الزينون ممنوع فعلا ياشبااااااااااااب

**amir** · 25-07-2008 04:41 AM

يا جماعه الشعب المصري متميز بخاصيه المنظره و الادهي و الامر المنظره علفاضي,
الشاب الروش طحن اللي مقطع الدنيا و ماشي بمبدء يا ارض اتهدي ييجي يعمل ايه بقي مادام راكب عربيه(بغض النظر عن ماركتها) و بقيه خلق الله راكبين عربيات كمان؟ طيب الشاب الغلبان ابو اللبان و البنطلون المدلل ده نفسيته ضعيفه و مش عاجبه نفسه فلازم يجذب الانتباه لشخصه الكريم يمكن يحس بأهميه و لو بقدر قليل بس اهوه حاجه تحلي الدنيا في نظره, ماهو فاشل دراسيا و عمليا و مفيش حاجه يعملها غير انه يرضي جنون العظمه بدل ما يتجن او ينتحر,
المهم ييجي الشاب الروش طحن بعد ما يدلل البنطلون و يوقف الشعرتين و يديها منظر اسري الحروب ينزل عند اي محل و يركب الزينون ييجي الراجل يقوله العدسات يا بيه علشان الناس ما تتعميش, هنا يجن جنون الشاب الروش طحن, ازاي ادفع الفلوس دي من غير ما احسس خلق الله اللي قدامي اني متميز و اخليهم يموتو بالحسره اني انا و بس اللي عندي زينون, لاء يا عم مش عايز العدسات انت عايز تعمل شغل عليه و خلاص؟!
و بعدين يمشي الشاب الروش طحن و يولع الزينون و يحاول بكل ما اوتي من قوه بصريه يلمح و لو طفل صغير في الشارع بيبص علي عربيته, ماهو برضه غلبان و عايز احساس بالاهميه و التميز, فهل ينزل يشوف شغلانه او يسعي انه يحسن مستواه العلمي او العملي؟!!
لاؤ طبعا ده حيله الست الوالده و منذ نعومه اظافره و هي علي هذا الوضع و كتر خير الدنيا ان زرار النور مش تقيل علي ايده

شباب لما تشوفو نطع مركب زينون من غير عدسات تبقو حسسوه بأهميته بدل ما ينتحر و يبقي ذنبه في رقبتكم

**Ahmed Samy** · 25-07-2008 05:04 AM

يا جماعة الخير

بدون تجني على البند ده بالذات في القانون

اضاءة زينون بدون بروجيكتور (عدسة) = اضاءة مبهرة

يعني بلاش نقارن الزينون الأصلي اللي فوانيسه بعشرة الاف جنيه بالزينون اللي بيركب عند سيد الكهربائي (اللي أنا كنت مركبه و شيلنه طوعا من فترة)

نقطة ثانية ..

الاضاءة المبهرة دي من أسوأ أسوأ اللي ممكن يحصللك على الطريق و أنا تعرضت لحادث من سنوات بدون أي سبب الا الإضاءة المبهرة و لحد النهاردة لو حكموني على الكائن اللي كان مركب الفوانيس دي هاموته مش هاسحب رخصة

النقطة دي في القانون pass

**ahmed1981** · 25-07-2008 02:32 PM

المشاركة الأصلية كتبت بواسطة iunknown

بصراحة اللي يعمي الناس بضوء شديد السطوع يكاد يعمي من يراه ويتسبب في الحوادث تتسحب رخصته احسن

كلام سليم يا أستاذ/ أنا غير معروف
فعلاً يستاهل تتسحب منه الرخصة وجواز السفر والفوانيس كمان

**Ramy.Gamal** · 26-07-2008 06:24 AM

بس انا لما جيت اركب الزينون عند ادريان محدش هناك قاللى عدسات ولا عادى واعرف منين ان اللى راكب عندى عدسات ولا عادى وعموما هو لونه ثلجى مش ازرق وهل فيه الوان مسموح بها والوان ممنوعه

**Ghamrawy** · 26-07-2008 02:23 PM

هو ليه الناس بتستغل اى تكنولوجيا جديدة أسوء أستغلال ؟؟؟ و ليه الواحد ما يعملش الحاجة صح من أول مرة و يركب عدسات و يخلص ؟؟ و ليه الحب الشديد للاذى ؟؟
حاجات لما الواحد يقعد يفكر فيها يتعب

**amir** · 26-07-2008 04:13 PM

المشاركة الأصلية كتبت بواسطة gemino

هو ليه الناس بتستغل اى تكنولوجيا جديدة أسوء أستغلال ؟؟؟ و ليه الواحد ما يعملش الحاجة صح من أول مرة و يركب عدسات و يخلص ؟؟ و ليه الحب الشديد للاذى ؟؟
حاجات لما الواحد يقعد يفكر فيها يتعب

http://www.nilemotors.net/Nile/showt...511#post355511
بص علي اللي انا كاتبه كده

**Ghamrawy** · 26-07-2008 06:57 PM

المشاركة الأصلية كتبت بواسطة amir

http://www.nilemotors.net/Nile/showt...511#post355511
بص علي اللي انا كاتبه كده

طبعا شفت اللى أنت كاتبه و كلام مظبوط بس ده كمان فى ناس كبيرة شعرها شاب و طقطق و بتعمل كده
ربنا يهدى و خلينا نكمل فى الموضوع مع باقى الزملاء

**mohamed_88sk** · 26-07-2008 07:00 PM

يا جماعه فاكرين زمان لما كانوا بيكسروا الفوجات في اللجان مش بيفوكوا كانوا بيكسروا على طول !!!
بس حرام بجد الناس اللي بتعمي الدنيا دي !! يعني لو يركب العدسات يريح نفسه ويريحنا ومكنش اللجان فاقت للحكايه وكانت بقت حاجه كويسه ...

هو ليه الناس بتستغل اى تكنولوجيا جديدة أسوء أستغلال ؟؟؟ و ليه الواحد ما يعملش الحاجة صح من أول مرة و يركب عدسات و يخلص ؟؟ و ليه الحب الشديد للاذى ؟؟
حاجات لما الواحد يقعد يفكر فيها يتعب

معاك حق !!!! ليه بيحصل كده ماعرفش !!!

-

-

الموضوع: الزينون ممنوع فعلا ياشبااااااااااااب

LinkBack

أدوات الموضوع

عرض

-

-

-

المواضيع المتشابهه

سؤال عن الزينون هل ممنوع ولا مش ممنوع في المرور

ممنوع لأصحاب القلوب الضعيفة ... تاني ممنوع أنا مش مسؤل على إلي ممكن يحصلكم

بما ان الزينون ممنوع ومخالفات وقرف ،، اجيب لمبات ايه نورها كويس؟؟

مين اللي قال الزينون ممنوع ؟

الزينون ممنوع ؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة