الموضوع: العربية بتزحف مع الفرامل

المشاركة الأصلية كتبت بواسطة aw2100

انا عربيتى فليشيا بتزحف مع الفرامل وبتفرك مع الطلعة الأسفلت كان عندى كاوتش classiro gt امامى وراكب من سنة وعامل حوالى 12000 ك المهم غيرتة والعربية بقت فراملها 10/10 بتلزق مكنها حتى فى المية او التراب وبطلت تصرخ فى الفرامل او فى الطلعة وحسيت ان تسارع العربية بقى اقوى الخلاصة الكاوتش التويو اليابانى مكلبش فى الأرض ودى تفاصيل قصة شرائى للكاوتش فى مشاركة سابقة
http://www.nilemotors.net/Nile/321651-a.html

هممم، الفردة ال Toyo 350 دي شكلها جامده مقارنة بالبريدجستون Turanza GR90 من ناحية تقارب الأداء وفرق السعر، كمان بتتفوق على البريجستون في معدل التآكل، شوفو الريفيوهات دي عن الإثنين ...

Toyo 350 | the Toyo 350 reviewed and rated | the online tyre guide

Bridgestone Turanza GR90 | the Bridgestone Turanza GR90 reviewed and rated | the online tyre guide

بس التويو ٣٥٠ دي فردة صيفي والبريدجستون حي آر ٩٠ فرده لكل المواسم، هل ده يفرق معانا ولا ده للبلاد إللي فيها ثلوج وكده؟ على فكره الباروم إللي في اللوجان الجديد زي التويو، فردة صيفي برضة.

ياترى في حد تاني جرب الفردة دي لمدة أطول يقولنا رأيه فيها؟ ده كده الأربع فرد عاملين ١٥٠٠ جنيه،بدل البريدجستون معديين ال ٢٥٠٠!! ولسه كمان بالنسبالي لما أخصم ثمن الكاوتش القديم إللي راكب عندي عشان لسه مامشاش حاجة.

المشاركة الأصلية كتبت بواسطة bishoy02010

موديلة بيكون بالكتير قبليها ب 6 شهور و تقيمى ليه انه ممتاز عدا عيب واحد انا شايفة فيه انه مش رياضى
يعنى هوه من الأخر ملوش اى صوت ناعم وكويس فى الفرامل بس قدام الدلع اللى فات ده مش مكلبش فى الأرض زى الأطارات الرياضية

مشكور يا بيشو بس مكنتش أقصد تاريخ الإنتاج، أنا قصدي موديل الفردة. في حاجة إسمها تورانزا وحاجة إسمها بوتينزا وتورانزا دي في منها جي آر ٨٠ وفي جي آر ٩٠ ... وكلهم بريدجستون. زي مثلا متقول العربية دي رينو، طب رينو ميجان ولا لوجان ولا ولا ... إلخ.