الموضوع: فضيحة شركة هيونداى/ كيا بسبب تزوير استهلاك وقود سياراتها

المشاركة الأصلية كتبت بواسطة SE_coralsea

بداية أنا هأرد في الموضوع رد واحد و أخير و ردي سيكون مقسما علي جزئين , أولهما حقائق و ارقام عن متوسطات استهلاك الالنترا من الولايات المتحدة الامريكية نفسها و من منتدي هيونداي هناك و الجزء الثاني كلام موجه لكارهي هيونداي اللي واضح أن هيونداي اصبحت باللغة الدارجة كده (حارقاهم و معلمة عليهم) مش عارف ليه

الأرقام اللي انا جايبها لكم دي دلوقتي من منتدي هيونداي - أمريكا :
- استهلاك الألنترا md موديل 2011 : 39.977 ميل / جالون و ده متوسط ماقاله أعضاء المنتدي الامريكي من ملاك تلك السيارة

معظم القراءات تقريبا : 40.0 ميل / جالون (علي الطرق السريعة) = 17.0 كم / لتر

و ده نص كلام احد رواد هذا المنتدي الأمريكي :

[frame="3 80"]

I've gotten 42.9. ECO Off. Cruising 65. Hills included. It's possible!
__________________

[/frame]

طبعا لازم نلاحظ الفرق : سيارات هيونداي ألنترا md في أمريكا بها خاصية eco

أما عن نفسي و سيارتي الالنترا موديل 2012 فقد شاركت في نفس الموضوع و أيضا نقلت لكم تجاربي هنا في قسم هيونداي و أليكم نص المشاركة :

[frame="1 80"]
I have the following experience with my Elantra MD - 2012, which has the following specifications:
- Actual Km untill now : 30000 Km
- Air filter condition : good and didn't changed for about 20000 km
- Fuel filter : changed in 20000 Km maintenance
- Avarage speed (incide city and High way) : max. 70 Km
- Avarage fuel consump. : 7.5 - 8.2 Litres / 100 Km

But..
When driving on high way with avarage speed of (100 - 120) Km/h the avarage fuel consump. is (7.0 - 6.5) Litres / 100 Km

I'm using fuel Injector Cleaner every 10000 Km

Best Regards for all

[/frame]

و بعد التجارب الاخيرة اقدر أقول أن متوسطات الاستهلاك كالتالي :
- داخل المدن (8 لتر / 100 كم = 12.5 كم / لتر)
- علي الطرق السريعة (6.5 لتر / 100 كم = 15.4 كم / لتر)
و بالقيادة الهادية و علي طريق مفتوح بدون توقفات لمسافة تعدت ال 50 كم حققت الرقم التالي :

4.7 لتر / 100 كم
21.3 كم / لتر
صدق أو لا تصدق
هذا ماحدث معي بكل دقة و بكل أمانة

طبعا هاتطلع ناس تشكك في الارقام دي لكن علي فكرة في نفس المنتدي الامريكي أحد الاعضاء حقق 48 ميل / جالون (اي 20.4 كم/لتر) و هو تقريبا نفس الرقم الذي حققته هنا في مصر و لمرة واحدة فقط

و علي فكرة من حوالي سنتين حدث نفس الشئ مع شركة تويوتا في الولايات المتحدة و تم أستهدافها بعدد من الدعاوي القضائية وقت أن كانت تويوتا متصدرة المبيعات في الولايات المتحدة و الان يحدث نفس الشئ بعد ان تزايدت مبيعات هيونداي للعام الثاني علي التوالي و تهديدها للسيارات الامريكية و اليابانية هناك فمن الطبيعي أن نجد مثل هذه الاخبار لوقف شركة هيونداي هناك

طيب أمريكا عنها صناعة و بتحارب لحمايتها , و مصر بقي عنها أيه علشان البعض يحاول أو يتمني أن تختفي هيونداي و كل الكوري من السوق المصرية ؟؟
و ليه البعض حاقد او ناقم علي هيونداي بهذا الشكل ؟
طيب دي أرقام أستهلاك الالنترا ياريت تقولوا لنا أرقام استهلاك السيارات الاخري اللي بتتشدقوا بها

اذيك يابشمهندس سمير يارب تكون بخير

ياباشا هو حضرتك لية مصمم اننا محروقين من هيونداى , هية هيونداى دية مثلا لو قرينا عنها حاجة المفروض مانتكلمش يعنى

وبعدين المرة دية ولا مقارنة ولا فيديو ولا موقع , لأ دية مشكلة واتعرضت قدام الكونجرس يعنى مش اى كلام , وتم توقيع غرامة مالية 362 مليون دولار

وهنحقد عليها لية بس ياباشا , دية شركة حرامية وكلها نصابين وبيستخدموا اساليب غير شرعية فى تسويق منتجاتهم

تويوتا اتعملت عليها دعاوى قضائية بسبب عيوب صناعة مش كدب على المستهلكين وهية اعلنت دة وشالت كل التكاليف لاصلاح السيارات

ياباشا انا بس عايز حضرتك تعرف حاجة واحدة " دة منتدى سيارات يناقش كل ماهو متعلق بالسيارات "

يعنى مثلا لو واحد جاب مصدر بيقول ان شركة bmw عملت recall لمثلا m5 هل كدة يبقى هو حاقد على bmw وفرحان فيها , لأ دة مجرد خبر اتنشر واتقال عشان تبقى الاعضاء هنا connected دايما وعندها update news , لكن ليس لة اى صلة بكرة السيارة او حبها , ياريت تفصلوا النقطة دية عن اى مناقشة بنتكلم فيها عشان دية نقطة الخلاف دايما , اعضاء هيونداى فاكرين ان اى موضوع فى غير حق سيارات الشركة يسمى اضطهاد للماركة وحقد , واننا محروقين منها , ههههههههههه بجد كلام غير مطابق للصحة تماما

معلش ياباشا مع احترامى للهيونداى ومالكيها بس اللى اشترى السيفيك كان ممكن يجيب الالنترا ويتبقى معاة 30 الف جنية , واللى اشترى الجيتا كان بردة هيتبقى معاة حوالة 45 الف جنية , واللى اشترى الفوكس كان هيتبقى معاة 15 الف جنية وطبعا دة كلة مقارنة بالالنترا الاعلى فئة

يعنى سعر العربية مش خرافى ان الناس تحقد عليها او تتحرق منها

ياريت بس النظرة دية تتغير

وبعدين ياباشا احنا هنا مش فى مقارنة مابين سيارات عشان اجيب سيارات من نفس الفئة بتعمل كام ميل , احنا هنا بعرض موضوع تم طرحة فى العالم كلة والعالم كلة بيتكلم علية

تقبل تحياتى وياريت ياباشا نشوفكوا فى المقابلة بتاعة الهونداوية بكرة ان شاء الله فى صلاح سالم فى دار الاسلحة والذخيرة , اكيد هنقدر نتكلم اكتر وساعتها كل شىء هيبقى واضح

تقبل تحياتى