نيسان صنى كسر زيرو ٢٠١٠ ex اتوماتيك للبيع

**Youssef.Awad** · 26-11-2012 04:40 PM

بالتوفيق ان شاء الله .. لكن اعمل حسابك ما تخرجش برة نيسان هههههههههه

**Sehsss** · 26-11-2012 10:53 PM

المشاركة الأصلية كتبت بواسطة Land_Cruiser

شكرًا جزيلا يا باشا
[
QUOTE=S O P H O S;3874657941]بالتوفيق فالبيع ان شاء الله ..

متشكر على ذوق حضرتك

ربنا يخليك يا باشا. انا عارف و الله و ربنا اعلم أنا بحبكم قد ايه و فعلا اخوات

الف شكرً يا فندم على ذوق حضرتك

اكيد طبعا :) الف شكر يا فندم

خير ان شاء الله .انا بافكر فى عربيه عاليه شويه و هحتاجها اكتر فى الفتره القادمه ان شاء الله و لذلك فكرت فى الخطوه دى

ل كم اتمنى و الله بس مش هينفع مع الاسف

ربنا يخليك يا باشا. هى مش نيسان صريحه يعنى بس من شركه عامله تحالف عالمى معاها وواخده عفشه عربيه من عربيات نيسان بالكامل. يعنى مش خروج لبره قوى يعنى.

[/QUOTE]
بسم الله الرحمن الرحيم.. الإجابة فلوانس

**Sehsss** · 26-11-2012 11:01 PM

المشاركة الأصلية كتبت بواسطة land_cruiser

على فكره الموضوع ده انا اجلته اكتر من مره علشان ما ابعدش عن القسم فعلا حيث الاخوه و الأصدقاء الغاليين على اللى عارفين نفسهم واحد واحد. طبعا

ما تتهربش من الإجابة (فلوانس) صح ولا غلط

**Youssef.Awad** · 27-11-2012 12:02 AM

المشاركة الأصلية كتبت بواسطة Land_Cruiser

ربنا يخليك يا باشا. هى مش نيسان صريحه يعنى بس من شركه عامله تحالف عالمى معاها وواخده عفشه عربيه من عربيات نيسان بالكامل. يعنى مش خروج لبره قوى يعنى.

المشاركة الأصلية كتبت بواسطة Land_Cruiser

ركز فى كلامى يا باشا. انا قلت انها واخده عفشه عربيه من عربيات نيسان بالكامل و دى من الأسباب اللى خللتنى احترمها قوى لانى كنت عايز اجيب بتاعه نيسان صاحبه العفشه الاصليه بس موضوع ال ٢٥٠٠ سى سى ده مع زياده اسعار البنزين المتوقعه و الضريبه العاليه خللتنى اصرف نظر عنها رغما عنى

مممممممممممممم
اوعى تكون رينو داستر ؟ ... ازعل اووووى

والاكس ترايل فعلا غير مناسبة مش بس عشان 2500 سى سى انما كمان جيل قديم وغالبا هايتلغى قريب وكمان فقيرة فى الاوبشن والتصميم

**HOSSAM_GABRE** · 29-11-2012 06:13 PM

مبروك عليك الداستر بعفشة الاكس تريل
بس النقلة من اوتوماتيك لمانيوال حتكون صعبة شوية

**Land_Cruiser** · 29-11-2012 07:05 PM

انا عدلت عن الفكره النهارده بس مش علشان موضوع المانيوال . انا كنت متابع للعربيه دى من فتره و اتفرجت علىها و كنت عارف ان اللى بتنزل عندنا النسخه اللى جايه من رومانيا و طبعا زى اى حد عجبتنى الامكانيات بتاعتها و تغاضيت عن بعض الحاجات فى الشكل زى تشابه التابلوه و الكونسول و فتحات التكييف مع اللوجان و طبعا انها مانيوال قصاد العفشه و قوه الموتور و الريفيوهات الجامده عنها. اللى حصل بقى انى كنت مسافر كام يوم و اتيحت لى الفرصه انى اركب طوال الفتره دى الداستر بس تقفيل أمريكا الجنوبيه و دى باختصار مختلفه عن اللى عندنا بالذات من الداخل فزراير الزجاج فى مكانها الطبيعى مش فى التابلوه و الخامات الداخليه احسن و الكاسيت مختلف و كذلك الفرش الداخلي خاماته افضل برضه لكن برضه نفس الموتور و الفتيس. المهم لما رجعت توكلت على الله و قلت خلاص هاجيبها و روحت معايا مقدم الحجز فعلا و مكنتش ناوى اتفرج عليها لان خلاص المفروض انى عارفها و كمان ما كنش عندهم منها فى العرض و لكن ... و آه من لكن دى .... بالصدفه البحته قبل ما ادخل المبيعات لقيت عربيه واقفه فقلت لما اتفرج عليها مش هاخسر حاجه و بصيت على الفرش و الكونسول و العدادات و شكل التابلوه و افتكرت بتاعه أمريكا الجنوبية و الفرق اللى ما بينهم و بعدين اترددت . الله انا كنت مش معترض فى الاول على الموضوع لكن بعد ما شفت التانيه الموضوع فرق جامد معايا بس دخلت للراجل بتاع المبيعات لأنى ما فقدتش الامل و سألته إذا كان ينفع يجيبولى بتاعه أمريكا الجنوبية لكنه اعتذر لى بمنتهى الأدب و قاللى ان الفكره غير وارده لانهم بيتعاملوا مع مصنع رومانيا فقط لأن ده اللى بيخدم المنطقه بتاعتنا و بالتالى لفيت و رجعت تانى و لغيت الموضوع. هى صدفه نادره شويه انى تتاح لى ان أجرب النسختين لانى بدون تجربه التانيه فى الاغلب ما كنتش هاغير رأيي لكن سبحان الله و الحمد لله على كل شىء