astra sedan vs peugeot 308

**Eng_Moh.Dewair** · 26-11-2012 01:00 AM

المشاركة الأصلية كتبت بواسطة Mohab.Nabil

الاداء البيجو هتبقى اعلى شوية عشان البيجو 120 حصان و الاسترا 115 حصان بس مش هيبقى فرق ملحوظ يعنى و العربيتين ادائهم فى الطلعة مش هيبقى قد كده زى حال كل الاوروبى بس بعد كده انسى و العربيتين ثباتهم الاتنين احسن من بعض متقلقش من النقطة ديه ..

بالنسبة لقطع الغيار اظن برضه البيجو تكسب فى النقطة ديه خصوصا ان موتور البيجو نازل فى عربيات كتير اوى زى الستروين سى فور و الستروين دى اس 3 فأظن ان قطع غياره هتبقى اسهل شوية بس برضه الله اعلم دا تحليل شخصى و ليس عن تجربة عشان مبقاش بفتى

بالتوفيق ان شاء الله و ربنا يعينك على هندسة

انا شوفت الفيديو ده للبيجو ال 1.6 الاوتو : Peugeot 308 0-100 km/h - YouTube

و الاداء كويس يعنى 0 ل 100 فى 11 ثانيه على عربيه اوتو فى وزن البيجو يعتبر كويس جدا . يا ترى بقى الاسترا ادائها هيبقى مقارب للتسارع ده يعنى نقول فى 12 ثانيه فى الاسترا رغم انى قريت هنا فى المنتدى ان الفتيس ال 6 سرعات التيبترونيك اللى فى العربيه عامل تاثير على الاداء ؟؟؟؟؟

متشكر على دعوتك و ربنا يطلعنا منها على رجلينا

**Eng_Moh.Dewair** · 27-11-2012 08:20 PM

هى الناس مش بتشارك ليه ؟؟؟؟ يا شباب محتاج نصيحتكم

**ahmedaglan** · 28-11-2012 12:57 AM

معالي الباشا اتوكل علي الله وهات الاسترا
ومدورش علي قطع غيار قبل 3 سنين علي الاقل اذا مكنش اكتر
وانا مش بعيب في البيجو
بس الاسترا شكلها اقيم
وبالتوفيق في القرار السليم

**Eng_Moh.Dewair** · 28-11-2012 01:39 AM

باشا ايه بس كلنا فقراء لله ههههههههههه. طيب بالنسبه للسيفيك ال 2013 فعلا هتنزل بالشكل الجديد و لا نفس الشكل الحالى ؟؟؟

**Formulator** · 28-11-2012 01:47 AM

هو أنا بس مش عارف انت ليه بتقارن 308 هاتشباك بأسترا سيدان -ليه مش أسترا HB؟!!
بس anyway:

بص لو قارنتهم فنيا.. هتلاقى الأسترا تتفوق فى:

1- عفشة خلفية Watt's Link فـ الأسترا مقابل ستاندرد Torsion-beam للبيجو
2- فتيس 6-سرعات أوتو للأوبل مقابل فتيس قديم 4-أوتو للـ308
3- ESP ستاندرد فـ الأسترا، لكن الـ308 مفيهاش

الصراحة دى 3 حاجات أساسية (إحنا مش بنتكلم فـ أوبشنز دلوقتى).. تخلينى أختار الأسترا وش!!

شوف ياباشا
أنا سوقت أسترا (بس تربو) و308 مع المدير بتاعى (بس SW)!! هههههههههههههه
عارف ان فيه إختلافات.. بس أنا مش هتكلم عن سرعة وأداء، أصلا النسختين اللى انت بتقارنهم مش بتوع جرى؟!!

بس بصراحة: الأسترا fun-to-drive أكثر من البيجو، عجبنى الهاندلينج والثبات بتاعها أوى.. الفرامل والأمان الإثنين نفس المستوى.

كمان أتعامل مع منصور (هو سىء بردو) لكن مش زى أباظة فـ أسعار قطع الغيار وتوافرها عـ الأقل؟؟!!!

- رأيى الأخير: أسترا

**bmw323** · 28-11-2012 05:18 AM

لو هتجيب هاى لاين يبقى أرشحلك البيجو

**Eng_Moh.Dewair** · 28-11-2012 06:57 AM

المشاركة الأصلية كتبت بواسطة bmw323

لو هتجيب هاى لاين يبقى أرشحلك البيجو

متشكر لمشاركه حضرتك :) ممكن بقى تفاصيل اكتر عن سبب ترشيحك

**محمد بدر** · 28-11-2012 09:46 AM

المشاركة الأصلية كتبت بواسطة gobeltoffire

شكرا يا باشا على تعبك و رائيك :018a1d~146:
بص هو انا بقارن بينهم لانى شوفت الاسترا السيدان و الصراحه العربيه شبابيه بردو و لذيذه مش formal اوى يعنى

تمشى شغل و سهرات :b4_282: و بردو الشنطه تنفع علشان انا ساعات بسافر و بيبقى معايا العيله و الشنط و الكلام الكتير ده :)
ممكن بقى ابقى طماع شويه و اطلب منك تشرحلنا الفرق بين الtorsin-beam و ال watt's link
بالتفصيل لان معلوماتى ان الاتنين عفشه غير مستقله ؟؟؟؟:b4_556:
بالنسبه للفتيس معاك ان فتيس الاسترا احدث بس مش فتيس البيجو اداءه اعلى ؟؟؟؟ خاصه انى قريت ليك مشاركه قبل كده بتقول ان فتيس الاسترا ماثر على الاداء!!!
بالنسبه للesp موجود فى ال high line بتاع البيجو .

و لو عندك اقتراحات احسن من دول فى رنج الفلوس دى يا ريت تقولى عليهم بس بعيد عن التربو الله يكرمك الميزانيه يا دوب على القد

وانا كمان محتار بشكل أكثر من كده والمشكله عندى اكبر لآنى دخلت الهوندا سيفيك فى المقارنة
والأسعار وقطع الغيار والصيانة و اعاده البيع الكلام ده كله تقريبا متقارب جدا
ولاانكر انا شوفت البيجو وعجبانى ومتخوف من موضع المصنع فى الصين
وان شاء الله هشوف الآسترا يوم الجمعة
والفورد بيتقال لازم بنزين 95 بالرغم من إنى راكب السبورتاج والحمدالله ماشية بـ 92 ودخلة على 10000كم
والدهشة الكبيرة بقى للهوندا السيفيك انها 2013 هتنزل بشكل جديد هل يعقل ذلك بالرغم والله اعلم انها اكثر سيارة فيهم إقناع
ربنا يوفقنا جميعا ان شاء الله

**Formulator** · 28-11-2012 11:18 AM

المشاركة الأصلية كتبت بواسطة gobeltoffire

ممكن بقى ابقى طماع شويه و اطلب منك تشرحلنا الفرق بين الtorsin-beam و ال watt's link
بالتفصيل لان معلوماتى ان الاتنين عفشه غير مستقله ؟؟؟؟

الفرق فـ الأسترا ان التورشن متعدلة بـZ-Link بارات، بتدى semi-independent suspension
هتبان معاك فـ الملفات والمناورة على سرعات أو فـ الجرى فـ الطرق الأسفلت مش كويس!!
التفاصيل هتلاقى كذا موضوع فـ قسم الأوبل عن الأسترا-هاتش (نفس العفشة) بالصور.

بالنسبه للفتيس معاك ان فتيس الاسترا احدث بس مش فتيس البيجو اداءه اعلى ؟؟؟؟ خاصه انى قريت ليك مشاركه قبل كده بتقول ان فتيس الاسترا ماثر على الاداء!!!
بالنسبه للesp موجود فى ال high line بتاع البيجو .

أعلى إزاى؟؟!!!

لأ، مش أعلى ولا حاجة.. فـ رأيى: هو حتى مش كفاية عـ الموتور الـ120 حصان؟!!
لو سوقت 308 هتعرف انها كانت محتاجة جير أو 2 كمان عشان تضبط؟!!!

أعتقد برمجته كمان (فـ إستجابة الكيك-داون مش جيدة ولا حتى فـ الـin-gear)؟
- بص هو أصلا فتيس قديم وبيجو هتسقطه من عربياتها قريب.

فتيس الأسترا لما قولت بيأثر عـ الأداء.. كان لازم تعرف أنا بقارنه بأيــــــه؟؟

والحقيقة لو إتحط قدام فتيس البرافو الـDualogic أو الجولف DSG.. أساسى هيبقى أقل فـ الـEfficiency من الفتيسات دى!! مع إختلاف الـconstruction طبعا.

لكن لو قارنته بأى فتيس أوتو عادى: هو أفضل من فتيس الـ308 والفلوينس والكورولا وأفضل من كل اليابانى الـCVT (ميتسو وسوبارو ونيسان)!!

و لو عندك اقتراحات احسن من دول فى رنج الفلوس دى يا ريت تقولى عليهم بس بعيد عن التربو الله يكرمك الميزانيه يا دوب على القد

بالنسبة للـESP اللى أعرفه انه كان بينزل ستاندرد مع الـ308 THP التربو 156-170 حصان؟!!

معرفش الـ2012-2013 بينزل مع الموتور الـprince العادى ولا لأ؟؟

- إقتراحاتى انت أكيد عارفها: فوكاس-جولف1.6-ميجانIII أو فلوينس..دول اللى أعرفهم يشتغلوا 92؟!! (يمكن الفوكاس متطلباتها بنزين أعلى شوية -بس شغال 92 مع ناس).

Rgds،

-

الموضوع: astra sedan vs peugeot 308

LinkBack

أدوات الموضوع

عرض

-

-

-

-

-

-

-

المواضيع المتشابهه

vectra C vs astra J sedan

Astra Sedan

Opel Astra Sedan

الكلمات الدلالية لهذا الموضوع

المفضلات

المفضلات

ضوابط المشاركة