نرجع بقى لصلب الموضوع
طمنا عليك يا انس عملت ايه؟؟
نرجع بقى لصلب الموضوع
طمنا عليك يا انس عملت ايه؟؟
مش لازم ادخل اعبر عن رأيى زى اى عضو واقول دول حرامية ونصابين وولاد ستين فى سبعين
كفاية بمنتهى الاحترام اعرض مشكلتى او رايى سواء كنت كمتعاطف او صاحب المشكلة
وطالما معايا حق يبقا اكيد حتتحل ولو مش اتحلت اللى بيخسر التوكيل مش انا .. واقدر احط رجل على رجل وارفع قضية واخد حقى بمنتهى الهدوء .. ويمكن فى الاخر الصنى اللى معايا تتغير واخد بعد كدا نيسان مورانو .. عشان انا معايا حق
ومش لازم ادخل كمتعاطف واتعاطف بزعيق واغلط .. يكفى انى اقول ان فعلا صاحب الموضوع عنده حق وانه المكان الفلانى غلطان .. وهنا ملاك القسم قالوا كدا واتحدى حد يجبلى كلام قولنا فيه ده نيسان مش غلطانة فى الموضوع ده
ومش عشان الاعضاء بيهدوا صاحب الموضوع يبقوا منحازين ابدا والدليل انه بيتصلوا وسالوا عليه شخصيا وكمان بيسالوا على الحاجات الناقصة له فى قطع الغيار ..
ويكفى ان فى اعضاء داخل قسم نيسان بيعرفوا يوصلوا المشكلة لنيسان نفسها وده مش موجود فى اى قسم اخر " الاتصال بالوكيل شخصيا "
ووحقولها تانى .. ان قسم نيسان يبلغ التوكيل ويوصله المشكلة باسلوب العقل وباسلوب هادى لمعالجة اخطائه فده مش موجود فى اى مكان واتحدى !! ياما فى توكيلات خسرت توكيلها واتسحب منهم وخسرت عملائها بسبب العند وبسبب الجشع وانهم مش بيسمعوا .. لكن فى قسم نيسان نايل موتورز قدرنا نوصل صوتنا سواء هنا داخل المنتدى وخارجه بتحركاتنا الواعية .. ويتاخد بيها اكشن وتتحل المشاكل حتى لو كان بعد فترة .. فده نجااااح وعمره مايجى بتحيز ابداااا .. وبردوا لو مكنش التوكيل محترم مكنش حيساعدنا على تحقيق ده ابدا ( اه شوفوا بقا حيقولوا بندافع .. لازم مقولش الكلام ده .. وادخل اولع واقول .. الله يحرقهم .. ههههههه )
كلامى ده اللى يهمنى فيه فى المقام الاول مالكى نيسان لانهم فاهمين انطباعتنا ودورنا وطريقتنا وفكرنا ونجاحنا
واما بخصوص مشاكل قطع الغيار الحالية للصنى الشكل الجديد سواء فى عيب صناعة او نقص لبعض قطع الغيار التقيلة اللى ناقصة والاعضاء بيشتكوا منها .. المصنع على علم بيها من مراكز الخدمة وطلبات العملاء فى شكواهم .. والمصنع بيحل الموضوع ده وكلها وقت قصير باذن الله والمشاكل اللى عند ملاك الصنى الجديدة حتتحل فى اقرب قرصة .. لانهم مدركين تماما النجاح اللى حققته الصنى الجديدة فى السوق .. وعشان يستمر النجاح لابد من توفير قطع الغيار ومراكز خدمة محترمة واحترام العميل وتقديره ( ايه الكلام اللى بقوله ده .. مفروض انى اسكت ومش اطمن الناس .. عشان حيقولوا اهو شوفوا احمد مصطفى وغيره من الاعضاء وقسم نيسان متحيزين هههههههههههه )
ده نهج وفكر قسم نيسان وفقا لقواعد المنتدى
والمهم انه مريح ملاك نيسان واعضاء نيسان لانه بيقدملهم خدمات وقادر على تحقيق ده مع انه تعب الاعضاء ومجهودهم مجهود تطوعى وبدون اجر .. والحمد لله قدروا يوصلوا الى قمة النجاح
والحمد لله موقع نايل موتورز وفرلنا منبر محترم هادى عاقل باعضاء وملاكه بيقدروا يتواصله بيه مع التوكيل واعضاء القسم تعبوا كثيرا عقبال ما عملوا ده ونجحوا فيه بحقيقة وقدرنا يبقا لينا صوت مسموع محترم
ولو كنا متحيزين كنا اهتمينا فقط بالتوكيل على اصحاب المشكلة
واسالوا اصحاب المشاكل ولائنا لمين
بس المشكلة ان كل واحد بيفهم بدماغه كلامنا ( ده كل عضو ومالك لنيسان دخل قال التوكيل غلطان .. وبردوا بيتفهم خطا ) ايه المفروض نقوله تانى او نعمله
فعلا البلد وكل مكان فيه نقاش بقا سمك لبن تمر هندى والدماغ بقت سلطة
ودى اخر مرة ادخل اتكلم فيها .. لان بصراحة صاحب الموضوع اتكلم بكل موضوعية واحترام .. والباقى كله مناقشات جانبية ودمها تقيل ومفيش فيها غير صداع ونكد ووجع داغ وتجريح فى مشاعر بعض .. وتصميم على اننا منحزين وبندبس الناس وبنضلل الناس .. والاهم ايه .. مش نتجمهر عشان نروح ونعتصم لصاحب المشكلة ونساعده فى حلها .. فتعالوا نتجمهر عشان نثبت ان الاعضاء هنا .. منحزين !!!!!!!!!!!!!
ههههههههههههههههههههههههه ه والله بضحك من قلبى
فعلا هم يبكى وهم يضحك
احمد مصطفى
و بصراحة كده و تكملة لكلام احمد مصطفي ... علي الصبح كده
اللي عايز يقعد يسخن و يمشي بدماغه و ميلتزمش بقواعد قسم نيسان .. ممكن يروح قسم الشارع المصري و يقوم بالواجب هناك أفضل
إحنا كملاك لسيارات نيسان و أعضاء قسم نيسان مش هنلتزم الا بقواعد و آداب الحوار لكن غير كده مش هنسمح بيه
أعتقد اننا أكبر من كده .. مش صغيريين للي بيحصل ده
خلص الكلام
بيشوي
@@@@@@@@@@
الف مبروك لصاحب العربية على الحل المؤقت و عقبال ان شاء الله ما يلاقي كل قطع الغيار في اقرب وقت.
بالنسبة للمناقشات اللي بقت بتحصل ف القسم على موضوع التحيز للوكيل و الكلام ده كله انا بصراحة شايف الكلام ده مالوش اي لازمة و المفروض نجكم عقلنا و بلاش مناقشة فيه تاني لان ببساطة المناقشات ده ما بتفيدش بل بالعكس بتخلى الناس تزعل من بعضها. و ثانيا القائمين و المشرفين على القسم و ملاك العربية عايزين التوكيل يبقى حاجة نظيفة و محترمة و بالتالي لما بيلاقوا مشكلة مش لازم يدخلوا يشتموا في التوكيل و يعيبوا فيه و يكرهوا الناس فيه لا بالعكس الناس بتعترف بالمشكلة و بدل ما يعملوا السابق ذكره بيحاولوا يحلوا المشكلة و ينصحوا التوكيل و ينبهوا للاخطاء ده بهدوء و ادب و غالبا ان ما كانش دايما المشكلة بتتحل و التوكيل بيستجيب و بيراعي النصائح اللي اتقدمتله يبقى يشتموا فيه ليه!!!!؟؟؟؟؟.
وبعدين خدمة ما بعد البيع و خدمات السيارات عموما سواء بيع او بعده في مصر اقل بكتير من برة بس احنا بنحاول نطلع الاحسن من التوكيل بدل ما نفقد الامل فيه خالص، يعني بدل الشموى منهم علطول بنحاول نساعدهم و نبقى ايجابيين و حتى لو ما حصلش استجابة يبقى عملنا دورنا في ان البلد تتحسن في المجال ده.
اما بعض النقاشات اللي احتدت بين بعض الاعضاء عن التحيز للعربية الجديدة او ذكر عيوبها فبرده احنا كلنا اخوة و ده كلها وجهات نظر بس المهم ان اللي يعرض رايه بطريقة ما فيهاش تجريح و تشويه للسيارة خصوصا ان اغلب اللي بتقال كلام مش مبني على اي اساس صحيح.
و احب اسجل اعجابي الشديد بالاستاذ المحترم احمد مصطفى و د.يوسف و كل القائمين على القسم على مجهودهم الجبار في القسم و ف الحياة الواقعية.
إيه علاقة المجهود (اللي محدش يقدر ينكره ) اللي المنسقين بيعملوه هنا
بالكلام اللي أنا كتبته ؟؟!!!!!!!!
قلبت الكلام على إني مش بعترف بـالمجهود اللي الناس بتبـذله و محاولتها مساعدة الراجل
و دخلتنا في مبدأ و قيم قسم نيسان و مبادئ المنتدى !!!!!!!!!!
و عموما http://www.nilemotors.net/Nile/image...8A1D%7E146.gif
خليكم بشغل ال SALES ده
واضحك اضحك زي ما قلت ,ماهو أصل مش إنت اللي بتتضر في الآخر
أنا اللي عندي خلاص قلته
و كل واحد عقله في رأسه ,يعرف خلاصه
اللي يمشي ورا كلام حد ,ما يلومش غير نفسه
ازيكم يا شباب
للي دخل متاخر واللي ماقراش الموضوع من الاول
ملخص الموضوع ان مافيش قطع غيار للصني 2013 سواء في التوكيل او برا التوكيل
السادة الكرام أعضاء المنتدى
أعتذر عن عدم التعليق على الموضوع فى اليومين الى فاتو عشان كنت مشغول جدا (ماصدقت استلمت العربية بقى)
أحب أقول أن كل أعضاء المنتدى الى دخلو وعلقو على موضوعى والى عددهم داخل على 300 تعليق غير أكتر من 8000 مشاهدة وهذا لم أكن أتوقعة أبدا. كلهم دخلو عشان يساعدونى وفعلا قدمو ليا عون كبير جدا و انا بشكرهم كلهم سواء الاستاذ المحترم أحمد مصطفى و القائمين على قسم نيسان أو الى مختلفين تماما مع سياسة القسم والى برضه اتصلو بيا و ساعدونى بجد زى أستاذ أحمد عادل و أخرون أرجو ان يعذرونى اذا لم أذكرهم جميعا
و أنا متأكد من أننا كلنا بنحترم بعض و مش بنتهم بعض بأى حاجة لا سمح الله رغم اختلاف وجهات النظر
فياريت الاحترام يفضل قائم مابيننا لأن أعتقد مفيش حد فينا بيكرة التانى شخصيا ولا حاجة.
انا لما قولت أن القائمين على المنتدى كانو من ضمن العوامل الى خلتنى أشترى العربية نظرا للتقارير الى قدموها وشكرهم فى التوكيل ده مش معناه أنهم دبسونى ولا حاجة..
لا ده معناه أنهم ساعدونى فى الاختيار و لهم جزيل الشكر وانا ماندمتش على انى اشتريت العربية و مازلت بشكر فيها وان كنت أنتقد الوكيل بسبب سياساتة الى بتشبه لحد كبيير سياسات باقى التوكيلات فى مصر وده الى لازم كلنا نحاربة عشان فى الاخر نوصل لخدمة عملاء محترمة و راقيه زى الى بنشوفها برة
على العموم دون الدخول فى تفاصيل بس فى بوادر انفراج للأزمة الى أنا فيها و ان شاء الله لما الكلام الى سمعته يتنفذ هنقل لحضراتكم الصورة بالكامل و كل التقدير والعرفان لكم جميعا
خير ان شاء الله
بلاش تعليقات ......... هنقضيها شكر لهذه المشاركة و معجب بهذه المشاركة الإعجاب / الشكر http://www.nilemotors.net/Nile/dbtec...ges/thanks.png شكر لهذه المشاركة http://www.nilemotors.net/Nile/dbtec...ages/likes.png معجب بالمشاركة
.......... بس المهم نفضل اخواااااااااااااااااااااا اات
مفيش كلام طبعا http://www.nilemotors.net/Nile/image...0of%20m-s5.gif
ده اختلاف وجهات نظر مش أكتر
و النقاش مخرجش عن نطاق الإحترام
و عموما أنا بتأسف لو كلامي ضايق أي حد
بس ده ميمنعش إن أنا لسة عند رأيي :grinder: