508 & 3008

**lth586** · 25-11-2012 11:54 AM

سؤال مجنون
هل ممكن نحول ال 508 او 3008 لغاز تفا ديا لوضوع البنزين؟

**MSL** · 25-11-2012 01:06 PM

بصراحة معرفش اى مواتير تيربو أشتغلت غاز

و سؤال صعب شوية انك تشغل 508 أو 3008 غاز :)

**essamee** · 04-12-2012 12:44 PM

ليه تعمل كده انت ممكن تمون بنزين 92 طبقا للتعليمات الواردة من الشركة الأم بفرنسا وذلك على لسان المسئولين بمركز الخدمة بيجو بغمرة

**Ahmed.Fahmy** · 15-12-2012 06:59 AM

المشاركة الأصلية كتبت بواسطة lth586

سؤال مجنون
هل ممكن نحول ال 508 او 3008 لغاز تفا ديا لوضوع البنزين؟

يا راجل حرام عليك

انت كسبتها فى مسابقة مسحوق غسيل :)

مش للدرجادى يعنى

**Adham** · 15-12-2012 10:09 AM

شوف انا راكب بلاعه بنزين 6 سلندر و بتعمل 90 كيلو في الصفيحه جوة البلد و رافض احولها غاز, و مش مقتنع بية و مقتنع بتأثيرة التدميري عالموتور, و كمان سوء الاداء و ان اي حد بيحول غاز بيتخنق من العربية و يحس انها بطة

العربيات اللي بتتحول غاز بنجاح اللي بتشتغل تاكسي علشان بيمشي كل يوم الف كيلو و زيادة و يفرق معاه سعر الوقود
و كمان لانة كدة كدة بسبب الاستهلاك العالي بيعمل عمرة كل سنة مثلا

انما عربية ملاكي بتستعملها 2000 كيلو في الشهر بالكتير (بالنسبة لي انا ممكن 2000-3000 كيلو في السنة كمان) مشاويرك قريبة و قليلة يبقى ليه بتهدلها و تهينها و تلعب فيها و ممكن تندم و تبقى عكيت العربية
و حاجة تانية كمان

الغاز دة بيكلفك حوالي 5000 جنية على ما اعرف علشان تحول العربية

طيب احسب كدة التوفير اللي انتي وفرتة بتحويلها غاز دة و قسم ال 5000 جنية على شوف حاتوصل للبريك ايفين بعد كام سنة

يعني مثلا نقول لو متر الغاز بيوفر مثلا 75 قرش عن لتر البنزين يعني ال 5000 جنية (تكلفة الغاز دي) تبقى انت لميتها بعد استهلاك 6600 لتر بنزين تقريبا, و لو انت اصلا بتستهلك 80 لتر بنزين في الشهر يبقى انت دفعت فرق استهلاك 7 سنين بنزين علشان تحولها لغاز و بالتالي انا اقلك هو انت اصلا حاتقعد بنفس العربية 10 سنين علشان تعمل كدة !!! و للا انت بتخاطر و ممكن تكرة العربية و تعمللك مشاكل و بتكلف نفسك عالفاضي بنسبة مخاطرة عالية

**akmm** · 18-12-2012 09:53 AM

كلام جميل ومنطقى ..............

**Ahmed_Adham** · 18-12-2012 04:18 PM

المشاركة الأصلية كتبت بواسطة adham

شوف انا راكب بلاعه بنزين 6 سلندر و بتعمل 90 كيلو في الصفيحه جوة البلد و رافض احولها غاز, و مش مقتنع بية و مقتنع بتأثيرة التدميري عالموتور, و كمان سوء الاداء و ان اي حد بيحول غاز بيتخنق من العربية و يحس انها بطة

العربيات اللي بتتحول غاز بنجاح اللي بتشتغل تاكسي علشان بيمشي كل يوم الف كيلو و زيادة و يفرق معاه سعر الوقود
و كمان لانة كدة كدة بسبب الاستهلاك العالي بيعمل عمرة كل سنة مثلا

انما عربية ملاكي بتستعملها 2000 كيلو في الشهر بالكتير (بالنسبة لي انا ممكن 2000-3000 كيلو في السنة كمان) مشاويرك قريبة و قليلة يبقى ليه بتهدلها و تهينها و تلعب فيها و ممكن تندم و تبقى عكيت العربية
و حاجة تانية كمان

الغاز دة بيكلفك حوالي 5000 جنية على ما اعرف علشان تحول العربية

طيب احسب كدة التوفير اللي انتي وفرتة بتحويلها غاز دة و قسم ال 5000 جنية على شوف حاتوصل للبريك ايفين بعد كام سنة

يعني مثلا نقول لو متر الغاز بيوفر مثلا 75 قرش عن لتر البنزين يعني ال 5000 جنية (تكلفة الغاز دي) تبقى انت لميتها بعد استهلاك 6600 لتر بنزين تقريبا, و لو انت اصلا بتستهلك 80 لتر بنزين في الشهر يبقى انت دفعت فرق استهلاك 7 سنين بنزين علشان تحولها لغاز و بالتالي انا اقلك هو انت اصلا حاتقعد بنفس العربية 10 سنين علشان تعمل كدة !!! و للا انت بتخاطر و ممكن تكرة العربية و تعمللك مشاكل و بتكلف نفسك عالفاضي بنسبة مخاطرة عالية

شكلك بتحب تقرا اقتصاد او انك دارسه واللي حضرتك قلته ده اسمه "تكلفه الفرصه البديله" وفعلا التحويل للغاز مجدي فقط للي بيعملو كيلومتر عالي جدا زي بتوع التاكسي.

**Adham** · 18-12-2012 05:14 PM

المشاركة الأصلية كتبت بواسطة ahmed_adham

شكلك بتحب تقرا اقتصاد او انك دارسه واللي حضرتك قلته ده اسمه "تكلفه الفرصه البديله" وفعلا التحويل للغاز مجدي فقط للي بيعملو كيلومتر عالي جدا زي بتوع التاكسي.

بالضبط كدة تكلفة الفرصة البديلة ههههههههههههه