تساؤلات حول اللادا نيفا 2012

**kimo1980** · 15-11-2012 06:30 PM

السيارة اللادا نيفا الروسية الشهيرة بأداءهاالفائق خارج الطريق في الأماكن الوعرة التي يصعب على أي سيارة أخرى العمل فيها، تتميز ببساطة ميكانيكية و اعتمادية معقولة، سهولة الصيانة و الإصلاح، رخص ثمنها و قطع غيارها بالمقارنة بمثيلاتها ذوات الدفع الرباعي سواء الأوروبي أو الآسيوي أو الأمريكي.ـ

عيوبها في رأيي تتمثل في صغر المساحة الداخلية و خشونة السيارة و فقر أداءها على الطريق و انعدام وسائل الرفاهية بها.ـ

السيارة حتى الآن تباع و يتم الترويج لها في أوروبا و ذلك لمميزاتها العديدة.ـ

لا أعلم هل ما يزال يتم تجميعها في مصر محلياً أم توقف ، و ما هو سعرها و مصدر مكوناتها إن كانت مازال في الإنتاج، و من هم منتجوها و موزعوها؟؟

و هل قام أحد بشراءها و تجربتها و ما هو تقييمه لها من واقع التجربة؟

أتمنى مشاركة من لديه معلومات عنها للإفادة.ـ

مع خالص الشكر.ـ

**hassanin_lada** · 15-11-2012 07:09 PM

بص ياباشا لو شغلك فيها اماكن وعره كتير تبقي افضل شئ بارخص سعر

لكن لو عادي زينا شغلك ومشاويرك في البلد وعاوز عربيه عائله وفيها وسائل ترفيه يبقي ابعد عن الادا عموما الا 2110 دي ممكن مع العلم بعض قطع الغيار غير متوفره

تقبل مروري اخوك احمد حسنين

**kimo1980** · 16-11-2012 08:49 PM

مشكور مرورك الكريم و كلامك صحيح هي لا تناسب الاستخدام العائلي و ليست الامثل داخل المدينة
مكانها الصحراء و الاماكن البعيدة
يا ريت لو حد عنده اجابات الاسئلة للفائدة

**MEKAWY2000** · 17-11-2012 12:09 AM

المشاركة الأصلية كتبت بواسطة kimo1980

السيارة اللادا نيفا الروسية الشهيرة بأداءهاالفائق خارج الطريق في الأماكن الوعرة التي يصعب على أي سيارة أخرى العمل فيها، تتميز ببساطة ميكانيكية و اعتمادية معقولة، سهولة الصيانة و الإصلاح، رخص ثمنها و قطع غيارها بالمقارنة بمثيلاتها ذوات الدفع الرباعي سواء الأوروبي أو الآسيوي أو الأمريكي.ـ

عيوبها في رأيي تتمثل في صغر المساحة الداخلية و خشونة السيارة و فقر أداءها على الطريق و انعدام وسائل الرفاهية بها.ـ

السيارة حتى الآن تباع و يتم الترويج لها في أوروبا و ذلك لمميزاتها العديدة.ـ

لا أعلم هل ما يزال يتم تجميعها في مصر محلياً أم توقف ، و ما هو سعرها و مصدر مكوناتها إن كانت مازال في الإنتاج، و من هم منتجوها و موزعوها؟؟

و هل قام أحد بشراءها و تجربتها و ما هو تقييمه لها من واقع التجربة؟

أتمنى مشاركة من لديه معلومات عنها للإفادة.ـ

مع خالص الشكر.ـ

Презентация LADA Granta - YouTube

**ahmed_gamal777** · 17-11-2012 02:25 PM

عربية جميلة واعتمادية جدا فى الامكان الصعبة (مقاولات وهندسة وطرق ومزارع)
تنك البنزين صغير على عربية جبال ( 40 لتر)
تفوقها فى اوربا وروسيا بسبب رخص تمنها
انسى الجرى بيها اخرها 80 او 90 بسبب فقر نقطة التوزان فيها

**zega332** · 19-11-2012 11:26 AM

انا هقول لحضرتك رأيي بنائاً على ركوبى للسياره وتواجدها معايا الي الان
العربيه قطع غيارها رخيصه وموجوده والصالون بتاعها واسع بالنسبه لعربيات الباب الواحد وطبعا سرعتها على الطريق زي اي عربيه حسب حالة الموتور بتاعها ولو زيرو هتبقى زي اي عربيه زيرو وموضوع الاتزان على الطريق بيتحل بأربع كوتشات مقاس عريض وماشاء الله الكارتيره بتاعتها تشيل مقاسات كاوتش زي ما انت عايز وفى منها مكيفه وباور وزجاج كهرباء كمان وفى منها زيرو عامله 68000 وطبعا جميع الكماليات تكييف باور سنتر زجاج كهرباء وجنوط سبور وكاوتش عريض يعنى ملهاش اي عيييييب وانا لو فكرت اغير الي معايا هجيبها زيرو
يعنى لو فكرت فى عيب هيبقى انها باب واحد بسسس وفى المقابل راكب عربيه بيتعملها حساب على اي طريق

**asaeed** · 19-11-2012 10:07 PM

المشاركة الأصلية كتبت بواسطة zega332

انا هقول لحضرتك رأيي بنائاً على ركوبى للسياره وتواجدها معايا الي الان
العربيه قطع غيارها رخيصه وموجوده والصالون بتاعها واسع بالنسبه لعربيات الباب الواحد وطبعا سرعتها على الطريق زي اي عربيه حسب حالة الموتور بتاعها ولو زيرو هتبقى زي اي عربيه زيرو وموضوع الاتزان على الطريق بيتحل بأربع كوتشات مقاس عريض وماشاء الله الكارتيره بتاعتها تشيل مقاسات كاوتش زي ما انت عايز وفى منها مكيفه وباور وزجاج كهرباء كمان وفى منها زيرو عامله 68000 وطبعا جميع الكماليات تكييف باور سنتر زجاج كهرباء وجنوط سبور وكاوتش عريض يعنى ملهاش اي عيييييب وانا لو فكرت اغير الي معايا هجيبها زيرو
يعنى لو فكرت فى عيب هيبقى انها باب واحد بسسس وفى المقابل راكب عربيه بيتعملها حساب على اي طريق

تقييمك ممتاز لو مش محتاج العربية تكون 4 باب