السلام عليكم
انا اسمى أبو يوسف ( معوق )
أنا أشتريت فيسبا من سنتين , وروحت المرور علشان أرخصها , الظابط قالى ماينفعش ترخص فيسبا عادية وانت معوق لازم تجهز الفيسبا الاول
وطبعاً ركبتلها تجهيزة ( عجلتين من الجنب ) , وروحت المرور تانى علشان أرخص
روحت لنفس الظابط قالى هتلنا إثبات أن التجهيزة دى صالحة للإستخدام وتكون ورقة معتمدة
فأنا قولتله , أن التجهيزة جديدة , دى متكلفة 1100 ج , قالى طيب هاتلى ورقة إثبات , قولتله منين قالى مش عارف , فرحت سألت الناس اللى موجودة فى المرور , قالولى روح الوفاء والامل
بالفعل روحت الوفاء والامل , قالولى هو إحنا اللى عملنا , علشان نديلك ورقة نقولك أنها تصلح , قولتلهم خلاص أنا ممكن أعملها عندكم , قالولى إحنا مابقناش نعملها الكلام دة من سنتين
رجعت المرور تانى قالى لاً لازم إثبات انها تصلح
روحت البيت , وحلفت ما أنا رايح المرور تانى , ومش رايح فى حتة
ومن ساعتها وأنا ماشى بالفيسبا من غير نمر خالص , ولا رخصة سواقة
طبعاً الكمين بيقدر انا الفيسبا مجهزة
بس حبيت أقولكم ان اللى عاوز يمشى سليم فى البلد مش بيرلقى حد يساعده
لكن اللوع والنصاحة والفهلوة هى اللى ماشية فى البلد دى
أبو يوسف
المفضلات