دي بقى مأعرفهاش خالص بصراحةياريت يا جماعه حد يفيدنا فى أجراءات نقل مليكة السيارة اللادا من قيمة الضريبة قد أيه ؟ التأمين قد أيه ؟ أحسن شركة تأمين أيه ؟
أنا معي لادا سمارة ولسه ناقل ملكية هي موديل 1991 موتور 1300 سي سي.. دفعت ضريبة 180 في السنة وتأمين إجباري 110 والتأمين عن سنة وشهر وفيه كذا شركة تأمين مافيش حاجة إسمها أحسنهم إيه... لأنهم كلهم ملهمش لازمة أصلاً هي فلوس بتندفع وخلاص
وهل ممكن أدفع التأمين فى أى مرور ولا المرور ألى تابع ليه العربية فى ترخيصها الجديد ؟
يفضل تدفع التأمين في المرور الجديد.. علشان لو مندب شركة التأمين حسب لك المدة غلط.. بتضطر تعمل استمارة ملحق عند مندوب التأمين ذاته
مطابقة البصمة فى المرور القديم أجرائتها أيه عشان قريت أن لازم يختم على المطابقة وناس قالت لا ؟
بخصوص مطابقة البصمة أنت الأول بتروح بجميع أوراق العربية إللي هي (عقد بيع مسجل - شهادة مخالفات - شهادة بيانات لو الرخصة منتهية وإذا لم تنتهي يبقى بالرخصة على طول - ورق فحص من خزينة المرور الجديد إللي انت تابع ليه - وملف علشان الورق)
هتاخد الأول أوراق الفحص وتروح تفحص عادي هيرفع بصمة الموتور وبصمة الشاسيه والفني بيختم لك والمهندس بيكتب لك جواب على ظهر ورقة الفحص إللي ظاهر فيها البصمة موجه للمرور القديم وبتروح بالجواب ده... مهندس الفحص إللي في المرور القديم خياخد الجواب ويطلع ملف العربية وبيقارن أرقام البصمات مع الأوراق إللي عنده.. وبعد كده بيختم لك وبعد كده بتختمه بختم النسر من قائد الوحدة ذاته.. والموضوع سهل ومبيخدش وقت.. وبعد كده تتوجه إلى المرور الجديد لمهندس الفحص وتمم باقي إجراءات نقل الملكية عادي خالص
أيه موضوع الأستعلام دة ألى بسمع عنة ؟ بخصوص اللوحات بتتغير لنقل من مرور لمرور مع العلم أنها نفس المحافظة أم لا ؟
موضوع الاستعلام ده.. بيبقى في ذات الوحدة نفسها اشتغاله بسيطة جدا.. علشان المباحث إللي في الوحدة تسترزق منك بـ 10 جنيه أو 5 جنيه
اللوحات لو في نفس المحافظة بتبقى زي ما هي.. أما لو محافظة اخرى بتسلم النمر وبتستلم نمر جديدة
ودلوقتى مطلوب منى أدفع الضريبة للعربية قبل النقل لأنها أنتهت فى المرور القديم ؟ فهل أدفع السنتين هناك ولا سنة واحدة ؟ وهاثبت أذى هناك فى المرور الجديد أنى دفعتها ( الضريبة السنتين )
أرجوا ان اكون أفادتك
المفضلات