الموضوع: الزينون ممنوع فعلا ياشبااااااااااااب

زي ما استاذ كريم قال بالظبط والناس اللي بتطلع على الصحراوي كتير اكيد عارفه ده كمان النور حتى لو مش زينون لكن العالي شوف بيتعبك ازاي وهو وراك او جاي في وشك نفس الكلام في الزينون ..................

المشكله بجد فينا احنا نسبه كبيره من الناس عاملين الزينون منظره وخلاص وحاجه كده اكسسوار بيضيفه لعربيته وخلاص وهو مش عارف حتى امكانيات النور ده مع ان بره ممكن يحصل العكس دلوقتي ويخترعوا قانون ملزم بتركيب زينون لو بتطلع على طرق سفر كتير لئنه فعلا مفيد وانقذ حياة ناس من حوادث على الطرق السريعه لكن للي بيراعي ربنا وفاهم هو بيعمل ايه .

على فكره 90 % من قوة الاضاءه والاستفاده منها في توجيه البؤره الضوئيه او الحزمه الضوئيه صح وبالتالي اللي حاطط زينون ورافعه كده هو فعلاً كل اللي بيكسبه انه بيتعب الناس اللي قدامه ويعد في سيئات عماله تتكتب ليه في كل مشوار بيعمله لكن لو اتقى الله ونزل مستواه بحيث يكون في مستوى اكصدام السياره اللي قدامه هيستفيد منه اكتر وماحدش هايتئزي منه ان شاء الله .

المشكله في خلاصه فينا مش في الزينون ولا في التكنولوجيا ولذلك القانون ده او تطبيقه على الاقل بصوره عادله يستلزم ان الظابط يشوف النور ضار بالغير ولا لأ ويحاسب صاحبه سواء كان النور ده هالوجين بقى ولا زينون ولا حتى شمع لكن ياخد في العموم كده كل حد مركب زينون ده ظلم لئنه والله مفيد للي بيسافروا كتير على الصحراوي وانا واحد منهم ومش هسامح ابداً اللي هايعمللي مخالفة زينون ده لئنه تخلف فقط والله مش اكتر وعلى فكره مهم كان الزينون عالي ومحترم لو الطريق متنور صح زي صلاح سالم مثلاً بيكون الزينون ده زي عدمه وبالتالي لو احنا فعلاً الطرق عندنا مش محتاجه حاجه زي كده ايه هايخلليني ادفع مبلغ زي ده اصلاً !!!

المشاركة الأصلية كتبت بواسطة birdybirdy

هو دلوقتي وحاليا انا مش متعصبة :)
بس لما بشوف حد مشغل النور العالي أو عنده زينون في عربيته بيركبني 100 عفريت وبتعصب لإني بضطر يإما أغمض عيني يإما احط ايدي علي عيني يإما افضل مفتحة عينيا والنتيجة بتكون واحدة وهيا اني مبشوفش الطريق قدامي لمدة اينعم بسيطة بس كافية لإن تحصل اي حادثة لاقدر الله

وبالنسبة لسؤال ليه الباشا (اللي هو انا مع اني مش باشا ولا حاجة) عصبي لإن لو حضرتك اخدت بالك انا كنت هاخبط واحد معدي قدام عربيتي علي رجليه بسبب الظريف اللي مشغل العالي ده بس الحمد لله جت سليمة ومخبطوش وده ستر ربنا طبعا.

ياريت يعينوني انا الضابط اللي يعاين اللمبات الزينون دي وساعتها مش هاخلي حد ينور عربيته خالص ويمشي بيها مضلمة تماما. :) (بهزر طبعا اقصد اني ساعتها مش هاسمح الا بالزينون القانوني اللي مش بيضر العين وهو اللي اشار ليه الاخوة بيبقي نازل مع العربية اصلي او بتشتريه بملغ يصل الي 3000 جنيه (بالزمة مين هايدفع 3 الاف جنيه عشان يركب زينون)

انا دافع 3000 جنيه في زينون بردوا مخالف وغير قانوني وتحيا مصر والانضباط والديمقراطيه ووقفة مصرية
وعجبي

المشاركة الأصلية كتبت بواسطة birdybirdy

تحياتي الشديدة لوالدك بجد راجل محترم وبيراعي شعور الاخرين عشان كده هاتلاقي الناس برده بتراعيه خلال الطريق بجد ربنا يباركله وياريت كل الناس تعمل كده فعلا
بجد دي قاعدة اللي بتعمله في الناس سواء حلو او وحش بتلاقيه فعلا.

وحصلت معايا كتير جدا :)

انا عن نفسى وانا مسافر بمشى قدر الامكان على نور الشبوره فقط حتى الواطى مش بنوره عشان بيضايق اللى قدامى فى نفس الاتجاه ولاقى فى الاتجاه المعاكس واحد ضارب النور العالى فى وشى وماشى ولا اكن فيه حاجة
بس على فكره اغلبهم مش بيبقى واخد باله انه مضايق اللى فى الناحية التانيه
هو مالوش دعوه باى حاجة منور نوره وماشى وخلاص

ساعات بتغاظ جدا وافضل ارعش النور العالى فى وشه لغايه ما اعميه عشان يفهم انه حمار :)

المشاركة الأصلية كتبت بواسطة abcrino50

المشكلة بقي لما تكون ماشي مولع نور الشبورة عشان ماضيقش حد ويجي واحد يعميك بجد ببقي نفسي اولع في وشه نور الاستاد

بتحصل معايا كتير
بس غالبا بيبقى متغاظ ان عندك شبوره ومنوره من غير لازمه (مع انه مش مضايقه) بس بيقول ايه الواد اللى شايف نفسه وبيتمنظر ده (حتى الشبوره بقت منظره :))

المشاركة الأصلية كتبت بواسطة karim_monir

يا جماعة بالراحة شويةانا مركب زينون بقاللي سنتين
وبدون عدسات
بس ضارب البؤرة في الارض عشان مايذيش حد اطلاقا
واللي جاي في وشي انا شيفة كويس مستوى النور عند كشاف عربيتة مش عند عينية
لكن اللي بيركبه ويرفعالبؤرة ده حسبنا الله ونعم الوكيل فيه
حتى لو لمبة هالوجين عادية بتعمي مش الزينون بس
انا كانت زوجتي جنبي اول ما ركبتة على مستوى ظبط اللمبات العادية كنت بتشتم تاني يوم روحت وطيت مستوى الرجلاش خدت بالها ان مابقاش حد يتكلم قالتلي انت عملت ايه
شرحتلها قالتي الله يكرمك
ودلوقتي ما بيقبليش نور غير الناس اللي بتستهبل عينة اللي لو الفوج منور يقلبلك عشان تطفيه

فعلا ده حل كويس ده غير ان تركيب العدسات امام المبة الزينون بيخلى النور يفرش احسن قدامك ويتوزع صح على الطريق مش يكون مباشر فى العين اللى قدامك

المشاركة الأصلية كتبت بواسطة Ramy_Tantawi

زي ما استاذ كريم قال بالظبط والناس اللي بتطلع على الصحراوي كتير اكيد عارفه ده كمان النور حتى لو مش زينون لكن العالي شوف بيتعبك ازاي وهو وراك او جاي في وشك نفس الكلام في الزينون ..................

المشكله بجد فينا احنا نسبه كبيره من الناس عاملين الزينون منظره وخلاص وحاجه كده اكسسوار بيضيفه لعربيته وخلاص وهو مش عارف حتى امكانيات النور ده مع ان بره ممكن يحصل العكس دلوقتي ويخترعوا قانون ملزم بتركيب زينون لو بتطلع على طرق سفر كتير لئنه فعلا مفيد وانقذ حياة ناس من حوادث على الطرق السريعه لكن للي بيراعي ربنا وفاهم هو بيعمل ايه .

+10000000

المشاركة الأصلية كتبت بواسطة okmijn

ياريت القانون يمشي علي الكل حتي علي العربيات اللي جاية جمرك دول بقي قصص تانية خالص
دول بيحطو فمية اتقل نوع والزينون والباي زينون وطبعا الرادار اللي موجود فبي العربية
وياريت يطبق عليهم كمان (ومافيش كلمة كل سنة وانتة طيب )



******ربنا يهدي ياباشا******

ولد
انت عايز تتساوا بالناس دى؟؟؟ :boxing_smiley:
هتنسى انك من عامة الشعب ولا ايه؟
ما تبصش لفوق احسنلك :)

المشاركة الأصلية كتبت بواسطة amir

طب و تقول ايه في نظام احتكار البهوات فقط للصحه و ترك الحروق و السرطانات للرعاع؟!
اوضحلك:
مين من حقه يركب فاميه؟
و ايه اللي بيحصل لما بني ادم عادي يتمسك بالفاميه في لجنه؟؟؟
طيب مش في عربيات بتنزل بزجاج ملون, ايه المشكله يعني لما يسمح بدرجه متوسطه منه, ولا هوا كخه لما اركبه ب 50 60 جنيه و حلال لما ادفع قد كده في ماركات معينه, و اكيد مفيش حد متعلم محترم هييجي يقولي ان الفيميه التركيب بيعيق الرؤيه و الزجاج الملون لاء علشان كلنا عارفين الصح ايه و الغلط ايه
بجد ليه ميرحموناش من الشمس و اشعتها الضاره خاصه ان الجو اتغير و معدش زي الاول, ولا هوا غتاته بقوانين اكل و شرب و نام و راح في سابع نومه عليها الدهر

ههههههههه هى جت على كده وبس
طيب الفيميه وقولنا دول ناس مهمه ولازم يمشوا متخفيين
طيب والارقام اللى نصها طاير واللى حاطط شعار كذا او كاذا على النمر واللى مش كاتب اى نمر خالص
يا ابنى انت فى مصر

انتو بتتكلمو عن زينون لا انا فى الاسكندرية معايا لمبات لونها ازرق هى كده مش زينون بس مركبلها كتاوت عاليه شويه الظابط وقفنى وغرمنى 25 جنيه وقالى انوار زياده ده طبعا بعد لما اتصلت وعملت علشان مايخدش الرخصه ويدوخنى عليها