التفتيش علي وجود حقيبة اسعافات أولية ومثلث عاكس

**MoMohsen** · 14-07-2008 08:41 PM

يا باشا هو محدش قال ان الفكرة وحشة بالعكس الفكرة كويسة بس المشكلة البزنس اللى هيتعمل على الفكرة دة. يعنى مثلا طالما هما خايفين على ارواح الناس اوى كدة ابسط ما فيها ان لما يحصل حادثة و تطلب الاسعاف يجيلك مش تفضل مستنى لحد لما الراجل يموت ولو عملت شهم و خت اللى عامل حادثة المستشفى هيدبسوك انت فى الحادثة.
طب دة انا مرة شفت حادثة كان واحد بيعدة الشارع و عربية خبطتو المهم الناس اتصلت بالاسعاف و بعدها ب 10 دقايق جت عربية اسعاف انا مصدقتش نفسى المهم بقى الناس ملومة عشان تشوف هيحصل اية .طلعت ان عربية الاسعاف دة مش اللى احنا طلبناها و ان دة كان معدى بالصدفة و تفتكر ان العربية خدو الراجل .ابدا .سواق العربية قالك مقدرش اخدو لان انا بطلع باذن او تصريح من المستشفى على مكان الحادث و مينفعش اخد اى حادثة كدة.المهم بعد خناقات مع السواق لمدة 45 دقيقية كانت جت العربية اللى طلبناها يعنى بعد الاتصال بأكتر من ساعة. وبعد كل دة تلاقيه يقولك حرصا على سلامة المواطنين هههه.

**MohabSaeed** · 14-07-2008 08:51 PM

طيب دلوقتى الواحد يجيب الشنطه ديه منين ؟؟؟؟ طبعا انا قصدى على المطابقه لمواصفات مش المضروبه

**MoMohsen** · 14-07-2008 08:57 PM

انا هسمع كلامهم و استنى شوية لان مش طالبة اجيب حاجة و بعد كدة يقولك مش مطابقة عشان نوعها مش بافاريا ...ههههه

**Mohamed-Saoud** · 14-07-2008 09:38 PM

و الله طول ما الرخصة بتيجي لحد البيت ما هينفع فيها لا قانون جديد و لا شنطة اسعافات و لا أي حاجه

**Karim_Monir** · 14-07-2008 11:55 PM

طب ماهي مكوناتهامكتوبة اهي
سهل قوي انك تجيب شنطة نضيفة محترمة من عند المحلات اللي عند كلية الطب في العباسية
وتط المكونات بنفسك
مش شايفها صعبة
واللي عايز يريح دماغة هايجب الشنطة الاصلية بسببوتها

**badblood** · 15-07-2008 12:51 AM

دى فراغ فراغ الشعب المصري ارحمنا بقى يارب
عجبي

**HATEMHANY** · 15-07-2008 12:59 AM

المبدأ نفسه كويس بس التطبيق و غياب الثقه بينا و بين الحكومه يخلينا نتوهم هواجس شريره و نوايا سيئه

انا شايف اننا نستنى شويه و نشوف هانشترى ايه و خلاص و كلنا نشترى مره واحده

و على فكره اللى بيتباع دلوقت ده برضه سبوبه ليهم و اكيد معمول حساب الفتره دى اللى محدش فاهم فيها حاجه

اهم حاجه تتأكد ان الصلاحية سليمه عشان هم ممكن يكونوا بيسلكوا شحنه من المواد الطبيه اللى قربت تنتهى او انتهت بالفعل فى السوق

ربنا يستر

**bishoo33** · 15-07-2008 01:20 AM

أعتقد ان قانون المرور الجديد فتحه خير على كل من الضباط والصيادله والتجار وياعينى علينا أحنا يا مظلومين مش عارفين نوقف نزيف المصروفات الذى ليس له أخر
الخارج اكثر من الداخل

**sab3aawy** · 15-07-2008 09:59 AM

اقتداء بايام هوجة الحزام:

انا هارسم مثلت عاكس على التيشرت وهارسم حقيبة ادوات طبية على الاستبن ،

واللى هيكلمنى هاضربه بحزام الأمان وافتح الطفاية فى وشه

-

الموضوع: التفتيش علي وجود حقيبة اسعافات أولية ومثلث عاكس

LinkBack

أدوات الموضوع

عرض

-

-

-

-

-

-

-

المواضيع المتشابهه

رينو داستر...إنطباعات أولية

المفاجأة ... ركبت لمبة عاكس الباب و بسعر خيالى ..(بالصور)

كان يا ما كان (شنطة اسعاف- ومثلث -وحزام)

الكلمات الدلالية لهذا الموضوع

المفضلات

المفضلات

ضوابط المشاركة