الاوبترا حلوه اوى فعلا اخويا معاه اوبترا و شفت خاماتها نضيفه اوى
بس فيها عيبين هما :
العفشه ناشفه شويه
استهلاك البنزين عالى جدا
عرض للطباعة
الاوبترا حلوه اوى فعلا اخويا معاه اوبترا و شفت خاماتها نضيفه اوى
بس فيها عيبين هما :
العفشه ناشفه شويه
استهلاك البنزين عالى جدا
واضح ان موضوع الاوبشن ده سياسة مبيعات..عشان كل الموديلات تتباع سواء من الهيونداى او الكيا اللى مش حتلاقيه فى الريو تلاقيه فى النيو اكسنت و اللى مش حتلاقيه فى السيراتو تلاقيه فى الالنترا اللى مش حتلاقيه فى البيكانتو تلاقيه فى الi10 و العكس صحيح و اللى مش عجبه يدور على ماركتين تانيين و يشوف حتيجى بسعر مماثل ولالا....يعنى انا مش مصدق لحد دلوقت ان الريو و البيكانتو ينزلو 2 قزاز كهرباء بس فى حين ان النيو اكسنت و الi10 فيهم 4قزاز
انا رأيي خلاصة كلامي يعني ان السيراتو عربية متواضعة جدا في فئتها من حيث الصلابة و عوامل الامان و التصميم و الجودة هي عربية متواضعة جدا انما الافضل و كده لا يمكن طبعا لان غلطان 100% اللي هيتكلم و يقول السيراتو الافضل في فئة 1600 سي سي و نازلة ادامها مثلا octavia a4 اعتقد لو عملنا مقارنة بين دول و هما نفس الفئة السيراتو هتضيييييييييييع لا محالة خصوصا في الثبات و الجودة و عوامل الامان يبقي يا ريت منتحيزش و نعرف وضع العربية كويس و تقبلوا فائق احترامي:)
انا مش مع الكلام دا خالص.اقتباس:
انا رأيي خلاصة كلامي يعني ان السيراتو عربية متواضعة جدا في فئتها من حيث الصلابة و عوامل الامان و التصميم و الجودة هي عربية متواضعة جدا انما الافضل و كده لا يمكن طبعا لان غلطان 100% اللي هيتكلم و يقول السيراتو الافضل في فئة 1600 سي سي و نازلة ادامها مثلا octavia a4 اعتقد لو عملنا مقارنة بين دول و هما نفس الفئة السيراتو هتضيييييييييييع لا محالة خصوصا في الثبات و الجودة و عوامل الامان يبقي يا ريت منتحيزش و نعرف وضع العربية كويس و تقبلوا فائق احترامي
على فكرة انا شايف لو قارنا السيراتو مع الباسات الباسات هتكسب باكتساح!!
يا محمد دى فئة و دى فئة , مش علشان ال2 1600cc يبقوا نفس الفئة اساسا مفيش حاجة اسماها a4 دى عربية قديمة اتوقف انتاجها من زماااااان و نزل مكانها الa5 و الa5 قربت تتغير هى كمان, لسه بس بينزلوها فى الدول المتقدمة اللى زى مصر (بتكلم على الa4).
يعنى المقارنة غلط و بعدين الa4 اساسا عربية وحشة شكلا من بره و من جوه (فى وقتها كانت كويسة ) بس دلوقتى لأ خالص , و بعدين اساسا السيراتو لا هى بتمن الa5 و لا بتمن الa4 اساسا و لا حتى قريب من تمنها!
بعدين السيراتو بتنزل فاضية علشان التوكيل عايز كدا , لو نزلها كاملة هتغلى بكتير بس هيبقى فيها كل الoptions اللى انت عايزها.
هى عربية كويسة اوى الصراحة بس انا مستغرب الناس بتشتريها ليه و هما قدامهم الالنترا , الصراحة احلى بكتيييير اوى من بره و جوه و نفس الامكانيات و السعر , السيراتو احسن فى الضمان بس.
صلابة السيراتو كويسة اوى و احسن من عربيات كتير فى فئتها زى اللانسر مثلا و اعتقد احسن من الالنترا.
من ناحية الامان فهى ضعيفة فعلا لا abs و لا airbags.
من ناحية الجودة ممتازة و ضمان 5 سنين كمان , دى مرسيدس مبتديش ضمان 5 سنين(مش بقول انها احسن من المرسيدس اكيد , لا بقول ان التوكيل و الشركة الام واثقين من جودتها و بدليل الضمان ال5 سنين يعنى تبقى متطمن 100%).
التصميم دى ازواق الصراحة , انا مش بتعجبنى اوى و شايف فى فئتها الالنترا تكتسح من ناحية الشكل.
انت عايز تفهمني ان مفيش octavia a4 جديدة دلوقتي خالص؟؟؟
لو معتقد ان مفيش جديد انزل المصرية في مصر الجديدة هتلاقيها واقفه هناك
ثانيا ايه جاب السيراتو للباسات لو انت شايف ان السيراتو فئة و الاوكتافيا فئة دي حاجة بقي من وجهة نظرك انت
و اخد عربية وحشة شكلا من جوا و ده انا معاك فيه بس هاخد خامات نضيفة مش بلاستيك!!
الصلابة انت بتقول ان صلابة السيراتو كويسة انا بقولك علي ادها
السيراتو احسن من لانسر !!اول مرة اسمع الكلام ده انت قلت الكلام ده بناء علي ايه
بتعتقد انها احسن من الانترا!!!!!!!يا سيدي الفاضل السيراتو هي هي موتور الانترا و اعتقد انك عارف ان كيا مملوكة بالكامل لهيونداي ولا ايه فهمني بس السيراتو افضل من الانترا ازاي..شكلا الانترا احلي اوبشنز الانترا اعلي عوامل امان الانترا احسن فهمني بقي ازاي السيراتو احسن من الانترا اذا كان سيراتو اصلا مشتقة من الانترا و واخدة موتورها!!
بالنسبة للضمان اما نشوف بعد 5 سنين حال السيراتو هيبقي ايه في شوارع مصر
السلام عليكم
شباب انا طبعا معايا صني و الحمد لله غنية عن التعريف
بس انا ها اقول كلمة الحق ف حق الكيا و خصوصا السيراتو
- الموتور:
الكيا مواتيرها جامدة و معمولة بضافة و احسن اداءا 100 مرة من عائلة الهيونداي او الدايو و لاكن نكون صرحه ما توصلش لجودة الموتور الاروبي او الياباني .
- جسم العربية الخارجي:
الصاج مش متين اوي (الصني) اقوي بصراحة بس مرشوش كويس احسن من (الصني المصري) ال معايا.
- الدواخل:
معلش اي كلام الصني و الانسر ال هما تعبنين احسن منها بس اهو كلو وحش.
-السعر:
غالية موووووووووت و ماتستاهلش الفلوس دي كلها اطلاقا
الضمان:
5 سنين او 100 الف كم ممتازة و حركة معلم بس محدش واخد بالو انكم ها تجيبو ال 100 الف ف اقل من 3 سنيين و اها تخرج برة الضمان و احسبوها و كدة زيها زي الصني و الانسر.
-استهلاك الوقود:
بصراحة معرفش بس مش ها تكون طبعا اعلي من الصني و الانسر اظن بس ممكن تتساوي.
و نرجع ونقول يا جماعه دي ازواق و اراء و ممكن واحد يركب الانسر ما تعجبهوش و تعجبو ال نوبيرا و الله هو حر طبعا .
و مش معني ان انا معايا عربية ماركة كذا تبقي ها احسن عربية لان دا عمرة ما ها يحصل والا كانو بطلو يصنعو عربيات.
مع العلم اني لما جيت اشتري عربية كنت عارف ان الانسر الياباني احسن من الصني المصري بس لما شوف فرق السعر الغير مبرر للانسر بدون فرق جوهري ف الموتور والامكانيات اصريت اني اجيب الصني
و الحمد لله
اسف للاطالة
انا شايف انك متحامل اوى على السيراتو يا محمد ياريت تركبه الاول و بعدين تقرر
و كمان انت بتقرنها بعربيات غريب الاوكتافيا و الباسات بس دى فئات اعلى بكتير اوى متقرنش بالموتور بس قارن بالفئات السعريه
احنا ناس على ادنا يا عم لحنا اد الباسات ولا الاوكتافيا
السلام عليكم ورحمة الله وبركاته
من شهر لما جيت اشترى عربيه كنت بقارن بين سيراتو واوبترا
هاقولكم رأيى المتواضع
من وجهة نظرى المتواضعه برضه
السيراتو تتميز عن الاوبترا ب :
قوه الموتور ( 121 حصان ) - الشكل الخارجى ( مسأله اذواق يعنى ممكن يكون حد شايف الاوبترا احلى )
الاوبترا تتميز عن السيراتو ب :
كل حاجه بقى غير الحاجتين دول
وعلى فكره انا مش ضد الكيا او السيراتو ولا حاجه
انا عربيتى كانت سبكترا 2004 اوتوماتيك كانت تحفه وبعشقها
بس لما بعتها سنه 2006 خسرت فيها 35 الف
وده طبعا من ضمن عيوب كيا
اسمها فى السوق والسعر عند اعادة البيع