حوار مرعب حول الخيانه الزوجيه

**hussein** · 26-11-2012 05:55 PM

وانت مالك قاعد مرعوب كده ليه؟
امال لو كنت انت اللى بتخونها كان بقى شكلك ازاى :)

**3mr Farrag** · 26-11-2012 05:56 PM

المشاركة الأصلية كتبت بواسطة أحمد كمال

بعتت لك رسالة عالخاص على فكرة :)

شكل الرساله نفس اللي كنت بفكر ابعته
هو خارج الموضوع بس حوالينه

**khaled_legend** · 26-11-2012 06:31 PM

المشاركة الأصلية كتبت بواسطة S O P H O S

ان شايف انها لم تخبر ص
مع اضافة كارت رعب
مجرد راي ..

المشاركة الأصلية كتبت بواسطة أحمد كمال

هي بس خايفة يكون المرء على دين خليله و انت تكون زيه

فبتقول لك يعني ان الامور تحت السيطرة و انها عارفة كل حاجة و انك لو لعبت بديلك هتقع زيه

عادي اقلب يا معلم

يا ما قلبنا يا فندم :)

المشاركة الأصلية كتبت بواسطة الغزالى

خاف على نفسك ... :d

خايف و الله و حاسس اني هتعلق قريب :)

المشاركة الأصلية كتبت بواسطة Mohab.Nabil

هههههههههههه

هو الجواز حلو اوى كده ؟

ده عسل :)

المشاركة الأصلية كتبت بواسطة amrelsha3er

احييك على اسلوبك الشيق :d
ربنا يستر ان كيدهن عظيم والا الخيانه كلهم بيتحولو وكلهم واحد صدقنى نفس الدماغ خلى بالك انت من بيتك
وصاحبك كده نهايته قربت ياريس

انت هتقولي

المشاركة الأصلية كتبت بواسطة hussein

وانت مالك قاعد مرعوب كده ليه؟
امال لو كنت انت اللى بتخونها كان بقى شكلك ازاى :)

يا سيدي الفاضل
انا كنت عارف عن الموضوع هذا منذ فتره و لم اكن قد اخبرت زوجتي
فده اللي كان قالقني :)

المشاركة الأصلية كتبت بواسطة 3mr Farrag

شكل الرساله نفس اللي كنت بفكر ابعته
هو خارج الموضوع بس حوالينه

ابعت يا فندم :)

**Mostafa.Mahran** · 26-11-2012 07:17 PM

المشاركة الأصلية كتبت بواسطة khaled_legend

منذ فتره قصيره قد فتحت موضوعا حول صديق لي يخون زوجته في حين ان زوجته لا تعلم و كنت متردد حول ما يجب فعله حيال هذا الامر و الحمد لله الحل قد جاء بمفرده و لكنه حل مرعب بعض الشئ.

الزمان : الساعه ال 9 مساءا

المكان : غرفه معيشه منزلي العزيز

الوصف : العبد لله و زوجته جالسان امام التلفاز لمشاهده فيلم ما بينما "الولاد الحلوين" يلعبون في هواتفنا الجواله بكل جشع

وجه الزوجه ممتقع لسبب ما لا يدريه العبد لله فلذلك كان يبدو علي وجهه امارات الرعب و الفزع.

الزوجه تغلق التلفاز وسط تذمر من "الولاد الحلوين"

ملحوظه : لم يكن الحوار بهذا الشكل بالضبط.

الزوجه : (خبط لزق) "س" بيخون مراته.

العبد لله : (مرعوبا ) انت عرفتي امتي ؟

الزوجه : (متشككه) يعني انت كنت عارف.

العبد لله : و تربه امي ما اعرف حاجه.

الزوجه : اصل النهارده كنت معديه تحت المكتب و شوفته مع بنت صغيره كده.

العبد لله : (بغضب مصطنع محاولا تغيير الموضوع) انا زعلان منك علي فكره.

الزوجه : (بابتسامه صفراء) ليه يا حبيبي ؟

العبد لله : يعني تعدي تحت المكتب و متطلعيش تسلمي عليا.

الزوجه : لا اصلي كنت مع "ن" و رايحين نتغدي.

العبد لله : ااااااااااااااااااااااااه .

الزوجه : اتلاقيت البيه قاعد قاعده رومانسيه مع البنت الصغيره فقلت اكيد هو ده سبب المشاكل بينه و بين "ص". انت متعرفش حاجه عن الموضوع ده طبعا.

العبد لله : و انا هعرف منين يعني ؟ كنت شوفتيني معاهم.

الزوجه : (متهكمه) ما انت قاعدين في وش بعض طول النهار , و بعد الشغل بتزوغ عشان تروح تلعب بلياردو معاه فأكيد حكي ليك حاجه كده و لا كده.

العبد لله : بلياردو ايه بس ؟ و الله ما حكالي حاجه. انا كل اللي اعرفه ان في شويه مشاكل كده بينه و بين "ص".

الزوجه : (كمن تمارس العابا ذهنيه) تفتكر هو عمل كده ليه ؟

العبد لله : (مترددا) مش عارف. يمكن مفيش انسجام any more بينهم. انتي عارفاني اني لا اتدخل في الحياه الشخصيه بتاعت صحابي.

الزوجه: (تضيق عينيها كالمحققين الفيدراليين) تفتكر اقول ل"ص" و لا لأ ؟

العبد لله : و الله براحتك. انا مليش دعوه.

الزوجه : ازاي ملكش دعوه ؟ ده صاحبك.

العبد لله : (بغضب مصطنع محاولا تغيير الموضوع مره اخري) هقطع علاقتي بيه, استريحتي ؟

الزوجه : اصل انا مش عارفه اعمل ايه بالظبط, و مش عايزه اخسر اي طرف.

العبد لله : يبقي اعملي فيها من كوكب زحل و لا كأنك عرفتي حاجه.

الزوجه : (باستنكار شديد) ازاي ؟ دي صاحبتي, و المفروض صاحبك كان يفكر في العواقب قبل ما يخون مراته.

العبد لله : (بغضب مصطنع محاولا تغيير الموضوع مره ثالثه) طب هو مفكرش في العواقب. انا ذنب امي ايه دلوقتي ؟

الزوجه : (مزمجره) ذنبك انه صاحبك , و انا عارفه ان تأثيره كبير عليك.

العبد لله : (في سري بعد ما عرفت الجمله هتودينا علي فين) نهااااااااااااااار اسود.

العبد لله يسرح في خواطره السوداء لمده ثواني معدوده.

الزوجه : (متشككه) انت سرحان في ايه ؟

العبد لله : مفيش. هي البنت دي شكلها ايه ؟

الزوجه : (بابتسامه صفراء) ليه ؟ عايز تخرج معاها انت كمان

العبد لله : استغفر الله العظيم. اخرج معاها ايه بس ؟ يا ستي عشان لو كنت اعرفها و لا حاجه.

الزوجه : تقريبا اوكرانيه شبه البنت المربيه.

العبد لله : (علمت تماما ان كلامها صحيح) ااااااااااااااه. اوكي.

الزوجه : انا مركزه معاك, ماشي ؟

العبد لله : (متهكما) حاضر يا ماما. هغسل رجلي قبل ما انام.

السؤال الذي يطرح نفسه :

هل تم اخبار "ص" بما حدث و هذا مجرد اختبار لي ؟ ام انها تستشيرني فعلا , و في نفس الوقت بتعطيني كارت ارهاب ؟

مش عارف انا الكلمة دى مستفزة ليه كده المفروض تتكتب لقيت

**أحمد كمال** · 26-11-2012 07:39 PM

المشاركة الأصلية كتبت بواسطة mostafa.mahran

مش عارف انا الكلمة دى مستفزة ليه كده المفروض تتكتب لقيت

سبقتني

شكلك فاهم يا نصة

**الغزالى** · 26-11-2012 08:23 PM

المشاركة الأصلية كتبت بواسطة أحمد كمال

سبقتني

شكلك فاهم يا نصة

وانا هارشك يا صاحب نصه ..

**Eng_hatemfathy** · 26-11-2012 08:44 PM

عفوا تعف نسائكم
منذ اسابيع كنت عند طبيب الشركة لاحصل على تحويل الى طبيب اسنان وسألته ان كان بتم تفتيش على العياده باستمرار لضمان التعقيم للسلامة من الامراض المعدية عافانا الله واياكم
وتطرق الحديث الى اة الاخصائيات تقول ان كل سنه يزداد مرضى الايدز 350 شخص فاخبرنى ان هذا العدد بسيط بالنسبه لماتحياه الامه من فجور
وذكر لى قصه سببت لى حيرة حتى الان وسألت الله العافيه
قال لى بينما يعمل فى احدى الشركات وفى احد مواقعها جاءه رجل ملتح عليه امارات الصلاح واثناء اجراء بعض التحاليل تم اكتشاف مرض من الامراض الجنسية التى لا تصيب احد الا من خلال الممارسة الحرام فتعجب وطلب اعادة التحليل وكانت النتيجه ايجابية فتعجب وقال لربما كان له مسلك حرام قبل هدايته وبعد فتره فوجىء ان احد الزملاء الاخرين مصابا بنفس المرض وقدرا اثناء تفحص اوراق علاج اسرى تم اكتشاف ان المصابين يقطنان فىى نفس العنوان
اسقط فى يد الدكتور وعندما ناقش رئيسه امره بالتكتم وعدم التفوه بكلمه لان لا يوجد دليل على ما يجول بخاطر كل منكم الان وهذه امور تضيع بسببها رؤوس -فعلا عندما فكرت فى الامر تعجبت وقلت فعلا شريعتنا غراء لم تدع للظن محلا فى هذه المسائل بل منعت اليقين الفاقد للشهود ان يكن له محلا
فحمدت الله على العافيه وقلت عفوا تعف نسائكم

**الغزالى** · 26-11-2012 08:57 PM

المشاركة الأصلية كتبت بواسطة eng_hatemfathy

عفوا تعف نسائكم
منذ اسابيع كنت عند طبيب الشركة لاحصل على تحويل الى طبيب اسنان وسألته ان كان بتم تفتيش على العياده باستمرار لضمان التعقيم للسلامة من الامراض المعدية عافانا الله واياكم
وتطرق الحديث الى اة الاخصائيات تقول ان كل سنه يزداد مرضى الايدز 350 شخص فاخبرنى ان هذا العدد بسيط بالنسبه لماتحياه الامه من فجور
وذكر لى قصه سببت لى حيرة حتى الان وسألت الله العافيه
قال لى بينما يعمل فى احدى الشركات وفى احد مواقعها جاءه رجل ملتح عليه امارات الصلاح واثناء اجراء بعض التحاليل تم اكتشاف مرض من الامراض الجنسية التى لا تصيب احد الا من خلال الممارسة الحرام فتعجب وطلب اعادة التحليل وكانت النتيجه ايجابية فتعجب وقال لربما كان له مسلك حرام قبل هدايته وبعد فتره فوجىء ان احد الزملاء الاخرين مصابا بنفس المرض وقدرا اثناء تفحص اوراق علاج اسرى تم اكتشاف ان المصابين يقطنان فىى نفس العنوان
اسقط فى يد الدكتور وعندما ناقش رئيسه امره بالتكتم وعدم التفوه بكلمه لان لا يوجد دليل على ما يجول بخاطر كل منكم الان وهذه امور تضيع بسببها رؤوس -فعلا عندما فكرت فى الامر تعجبت وقلت فعلا شريعتنا غراء لم تدع للظن محلا فى هذه المسائل بل منعت اليقين الفاقد للشهود ان يكن له محلا
فحمدت الله على العافيه وقلت عفوا تعف نسائكم

ربنا يعافينا ويرحمنا ... وعلى فكره القصه الى حضرتك حكتها دى مسكوا شبكه هنا فى مصر شغالين مع بعض زى السكينه فى الحلاوه فى الحاجات دى

الموضوع: حوار مرعب حول الخيانه الزوجيه

LinkBack

أدوات الموضوع

عرض

-

-

-

-

-

المواضيع المتشابهه

بلال فضل : أنت حوار يا حوار ( للناس اللى عامله نفسها بتفهم فى كل حاجه )

عصفور وعصفورة >>>>>>>>>>>>>>>>>>> و الخلافات الزوجيه

الخيانه كنز لا يفنى (استطلاع)

كريبتون اكس .... الي عش الزوجيه

الكلمات الدلالية لهذا الموضوع

المفضلات

المفضلات

ضوابط المشاركة