غساله الهدوم

**kh_talaat** · 14-07-2008 11:51 AM

طب الدور ده كان هدوم ملونه مش ممكن وهما مرتاحين جنب بعض في الغساله كده الألوان تدخل علي بعض ولا ايه بالظبط لاني مش هعرف اشلهم قبل 6 بالليل لاني في الشغل سيادتكم ...
اذرفي الدموع يا عيون

أهم حاجة يا باشا إنك تظبط برنامج الغسيل على درجة حرارة 40 درجة ، لأن لو أكتر من كدة الألوان كلها هتضرب في بعض

ودي درجات الحرارة لكل نوع غسيل

90 درجة للأبيض
60 درجة للألوان الثابته (ملايات السرير والفوط الملونة)
40 درجة للألوان الغير ثابته

**tayson54** · 14-07-2008 11:55 AM

لا انا غسلت علي 40 فعلا وهذا من فضل الله لان ايدي بتاكلني اني اغسل علي البارد (فتوي برده بس قلت اخليها 40 احسن) ...دلوقتي الغسيل مركون في التلاجه ومقفول عليه هل ممكن الألوان تدخل في بعض بقه لو متنشرش ؟؟

**kh_talaat** · 14-07-2008 12:05 PM

دلوقتي الغسيل مركون في التلاجه ومقفول عليه هل ممكن الألوان تدخل في بعض بقه لو متنشرش ؟؟

الغسيل في التلاجة !!!!!!!!! مش معقول إنك حطيطه في التلاجة أكيد دي غلطه مطبعية

الألوان مش هتخش في بعض ولا حاجة ومتقلقش بس ممكن لو سيبتهم فترة طويلة في الغسالة وهي مقفولة من غير حتى ما تفتح باب الغسالة... الغسيل هيكمكم وتبقى ريحته كريهه ولو حصل كدة لقدر الله هتضطر تشغل برنامج دورة شطف للغسيل عشان الريحه تروح

**Karim_Monir** · 14-07-2008 12:05 PM

مش قادر امسك نفسي من الضحك وانا في الشغل
خاصة ان غسالتنا اتحرقت امبارح والفني موجود حاليا في البيت وبيقول الحمل كان زيادة
شد حيلك وكلها فومييين وتبقي فلة

**tayson54** · 14-07-2008 12:16 PM

كريم باشا ...ارجوك بعد كده وهعيط لاني غاسل 3 ادوار امبارح ...
يبقي اتمني ان الهدوم تكون سلميه بالأضافه الي ان الغساله تشتغل تاني .

الظروف كلها ضدي وانا كان غرضي شريف :Angel_anim::Angel_anim:

**Nile_Storm** · 14-07-2008 12:28 PM

الواحد فعلا لازم يكون عنده " معلومات عامه " علي رأي عبد الفتاح القصري :)

**Karim_Monir** · 14-07-2008 12:48 PM

المشاركة الأصلية كتبت بواسطة tayson54

كريم باشا ...ارجوك بعد كده وهعيط لاني غاسل 3 ادوار امبارح ...
يبقي اتمني ان الهدوم تكون سلميه بالأضافه الي ان الغساله تشتغل تاني .

الظروف كلها ضدي وانا كان غرضي شريف :Angel_anim::Angel_anim:

بتكلم جد بقي لازم الغسالة تكون في مكان جيد التهوية خاصة لو غسلت دورتين سخنين
انت لو حطيت ايدك عليها هاتلاقيها سخنة جدا وخاصة لو بتغسل على 90
لازم تفصل بين الدورة السخنة والدورة اللي بعدها مش اقل من 4 ساعات

الا قوللي يا خويا
مالقيش عندك شوية مسحوق سلف وارجعهوملك اول الشهر:):)

**meza** · 14-07-2008 01:13 PM

بخبرتى فى الغسيل ... بقول .. لازم الغسالة تستريح ساعتين على الأقل بين كل دور و التانى.

و الخبرة دى إكتسبتها لما حرقت غسالة قبل كده ... لأنى حبيت أغسل الكوتشى بتاعى :D .. رحت مستنى الغسالة تخلص و هب على طول رحت مطلع كل الهدوم و حطيت الكوتشى و عملت التايمر و سيبته .. نص ساعة و الغسالة كانت قطعت نفس .... طلع إن الأسلاك سخنت و ساحت فى بعض.

أهو محدش بيتعلم ببلاش.

أستاذ tayson54 قلبى معاك ... و ميهمكش من الناس دى ... كلنا لها.

الموضوع: غساله الهدوم

LinkBack

أدوات الموضوع

عرض

-

-

-

-

المواضيع المتشابهه

أفضل ثلاجه / بوتجاز / غساله 2012

مروحه غساله الاطفال مش بتلف

عاوز اشتري غساله اطباق اريستون؟؟؟؟

للبيع غساله اطباق

مساعده بخصوص غساله ملابس

الكلمات الدلالية لهذا الموضوع

المفضلات

المفضلات

ضوابط المشاركة