الموضوع: مشورتكم فى عدة صوت

السلام عليكم

انا نازل انهارده ان شاء الله اجيب الكاسيت

كما قلتم الكاسيت سونى 500 انا بفكر اجيبه من بى تك علشان الضمان والتركيب وكده بس اظن مفيش سماعات jbl هناك مفيش غير السونى لو ممكن حد يوصفلى اجيب السماعات منين او الطقم كله اكون شاكر مع العلم انهارده الأحد مش عارف نظام المحلات ايه؟

وايه رأيكو فى عروض السماعات الكينوود المستعملة ولا اجيب جديد احسن؟

السلام عليكم

انا اكتشفت اكتشاف خطير جدا انا معنديش سماعات فى الابواب هههههههههه

السماعات فى التابلوه واظن متزدش عن 10-12 سم وفكها صعب

تانى حاجة انا رفعت الميزانية ل 1200 منهم 570 جنيه الهد بوينت يعنى متبقى 630 جنيه
وعايز اسمع بيز حلو هل من مجيب
وموضوع سماعات التابلوه دى ملهاش حل؟

للاسف لم استطيع التعديل

انا قمت بالوصول لفك السماعات التى بالتابلوه وهى بالفعل 10 سم فقط

بالنسبة لورا فهى متاحة لجميع المقاسات منتظر الردود

هى الناس راحت فين !!

على العموم انا جبت السونى Sony Xplode CDX-GT500U كما نصحتمونى
ولقيت طقم سماعات سونى مقاس 10 سم قلت اجيبه للتابلوه

طبعا الشرا كان من بى تك علشان الضمان والتركيب كان مجانا فى السجان للكاسيت والسماعات

نيجى بقا لاختيار السماعات الخلفية والفاجعة الكبرى
دخلت المحل وقابلت ا ياسر وكنا بندردش مع بعض ولما عرف ان العربية البرايد السيدان قال لى ان هناك احتمال وجود اسياخ للشنطة اسفل مكان تركيب السماعات مباشرة وبالفعل ذهبت للسيارة وتأكدت من ذلك وانه لا يمكن تركيب سماعات بيضاوى الا بعمل رف خشب بأرتفاع حوالى 5-7 سم لوضع السماعات عليه وللأسف قالى مش هيديك الصوت الصح

وطبعا كانت صدمة يعنى تيجى كده برده

اجيب كاسيت ذى ده على سماعات 10 سم ووكمان من الآخر

المهم انه افادنى بموضوع الرف الخشب ده او استبدال فكرة السماعات البيضاوى ببازوكا وجى ام وخصوصا ان السماعات الصغيرة مغطية الميد رينج مع جوز تويترات

طبعا مش عارف احكم على الكاسيت وكأنك يابو زيد ما غزيت

المهم انا قلت اقولكم تجربتى ليستفيد بها الاعضاء

كان معكم محدثكم عبد الرحمن يوسف --- القاهرة

المشاركة الأصلية كتبت بواسطة eldell

اولا مبروووك ياباشا ثانيا مين قالك ان لو عملت رف الصوت مش هيبقى حلو؟بالعكس الصوت هيبقى اجمد من لما تركب على الصاج وبالنسبه للسماعات الخلفى عندك الكينوود 400 وات ديه كويسه والبيز بتاعها معقول وعندك 320 دبل بيز برضه حلوووه وتحياتى ليك

الله يثبارك فيك اخى
هو قال لى ان مش هينفع يتفتح فى الصاج اصلا فبكده هطر اعلى الصندوق لانه مش هيبقى مجرد رف هيبقى صندوق بارتفاع السماعة ما اظنش هيبقى منظرو حلو

بصراحة انا ماشى حاسس انى مركب كاسيت صيينى

اللى انا فهمتو ان الفتح فى الصاج يا اما اركيت او لمبة وبالتالى هيبوظ سيخ الشنطه فمش هينفع يفتح اصلا
الغوووووووووووووووث

المشاركة الأصلية كتبت بواسطة eldell

باشا هو مش هيبقى ليه علاقه بالسيخ بتاع الشنطه عااادى هيفتح بسفى الصاج من فوق عااادى على اساس ان مغناطيس السماعه ينزل فيها بس وحوار انه هيعملك رف بسمك السماعه لا فاكس جداااااااااااا وهسائلك برضه وارد عليك لو كده هخليك تعمله عند وااااحد يعملهالك عااادى

يا ريت تشوفلى الموضوع ده واكون مشكور لانى جربت الصوت انهارده صوت الميد رينج كويس وعالى وكانت بفكر اركب بازوكا مع جى ام مستعملين بدل الليلة دى ولا ايه رأيك