السلام عليكم يا شعب البيم
كيف الحال
انا محتار جدا جدا دلوقتي هاغير كاوتش العربيه
انا راكب فيها جنوط حديد 16 وكاوتش ران فلات
هاجيب جنوط بالمرة وكاوتش

اجيب 16 وران فلات ولا عادي
ولا 17 وران فلات ولا عادي
تاثير ال 17 على العفشة ايه ؟؟
اجيب كاوتش عادي واجيب الاستبن الصغير ؟؟؟
انا شوفتة عن بتوع قطع الغيار عامل زي كاوتش الفيسبا :-) حاجة صغيرة ومش واخدة حجم ويمشي بسرعة 80 كم
بس بصراحة الران فلات ده متعة
مشيت بيه 150 كم بسرعة بين 100 و 120 والضغط في العجلة زيرو
ولا اشتكي ولاقال اي حاجة ونفختة وكملت مشي ولحمته لما رجعت

انا ساكن في حتة مكسرة ومش بستحمل الدبدبة لاني من دلوقتي بال16 عندي دبددبة خفيفة وبمشي براحة قوي في التكسير
فلو 17 وكمان ران فلات صباح النشوفية
ولا 16 وخلاص عشان عفشة العربية ؟؟؟

فعلا محتار همتكم معايا بقي

ويهمني الراحة اكتر من الثبات بصراحة هي ثابتة جدا ما شاء الله بال16 الكونتيتال ران فلات اللي فيها بس خلاص شقق وجاب اخره