الموضوع: حل لمشكلة وصلة aux للميجان

بص يا سيدى هتجيب جاك بتاع سماعة هيد فون بايظة أو تشتريه من أى حتة ب 3 جنيه

بتفك الكاسيت فيه 3 بنات ورا النصف الأرضى وواحدة للسماعة اليمين والتانية للسماعة الشمال وشكرا

طيب لازم يكون معاك جاكات رفيعة عشان توصلها أنا استعنت بيها من باور سابلاى بتاع كمبيوتر قديم وممكن تلاقيها عند أى حد بتاع ألكترونيات ببلاش تقريبا

http://www.nilemotors.net/Nile/62002-aux.html

شوف يا باشا حاجة زى دى أنا لما عملتها عزلت ال 3 أطراف كويس جدا عشان أضمن أن مفيش أى سلك يلمس التانى

والموضوع كان بسيط ودى كانت أول مرة أفك حاجة فى عربيتى أو ألعب فيها بمعنى أصح هههههههه

حضرتك لو عايز تجيب الوصلة جاهزة مفيش مشاكل هتبقى أضمن

بالنسبة لنقاء الصوت هيعتمد على الجهاز اللى إنت موصله يعنى أنا كنت بشغل جهاز موبايل سامسونج مش حديث وامكانيته على قده وكان الصوت جيد جدا

فما بالك لو استخدمت ام بى ثرى سونى أو آى بود هيبقى الصوت جنان


خلاصة الكلام إن الوصلة مفيهاش مشاكل مع نقاء الصوت الرك على الجهاز اللى هتوصله فيها وعلى إن الوصلة نفسها تكون معزولة كويس والسلوك من جوا سليمة

بالمناسبة عايزك تشوف الفيديو دا http://www.nilemotors.net/Nile/3874384355-post11.html وفيه تفعيل خاصية ال aux من الكاسيت والطريقة دى متنفعش غير للكاسيت ال update list بيبقى مكتوب عليه أسفل يمين الكاسيت لو tuner list يبقى ملهوش aux ليه جهاز بيركب ليه كدا أفضل من ال aux بس معرفش فكرة عمله بالضبط

بعد ما تعمل الوصلة إن شاء الله هتعديها منين ؟
فيه مكان سهل أسفل ييمين رجل السواق فيه غطاء بلاستيك هتخلعه مش لازم تخلعه كله طرف بس من برا وتعدى السلك منه زى ما أنا عملت بس دخلت إيدى لجوا شوية عشان أساعد فى طلوعه

ممكن تستعين بسوستة كهرباء ولو إنها مش مستاهلة