شكراً يا جماعة على أهتمامكم هو فعلاُ interior saloon للسيراتو افضل من النيسان بكتيير و كمان موضوع التقفيل بردو السيراتو احسن بكتير لكن موضوع البنزين بقى ماعنديش عنه فكره انا هحاول استقصى عن الموضوع ده و ارد عليكو .
اشوفكم على خير
عرض للطباعة
شكراً يا جماعة على أهتمامكم هو فعلاُ interior saloon للسيراتو افضل من النيسان بكتيير و كمان موضوع التقفيل بردو السيراتو احسن بكتير لكن موضوع البنزين بقى ماعنديش عنه فكره انا هحاول استقصى عن الموضوع ده و ارد عليكو .
اشوفكم على خير
ليا طلب صغير عند الأخوة الأعضاء
ممكن لو حد من حضراتكم يصورلي interior للسيراتو من سيارته الخاصة حيث انه موقع فنات يعرض صور لتجهيزات غير موجودة في مصر زي الوسائد الهوائية
و ياريت يركز على شكل العدادات
و الكاسيت و هل هو به مخرج aux ام لا
و كمان الفتيس
انا عارف اني تعابكوا معايا قوي قوي
و ممكن ده يكون اخر طلب ليا علشان انا حاسس اني بجد بتقل عليكو
و انا ملاحظ ان الاعضاء noha-m و haneena هما اكتر اثنين معجبين بهذه السيارة فياريت تلبوا طلبي ارجوكم
و اوعدكم اني هحاول اخليه اخر طلب
و شكراً جزيلاً لكن من ساهم في الرد على الموضوع و محاولة أفادتي في أستثمار اموالي
بجد ده أعظم منتدى سيارات دخلته في حياتي
الف شكر يا استاذ adwy انا ان شاء الله هصورلك الصالون بس اان عربيتي اللى هي اول فئة فى الاوتوماتيك اللى ب 97 الف فمفهاش شوية كماليات كدة زى الاطار النيكل حولين التابلو و مكان لوضع النضارة و تكييف تاتش و انا واخدة بالى ان حضرتك بتسأل على اعلى فئة اللى فيها فتحة سقف.. لكن عامة انا هصورهالك برضه عشان الصورة تبقي قريبة من حضرتك
استاذ adwyy ربنا يوفقك ان شاء الله للاختيار الصحيح
بس على فكرة انا مش عارفة ازاى انت بتقول انى معجبة بالسيراتو اظاهر ان حضرتك فهمت من كلامى حاجة غلط
لانى بافضل النيسان عنها الف مرة واستغربت لما حضرتك قولت ان الـ interior بتاع السيراتو احلى من النيسان سوبر صالون ولما فهمت دلوقتى ان حضرتك بتتكلم عن صور شوفتها على موقع فنات فانا باقولك ان العربيات اللى بتنزل مصر دايما ومش عارفة ليه بيقلولوا كتير من حاجات فيها ونازلة برة
عموما النيسان سوبر صالون تحفة والـinterior فيها احلى واشيك بكتير من السيراتو ده كفاية الابنوس اللى فيها وشكله الفخم وكمان فيها كماليات اكتر ومعمرة اكتر وكفاية انها يبانى وتوكيلها محترم وقطع غيار مغرقة السوق
انا والدى معاه نيسان صنى بقالها تلات سنين دلوقتى وبصراحة عربية عشرة على عشرة
الف شكر و جزاك الله خيراً
بجد انتي خدومة اوي و بتحاولي تساعدي كل الناس دة الي انا حسيته من مشاركاتك
و بجد انا شاكر ليكي قوي
ممكن سؤال
هو المعرض الي في ابو رواش ممكن اروح اتفرج عنده على العربية براحتي و لا هلاقي حد و اقف فوق دماغي و بيبقى عارض كل الفئات
اصل المعرض ده قريب جداً من شغلي
و اقولهالك تاني مرة
الف شكر ليكي .
انا اسف اذا كنت فهمت غلط هي النيسان شيك و كل حاجة بس شكل تقليدي شوية ده من وجهة نظري يعني بقالها حوالي سنتين او تلاتة نفس الشكل و ده مش عيب في العربية بس هي وجهات نظر
و اختلاف وجهات النظر لا يفسد للود قضية
و بشكرك على وجهة نظرك و تقييمك للسيارتين
و كفاية انك تعبتي نفسك و رديتي عليا مرتين .
و شكراً ليكي قوي
حضرتك حكمتي على سيارات كيا كلها بانها حريقة بنزين من عربية واحدة كانت معاكي وممكن قوي تكون طريقة سواقتك هيا اللي عنيفة
انا كان معيا ريو لمد سنة تقريبا واستهلاكها كان رائع رغم انها 2 كامة ومعروف ان ال 2 كامة بيستهلك بنزين اكتر لتوليدة عزم اكبر
يا ريت بس نكون موضوعين في احكمنا على السيارت لان دي شهادة هانسئل عنها لو ضلينا شخص هانشيل ذنبة
استاذ كريم انت معاك حق فعلا وانا اسفة انا خانى التعبير انا كنت باتكلم عن تجربتى مع البيكانتواقتباس:
حضرتك حكمتي على سيارات كيا كلها بانها حريقة بنزين من عربية واحدة كانت معاكي وممكن قوي تكون طريقة سواقتك هيا اللي عنيفة
لكن طبعا باقى الكلام من ناس تانية معاها عربيات كيا برده انواع مختلفة لكن انا فعلا ماجربتش بنفسى كلهم طبعا
استاذ adwyy مفيش تعب ولا حاجة وربنا يوفقك للاختيار الصح ويباركلك فى اختيارك ايا كاناقتباس:
و كفاية انك تعبتي نفسك و رديتي عليا مرتين .
و شكراً ليكي قوي
هل فيه أى معلومات عن ميعاد نزول 2009 فى مصر أو عن سعرها؟ يا ترى التغيير فى الشكل هيبقى معاه برضه تغيير كبير فى السعر؟
دى الانتيريور بتاع السيراتو
http://www.autobytel.com/images/2007..._07Spectra.jpg
http://www.automedia.com/NewCarBuyer...ctra_int_5.jpg
دى الانتريور فى الفئة الاعلى بيختلف بس فى الاطار النيكل حواليين الكاسيت و علامة كيا بالنيكل برضه
بس بامانة حركة مش محترمة يعني انهم يشيلو علامة كيا اللى بالنيكل دى فى اول فئة للاوتوماتيك اللى هي بتاعتى :offtopic:
http://www.kiastoreclarksville.com/K...tra-40-750.jpg