طيب معلش ليا طلب تاني
حد يعرف أسم موقع يكون بيعرض أمكانيات و صور للسارات بالتفصيل
و شكراً
عرض للطباعة
طيب معلش ليا طلب تاني
حد يعرف أسم موقع يكون بيعرض أمكانيات و صور للسارات بالتفصيل
و شكراً
كلام تمام شكلها فعلا مش حلو ده غير انها كورى وكمان كيا معروفة انها بتنتج عربيات حريقة فى البنزين وانا كانت معايا البيكانتو بالرغم من انها 1100 سى سى وماتور 65 حصان الا انها كانت بتاكل بنزين بالهبلاقتباس:
أنا مكنتش عاوز اتدخل في الموضوع علشان لا يعنيني لكن إلي جذبني ليه كلمة '' واتحدى '' في العنوان
أحب أقولك انها مش الأفضل ولا حاجة
أنا شخصياً لما ركبتها معجبتنيش من جوة نهائي بالإضافة إن شكلها بحس إنه عواجيزي مش عارف ليه
مفيهاش ريحة وسائل الأمان تبقى ازاي الأفضل
الخامات الداخلية للتابلوه وخلافه فقيرة جداً تبقى ازاي الأفضل
كوري تبقى ازاي الأفضل
سعرها مبالغ فيه على كمالياتها ذي شقيقتها الإلنترا تبقى ازاي الأفضل
كفاية كدة ومش عاوز حد ياخد كلامي على محمل هجومي لكن صاحب الموضوع هو إلي كاتب '' و اتحدى '' :)
Thanks
Eng.Sherif Shaker
__________________
1Turbo , 2 liters, 3 Diamonds and 4 Cylinders = 400 Hp
GO Evo Go
سبحان الله وبحمده سبحان الله العظيم
http://nilemotors.net/Nile/image.php...ine=1210698277
وكمان التابلوه فقير وعدم وجود فرامل abs ده عيب خطير
بس يا جماعة أنا شوفت في قسم نيسان كتير قوي بيشتكي من موضوع التأفيل المصري ده
و كمان الفضيحة المشهورة بتاعة نيسان 40000 كيلو و جايبة موتور
انا ركبت نيسان و هي فعلاً سيارة ممتازة و سحبها كان عاجبني مع أنها مانيول
بس انا ساعتها ما دققدش في موضوع التأفيل ده
أنا لسة ما ركبتش يراتو علشان أحكم عليها .
فياريت حد يوضحلي موضوع التأفيل ده سيئ للغاية و لا ممكن أضحي بسيارة كورية مستوردة من الألف إلى الياء و كمان استب ترونيك و فتحة سقف في سبيل سيارة يابانية تقفيل مصري و بها كمياليات عديدة و كمان شكلها اشيك
فياريت لو كل واحد مكاني هيختار ايه
معلش انا طولت عليكم
بس معلش انا نفسي استثمر فلوسي صح
و كمان ما تنسوش سعر اعادة البيع .
و شكراً لحسن تعاونكم يا أعضاء ارقى منتدى سيارات في الشرق الأوسط
معلش بدلاً من مانيوال خليها اوتوماتيك الله يخليكو و كمان أستعملت الأوفر درايف ممتاز
ده كله للنيسان
و ما تنسوش انها كانت أوتوماتيك
هو بس كان تعليقي ساعتها بالنسبة للنيسان أن الكنبة الي ورا ضيقة شوية يعني تشيل أثنين فقط على فكرة احنا عيلة طويلة شوية أنا مثلاً ( 184 سم ) ده كان تعليقي عليها ساعتها
انا رايي عن التجربة السيراتو يا استاذ adawy
النيسان حلوة و شكلها كلاسيك و كل حاجة بس اضيق و اوطي من السيراتو على فكرة . كمان مش عارفة ليه حاسة انها بتتبهدل بسرعة يعني انا سافرت مع بيها مع ابن خالتى لما كان لسه جايبها كانت زى الفل و فعلا على الطريق كويسة جداااا لكن بعد سنة اهه حاسة العربية مخلعة من بعضها مش عارفة دة سوء استخدام ولا عيوب تقفيل ولا ايه
بس السيراتو حتى الشكل القديم خطيبي اشتراها مستعمل 2006 لجوز اخته و بجد ماشاء الله تحفة
اهم حاجة تستخير و مسالة الشكل اللى مش حلو و التابلو اللى معرفش ايه دى كلها ازواق و لولا اختلاف الازواق لبارت السلع هي ممكن فعلا متكونش معقدة فى تفاصيلها لكن انا عجبانى عشان بسيطة و مش مكلكعة . كمان احسن interior saloon هو البيج مع الاسود دة اقيم و اشيك و احلى بكتييير من الرمادى فى الاسود . انا حتى لما شفت العربية دى اول مرة بس interior رمادى كنت بأمانة قرفانة منها و معجبتنيش لكن البيج حاااااااااااجة تانية خااااااااااالص
بالنسبة لموضوع استهلاك البنزين معلش عن تجربة بأة كويس جداااا . لان انا كان معايا لانوس مانيوال و بجد كانت بلاعة . السيتي كانت احسن فى النقطة دى بس السيتي 1300 سي سي
عفشة اكتر من ممتازة و باخد عليها مطبات مصر دى كلها و محملة ورا و تكييف و بجد تعالى شوف اداءها
خلاصة الكلام زى ما قال استاذ باسم العربية دى واخدة تقديرات عالية اوى و اثبتت نفسها حلو اوى
اهم حاجة تجربها و متاخدش بأى كلام مش عن تجربة لانه بيكون مبني على ميول شخصية و لو معجبتكش يا سيدي اهى الدنيا مليانة عربيات موقفتش على السيراتو :)
يا شيخة حرام عليكي انت ممكن تقولي اي حاجة فالكيا الا موضوع البنزين ده دنا واحد صحبي معاه سبكترا افتكرت عداد البنزين بتاعه معلق من كتر ما كان مبيتحركش مع العلم انها 1600
السيراتو عامتا لو كانت ياباني او الماني اللي لو فاتك مش هيرجع تاني كانت زمنها بقت عربية الشعب المفضلة يس انا عامتا مبرجحش الكوري لو عايز عربية تعيش معاك لسنين اما لو انت من النوع اللي بيغير كل 3 او 5 سنين يبقى هاتها وانت مغمض واعمل اللي يريحك انت في الاول وفي الاخر
يا سيدى انا باتكلم عن تجربتى الفعلية مع البيكانتو كانت فعلا حريقة بنزين بالنسبة لانها 1100 سى سىاقتباس:
يا شيخة حرام عليكي انت ممكن تقولي اي حاجة فالكيا الا موضوع البنزين ده دنا واحد صحبي معاه سبكترا افتكرت عداد البنزين بتاعه معلق من كتر ما كان مبيتحركش مع العلم انها 1600
والاستاذ adwyy لازم فعلا يشوف العربيتين بنفسه ويركبها ويشوف كل تفاصيلها ولو قدر يجربهم يبقى احسن
بس لو حضرتك من النوع اللى بيحب يغير عربيات يبقى بلاش السيراتو لان لسه مالهاش سوق النيسان تكسبها بجدارة فى النقطة دى حاليا طبعا
وموضوع التأفيل المصرى ده طبعا هو مش زى اليابانى بس هو مش وحش ويكفى ان المكونات نفسها يابانى دى بتعيش وتعمر اكتر من الكورى انا غيرت تيل الفرامل فى البيكانتو وهى عاملة 12000 كم بس طبعا ده كلام فارغ مع انى مش بفرمل بعنف ابدا