الموضوع: غساله الهدوم

انا معياري في المسحوق هو مكيالين من غطا علبه جل الحلاقه بتاعي وده من اختراع المدام قفشتها مره بتعاير بالغطا وبعدين بتغسله بسرعه وتغطي بيه العلبه تاني ... وانا عملت زيها بالظبط فمن مشي علي الدرب ما هوي
لا من الناحيه دي انا في السليم ...مش انت في السليم برده بالأختراع بتاعك ؟

ما تنساش يا باشا تخمس كل حاجتين في مشبك واحد عشان المشابك تكفي

اللي يموت من الضحك فعلا ان الدعم الفني ( technical support )

كله جاي من رجالة
يافضيحتك يا مصر

بالعكس يا استاذ ايهاب انا مش شايف ان فضيحه بل ان ده الشئ الطبيعي ان الزوج يكون عنده معلومات عامه مفيده ويقدر يصرف الأمور لو ست البيت مش موجوده او حتي موجوده يعني ممكن هي تغسل الصحون مثلا وانت تحط الهدوم في الغساله وتتابع الغسيل وتنشر كمان ايه المشكله هو ده مش بيتكم ولازم الزوجين يتعاونوا
او تصلح حاجه كهربائيه بدل ما الكهربائي يجي يوصل سلكين ب50 جنيه وتنه ماشي ...تعرف انا اللي مركب النجف بتاع الرسبشن لوحدي ولزقت البتاعه اللي بتتلزق في الحيطه الأول دي قبل ما تركب النجف وركبت الكريستال ووصلت الكهربا بتاعتهم وكله تمام ...واشعر بالفخر جدا كل ما اشوفهم وافتكر ان انا اللي ركبتهم رغم ان تركيبهم في الأخر هايف جدا لكن بتبقه حاجه جميله فعلا انك تساعد في البيت بدل ما ست البيت عامله زي النحله رايحه جايه والله مراتي سعات بتصعب عليه فعلا .

المشاركة الأصلية كتبت بواسطة Ahmed Samy

الراجل هو اللي يشيل نفسه ساعة الحاجة ولا الحوجة لحد :)

طب بذمتكوا جميعا

في حد شاف ست بتكوي أحسن من الراجل ؟؟؟

المكوة دي بقى فعلا فن ...و لعب ..و هندسة

ياللا الغسيل اتغسل
و اتحط في التلاجة
و اتنشر متخمس بالمشابك

يللا نكوي

أنا أحجمت عن شراء القمصان بسبب فشلى المستمر فى تعلم إزاى أكويها.

حدش يعرف فيديو تعليمى لكى القمصان ..... ده عذاااااااب؟

بالمناسبة بقى يا أستاذ tayson54 .... أنا عندى طريقة لتطبيق التى شيرتات سريعة جداً .. إتعلمتها من النت و بستخدمها على طول ....
http://www.youtube.com/watch?v=ZQWspAwWz-0

و ده الشرح بالصينى :D : http://www.youtube.com/watch?v=m78AktVhK5E

أتمنى أكون ساعدت بأى حاجة....

********

في حد شاف ست بتكوي أحسن من الراجل ؟؟؟

إطلاقاً ...

المكوة دي بقى فعلا فن ...و لعب ..و هندسة

إيه أوجه الشبه و الإختلاف بين نادى الزمالك و المكوة ؟