الموضوع: تقييم بسيط للبيرسونا 2012 ومعلومة قد تكون مفيدة في استهلاك البنزين

المشاركة الأصلية كتبت بواسطة nabil.m

مبدئيا شكر مره تانية يا دكتور ثانيا بالفعل صفرت الكمبيوتر وكانت المفاجأة ان الاستهلاك انخفض من 8.7 لتر لكل 100 كيلو الى 6.1
عموما انا هبدأ احسب واشوف المعدل ده هيستمر لحد امتى
انا فعلا كنت سافرت بالعربيه من الصعيد الى القاهرة وكنت ماشي على سرعة ما بين 180 و 200
العربيه ثباتها رائع
ربنا يديك خيرها ويكفيك شرها وشكرا مره تانية

خد بالك إن الإستهلاك اللى الكمبيوتر بيقراه ويعرضه على شاشة معدل الإستهلاك .. لا يعبر عن الحقيقة نهائيا .. وإنما بيكون نتيجة لحسابات معقدة هو بيعملها فيها عوامل كتير زي متوسط إستخدامك للسيارة وإسلوب قيادتك ومتوسط الإستهلاك العام للوقود خلال مشاويرك اللى مسجلة فيه

لكن عشان تعرف الإستهلاك الحقيقي لازم تفول العربية وبعد تمشي مسافة كبيرة بالعربية على طريق مفتوح وبعد كدة تفول العربية تاني .. ويفضل من نفس الطرمبة .. وبعد كدة تقسم عدد الكيلومترات اللى مشيتها على عدد اللترات اللى خدتها العربية في التفويلة التانية وتضرب في 20 ... كدة تديك بتعمل كام كيلومتر / الصفيحة

المشاركة الأصلية كتبت بواسطة hesham.sma

صباح الفل جميعا
انا بقى هنقلكم تجربتى بقى
انا جربت كل حاجة فى موضوع استهلاك البنزين
واكتشفت الاتى
كلما قدرت تشيل رجلك من عالبنزين كلما هايقل الاستهلاك بشكل ملحوظ
حاجة تانية موضوع انك تعمل ريسيت للكنترول دا كويس ومفيد
والعربية استهلاكها حاليا من 6ونص ل 7 لتر لكل 100 كيلو
والطريقة كالاتى
وانت فى البلد داخليا خللى سرعتك ماتزيدش عن 80 ودوستك للبنزين بحيث ماتزيدش عن ار بى ام 2
هتلاقى الاستهلاك مع الزحام الشديد لا يتعدى 8 لتر فى ال100 كيلو
ولو على طريق السفر خللى الار بى ام مايعديش 3 (يعنى سرعة اعلى من 110 بحاجة بسيطة) وهتلاقى استهلاكها بقى 6ونص لتر لكل 100 كيلو
وياسلام لو انت مش مستعجل ومشيت على سرعة 90 ومثبت السرعة وواخدها على مرة واحدة من غير ماتهدى ولا تقف.....هتلاقى الاستهلاك اقل من الماروتى ههههههههههههههههه

تجربتى بقى على طريق السخنة رايح جاى(فولت من وطنية اللى فى النص وبعدين رحت السويس ورجعت بالليل وفولت من توتال الدائرى) على سرعة 110 من غير شد...المسافة 198 كيلو متر الاستهلاك 11ونص لتر....(انا اندهشت)
وجوة البلد فى طرق معظمها اوتوستراد او كورنيش او صلاح سالم مع زحام متوسط ومش معدى سرعة 80 باى حال وبسيب دواسة البنزين فى المنازل والكبارى وانا نازل....ماحسبتش كام لتر بس كنت باعدى ال400 كيلو والمؤشر على الشرطة القبل الاخيرة(يعنى على الاقل فاضل 100 كيلو متر كمان)
برسونا اوتوماتيك 2012 شاريها 9\9 2012 وعاملة النهاردة 9000 كيلومتر

كلام جميل جدا ... وحقيقي ... بس الاستهلاك اللى حضرتك كاتبه على طريق العين السخنة ده خرافي

ده الألتو اللى هي 800 سي سي مش بتعمل الإستهلاك ده .. وفي احتمال يكون عامل محطة البنزين بتاع توتال ما فولش على الآخر مثلا ... بس حتى لو ساب 3 أو 4 لتر برضه الاستهلاك كويس جدا ... وهو ده اللى بقوله إن الأستهلاك في العربيات دي بيعتمد في الأساس على إسلوب القيادة

وعشان كدة دقة الحساب بتحتاج تفول من نفس الطرمبة وتقول للعامل كمان يفول لغاية الزور لغاية ما يشوف البنزين قدامه ... لحساب دقيق

الف شكر على المشاركة المفيدة

هو انا جربت الموضوع ده فى عربيتى لكن بصراحة انا كنت عايز اعرف الفرق مابين معدل الاستهلاك الحقيقى و الاستهلاك على كومبيوتر العربية من باب العلم بالشيئ بس انا اعلم مقدما نه غير صحيح نهائيا و لا حتى يقارب للواقع
الاستهلاك عندى مقارنة بعربيتى الجين القديمة استهلاك خرافى
الجين كنت باحط فيها 35 ليتر باعمل بيهم 380 - 400 كلم و بالتكييف
البيرسونا 35 ليتر باعمل بيهم 300 كلم فقط !!!!!

اظن انى هاعمل زيارة للتوكيل قريب

المشاركة الأصلية كتبت بواسطة amrelsha3er

تقرير جميل دكتور ايمن ربنا يباركلك فيها ويكفيك شرها
وانا بناشد معاك الحكومه تعملنا تراك هاى واى عشان نرب عربياتنا :d
تحياتى يااباشا

... انت بتتريق ياباشا :) ... طيب هافكرك بكرة إن الحكومة بتاعتنا هاتعملنا كل اللى إحنا عايزينه ... تراكات وشوارع نضيفة ... ده حتى بعد كدة هانمشي مش هانعرف أماكن البلاعات فين حتى ولا هانعرف نعد في كام بلاعة في الشارع من كتر نظافة الأسفلت

خلاص ياباشا زمن الـ !#$%$%^&&*)*&$&# إنتهى

المشاركة الأصلية كتبت بواسطة ahmedsiyam

هو انا جربت الموضوع ده فى عربيتى لكن بصراحة انا كنت عايز اعرف الفرق مابين معدل الاستهلاك الحقيقى و الاستهلاك على كومبيوتر العربية من باب العلم بالشيئ بس انا اعلم مقدما نه غير صحيح نهائيا و لا حتى يقارب للواقع
الاستهلاك عندى مقارنة بعربيتى الجين القديمة استهلاك خرافى
الجين كنت باحط فيها 35 ليتر باعمل بيهم 380 - 400 كلم و بالتكييف
البيرسونا 35 ليتر باعمل بيهم 300 كلم فقط !!!!!

اظن انى هاعمل زيارة للتوكيل قريب

بص ياباشا ... معدل الإستهلاك اللى الكمبيوتر بيعمله بيكون بناء على حسابات معقدة جدا بتكون على عوامل كتيرة منها ... إنه عبارة عن متوسط الإستهلاك العام للسيارة في كل المشاوير اللى العربية مشيتها حتى لو امتدت لعشرين أو ثلاثين الف كيلومتر طالما الكمبيوتر ماتعملوش ريسيت

ومنها كمان حالة الحساسات اللى في العربية ونتيجة لقراءاتها المختلفة وكمان تنبؤ الكمبيوتر بالحالة العامة للاستهلاك ومتوسط اسلوب القيادة لقائد السيارة .. يعني لو القائد على طول قيادته هادئة الكمبيوتر بيعمل حساب ده ولو قيادته عنيفة برضه بيعمل حساب ده ...

الموضوع باختصار عبارة عن عمليات خوارزمية وحسابية متعددة للغاية

وكمان كل العوامل دي حتى لو كانت غير دقيقة أصلا بالنسبة لينا في نتيجتها لكنها مهمة جدا للكمبيوتر بتاع العربية لإنه بيحدد من خلالها إمتى يضخ بنزين وإمتى لا وإمتى يبعت شرارة الإشعال لشمعة الإحتراق وكمية الهواء اللى هايسحبها قد إيه عن طريق البوابة وهاينقل الفتيس إمتى في حالة الأتوماتيك مثلا ...

كل اللى أنا بقوله ده عبارة عن قشور للي بيحصل جوة الكمبيوتر فعلا وعموما أنا معرفش أكتر من كدة لأني عمري ما قريت البرنامج بتاعه اللى بيكون أحد أسرار كل شركة من الأساس لكن في مبادئ عامة الكل متفق عليها وخلاص مابقتش من الأسرار

المشاركة الأصلية كتبت بواسطة D . a .\ AYMAN

بص ياباشا ... معدل الإستهلاك اللى الكمبيوتر بيعمله بيكون بناء على حسابات معقدة جدا بتكون على عوامل كتيرة منها ... إنه عبارة عن متوسط الإستهلاك العام للسيارة في كل المشاوير اللى العربية مشيتها حتى لو امتدت لعشرين أو ثلاثين الف كيلومتر طالما الكمبيوتر ماتعملوش ريسيت

ومنها كمان حالة الحساسات اللى في العربية ونتيجة لقراءاتها المختلفة وكمان تنبؤ الكمبيوتر بالحالة العامة للاستهلاك ومتوسط اسلوب القيادة لقائد السيارة .. يعني لو القائد على طول قيادته هادئة الكمبيوتر بيعمل حساب ده ولو قيادته عنيفة برضه بيعمل حساب ده ...

الموضوع باختصار عبارة عن عمليات خوارزمية وحسابية متعددة للغاية

وكمان كل العوامل دي حتى لو كانت غير دقيقة أصلا بالنسبة لينا في نتيجتها لكنها مهمة جدا للكمبيوتر بتاع العربية لإنه بيحدد من خلالها إمتى يضخ بنزين وإمتى لا وإمتى يبعت شرارة الإشعال لشمعة الإحتراق وكمية الهواء اللى هايسحبها قد إيه عن طريق البوابة وهاينقل الفتيس إمتى في حالة الأتوماتيك مثلا ...

كل اللى أنا بقوله ده عبارة عن قشور للي بيحصل جوة الكمبيوتر فعلا وعموما أنا معرفش أكتر من كدة لأني عمري ما قريت البرنامج بتاعه اللى بيكون أحد أسرار كل شركة من الأساس لكن في مبادئ عامة الكل متفق عليها وخلاص مابقتش من الأسرار

تحياتى و اشكرك على ردك و اهتمامك
لكن انا عايز اوضح حاجة .... من خلال تجاربى السابقة مع بروتون من جين 2 ( 2008 ) الكامبرو القديم ... جين 2009 ( iafm ) .... بيرسونا اليجانس 2012
اقدر اقول و انا مقتنع تماما ان كومبيوتر استهلاك البنزين فشنك و غير دقيق على الاطلاق ليه بقى !!!!
انا كان معايا كولت 2007 كان معدل الاستهلاك فيها بيتغير فورا طبقا للطريق و السرعة و دقيق جدا و كمثال :
رحلة من الرحاب الى اول الطريق الصحراوى الطريق نازل شوية فى الرحلة دى وكنا 2 راكب فى العربية ... معدل الاستهلاك كان 6/100
و انا راجع الطريق طالع شوية و كنا 3 راكب كان معدل الاستهلاك من 6.8-7 / 100
كذلك عربيتى البرافو كان برضه معدل الاستهلاك دقيق جدا
انما الجين كان معدل الاستهلاك الحقيقى كان 11/100 و الكومبيوتر كان بيقول 8/100
ومع ذلك انا مش مضايق منها خالص و الحمد لله وربنا يستر بس على الدعم بتاع الـ 92