 والسبورتاج وغيرهم , وهل الضرر هايكون اكبر لل Direct Injection + ال Compression Ratio 11 ولا مش هاتفرق

ولو ال Compression Ratio وصل ل 10.8 زى ال Ecotec بتاع الاسترا او10.7 زى القاشقاى والجوك يمشى معاه 92 عادى ولا لأ

أعتقد العربيات دى ياحسام المشكلة مش هتبقى كبيرة بالنسبة لهم؟!!!

لسبب بسيط جدا..
ان مواتير التربو نظريا الـCR بتاعها أقل، لكن فعليا الـEffective-Compression ratio فـ الموتور التربو اللى CR بتاعته أقل من 10.0:1 بتوصل 20.0:1 مع الشحن التوربينى!!

ودى المصيبة!

- حتى الـDirect-injection N/A المشكلة هتبقى فـ الـcarbon-deposits عـ الصبابات، لكن مشكلة الـknock مش هتبقى بحجم مشكلة التربو؟!!!

المشاركة الأصلية كتبت بواسطة Ahmed.Fahmy

المضحك جدا جدا بقى لما نوصل لشكل نهائى للتركيبة و لما واحد فينا يروح يفول الراجل بتاع البنزينة يلاقيه فتح شنطة العربية ومطلع شوية حاجات عمال يحط منها على بعض فى التنك.... الراجل كدا هيقلق...

- بردو فكرت فيها؟!!! ههههههههههههههههههههه
ممكن تقف قبلها (برا البنزينة)، وتحط الـmix بتاعك.. وبعدين تخش!! هههههههههههههههه
ياعم دانا لما كنت بحطها عـ الـ95 (أيام ماكان رخيص

)، كان الشارع كله بيتفرج عليا؟؟!!!
هههههههههههههههههههه

**Formulator** · 27-11-2012 04:50 PM

المشاركة الأصلية كتبت بواسطة asaber

انا جالي اكتئاب بعد ما شوفت الكلام ده

Avoid driving at full throttle

الجملة دى تجيب إحباط فعلا!!
هو أنا جايب عربية تربو عشان أمشى partial-load جنب الحيط

You can otherwise impair engine output or damage the engine

لكن دى.. مكن تجيب شلل؟!!!

واللي يشل بقي ان العربيه ال AMG ال8 سلندر تاخد بنزين 92
وانا الوحيد اللي لازم اقل حاجه 93 ...... مش بس كده
دا ال AMG لو عايز ممكن في التوكيل يعدلوا له العربيه وتمشي ببنزين اقل من 91 يعني يفول 90 لو عايز

هو فعلا الـAMG////// عشان السوق بتاع أمريكا-الشمالية -ستوك أو adopted- تشتغل 87 AKI بتاعهم (92 عندنا)؟!!!
موتور V8 Normal-Aspirated وسعات up-to 6.3 Liters.. بيقولك Oldschool تشتغل 92!!

المشاركة الأصلية كتبت بواسطة horas3000

انا حمايا معاه ال c250 cgi و سال في التوكيل و قالوله مفيش مشاكل من ال 92
و انا نفسي بصيت علي التانك و لقيت اانها تاخد من 91-98
معقول ال 180 لازم 93 ؟؟؟

هو فيه Rule-of-Thumb فـ الحتة دى:
كل ما الموتور صغر Downsized وإتشحن أعلى Overboosted.. كل ما متطلبات الـhigh-octane بقت A MUST؟؟!!!

يعنى ممكن جدا -فـ رأيى:
- الـC180 موتور 1.6 بيطلع 156 حصان.. لازم 95-98 عشان يطلع الـFull Power
- الـC250 موتور 1.8 بيطلع 185 حصان.. ممكن أوكتان أقل، وبنفس الـrule النسخة الـ204 حصان Overboosted/ Tuned-up يبقى high-octane؟!!! وهكذا

مثال تانى VW-Audi
- الـ2.0 TSI والـ1.8TFSI بتاع الـGTi والـA4 بيقولوا على VWVortex ان متطلبات الأوكتان بتاعتهم أقل من الـ1.4 TSI.. عشان الأخير بيطلع Specific-Output أعلى (بالنسبة لحجمه)
للأسف هى قاعدة صحيحة!!