الموضوع: من غير نمر

اسلم حل تعلق للعربيه نمر تجارية عشان تبقى فى السليم

عشان لو لجنه وقفتك و رخمت هياخدوا العربية و عشان ترجعها تانى هيبقى موال كبير غير بهدله للعربيه

المشاركة الأصلية كتبت بواسطة Egyzizo

لو لا قدر الله لجنة وقفتك ، هياخدو منك العربية.

استاذ egyzizo شاكر ليك اهتمامك بالموضوع والرد السريع انا سؤال هل ممكن لجنه توقف الزفه ؟؟

المشاركة الأصلية كتبت بواسطة AlGazar2

اسلم حل تعلق للعربيه نمر تجارية عشان تبقى فى السليم

استاذ الجزار شاكر ليك اهتمامك ... ايه نظام النمر التجاريه دي .. اعلقها منين وبكام وايه المطلوب عشان اعلقها ..

عشان لو لجنه وقفتك و رخمت هياخدوا العربية و عشان ترجعها تانى هيبقى موال كبير غير بهدله للعربيه

المشاركة الأصلية كتبت بواسطة Sehsss

لا قدر الله.. العربية هاتتاخد فورا وحضرتك كمان هاتروح القسم

اممممم طيب اعمل ايه طيب لازم العربيه تبقى ماشيه ف الزفه

المشاركة الأصلية كتبت بواسطة Mohamed.Fawzy

متنزلش بعربيتك ... واركب مع اى حد من قرايبك

لو ينفع مكنتش وجعت دماغي

المشاركة الأصلية كتبت بواسطة Mohab.Nabil

يعنى عربية من غير نمر و مش معاك رخصة قيادة كمان

بصراحة كده تبقى بتهرج و بتظلم نفسك و بتخالف القانون بكل استهتار مع احترامى ليك

استاذ مهاب شاكر ليك اهتمامك بالموضوع
هارد ع كلامك ف نقطتين مختلفتين
عربيه من غير نمر دي مش بمزاجي العربيه من عربيات تاكسي العاصمه والمرور بتاعنا مش راضي يرخصلي من شهر 3 !!!!
رخصتي انا لسا متمش ال 18 ودي عندك حق فيها
انما بقا بخالف قانون !!
هو فين القانون ده اللي انا بخالفو
لا عندنا ظباط ولا عندنا اشارارت مرور وكلو ماشي بالشاي والياسيمن ومعاهم رشا ( رشوه )
البلد مش عايزه تنضف والواحد لما بيبقا ماشي ف الشارع مبيشوفش علامه واحدع ع الطريق
يا راجل انا مره كنت ماشي ف ش الهرم وعند الشبراوي كده في مطب رخم اوي واللي مش عارف مكان المطب ده هايكلو والعربيه تتدغدغ
وانا ف مره كنت هاكل المطب لاستهتار الدوله وعدم وضع لافته تدل ع ان في هنا مطب يا بني ادمين ياللي سايققين عربيات
عندنا وسائل المواصلات نصها مش ادميه وملهاش حق تمشي ف الشوارع اصلا ( ميكروباصات )
والله انا لو المرور قالي تعالا رخص دلوقتي لاقوم جري ارخص بس المرور مش عايز يرخصلي واديني ماشي ف القضيه
مفيش حاجه ف البلد ماشيه صح كلو ماشي عكس واللي ليه ضهر بينفخ بطنو
جات عليا انا يعني
انا معاك اني هابقا مخالف بس اهين قرشي وجيبي ف مخالفه ولا اهينش نفسي ف مكتب تاجير عربيات
تقبل تحياتي ومروري ف الموضوع

انما بقا بخالف قانون !!
هو فين القانون ده اللي انا بخالفو
لا عندنا ظباط ولا عندنا اشارارت مرور وكلو ماشي بالشاي والياسيمن ومعاهم رشا ( رشوه )
البلد مش عايزه تنضف والواحد لما بيبقا ماشي ف الشارع مبيشوفش علامه واحدع ع الطريق
يا راجل انا مره كنت ماشي ف ش الهرم وعند الشبراوي كده في مطب رخم اوي واللي مش عارف مكان المطب ده هايكلو والعربيه تتدغدغ
وانا ف مره كنت هاكل المطب لاستهتار الدوله وعدم وضع لافته تدل ع ان في هنا مطب يا بني ادمين ياللي سايققين عربيات
عندنا وسائل المواصلات نصها مش ادميه وملهاش حق تمشي ف الشوارع اصلا ( ميكروباصات )
والله انا لو المرور قالي تعالا رخص دلوقتي لاقوم جري ارخص بس المرور مش عايز يرخصلي واديني ماشي ف القضيه
مفيش حاجه ف البلد ماشيه صح كلو ماشي عكس واللي ليه ضهر بينفخ بطنو
جات عليا انا يعني
انا معاك اني هابقا مخالف بس اهين قرشي وجيبي ف مخالفه ولا اهينش نفسي ف مكتب تاجير عربيات

ماهو للاسف ده اللى مخلى البلد بالشكل ده ، اكيد كل واحد بيبرر لنفسه زي ما حضرتك بتبرر كدة بالظبط
لو كل واحد قال هى جت عليا مش هنخلص ، وده اصلا اللى وصلنا لكدة ، فلازم كل واحد يقف مع نفسه ، ويحترم القانون عشان نفسه وضميره وبلده ودينه قبل اي شيء

خد نمرتين من اي حد وعلقهم وامشي بهم
بس ده على مسئوليتك انا مش قولتلك حاجه
وعامة مفيش لجان اصلا دلوقت
بس الصح انك تمشي صح عشان محدش يقولك تلت التلاته كم