الموضوع: تجربه زيت فتيس المانيوال للأوبترا مع زيت موبيل و توتال

المشاركة الأصلية كتبت بواسطة hmada9009_99

هتلافي مسمار 10 هتفكه بالراحه وتشيل القطعه بالفيشه كلها بالراحه وهتلاقيها طلعت بسهوله وبعد كده تحط خرطوم رفيع وتسحب الزيت وبعد اما تسحبه ترجع القطعه مكانها بالراحه وهتلاقيها رجعت بسهوله وبعد كده تربط المسمار وياريت وانت بتربط المسمار بلاش قرص عليه او استعفى لأن المسمار الومنيوم والقاعده اللي راكب عليها المسمار الومنيوم اتمنى اكون قدرت افيدكم وانا موجود لأي استفسار

تمام ياباشا بارك الله فيك هاجرب واقولك النتيجة ان شاء الله

dr maged
كنت عاوز استفسر عن تغيير الزيت فى فتيس الأفيو المانيول عشان انا من ساعة ما جبت العربية وهى الان عاملة160000 كم ماغيرتوش

المشاركة الأصلية كتبت بواسطة hmada9009_99

طبعا كالعاده زيت موبيل السيئ يدمر اي حاجه مش زيت موتور بس لأ زيت فتيس كمان انا كنت لاحظت ان الفتيس عندي في حشرجه او دقره بالزات في التالت واما انقل من التاني للأول على سرعه 40 كم غير كده انه مش سلس المهم غيرته مره وبعد كده غيرته مره تانيه المهم في مرتين كنت بحط موبيل 80w 90 ومالقيتش امل وتعايشت مع الفتيس المهم روحت مركز صيانه بالصدفه تابع للتوتال وكنت روحت علشان اقيس مستوي زيت الفتيس من الطبه 13 تأكيد ان مستوي الزيت مزبوط فالقيت الصنايعيي بيقولي مش هينفه نفكها لأن اللي ربطهالك ربطها بمسدس وطبعا اللي بيستخدم المسدس ده التوكيل فقفلها لدرجه انها ممتحلش لازم بمسدس برده وقالي مش عاوزه اتعفى علشان راس المسمار الألومنيوم ما يتنحلش فقولتله الحل قالي لازم تروحلهم المهم انا كان الزيت اللي في الفتيس مش عاجبني وكان عندهم زيت توتال 80 w 90 tm فقولتله غيره بس من غير من حل الكرتيره علشان الجوان عندي بتاع 11 مسمار وللأسف مش متوفر منه حتى في التوكيل من هنا قاعدنا نفكر وجه في بالي فكره ان نسحب الزيت شفط من عند عداد السرعه او حساس السرعه من فوق المهم فكينها وماخدتش غير دقيقه في الحل ودخلنا خرطوم على قد مقاس الفتحه وسحبنا الزيت كله وبعد ما سحبناه حطينا زيت جديد بتاعهم وبعد حطيت الزيت طبعا فرق تاني خالص عن موبيل خالص الدقره راحت وبقى الحمد سلس جدا ويارب يبقى سلس بس لسه هروح التوكيل اطلع عينهم لأن كل اما روح يبوظلي حاجه بسسب غشامه الفنيين اللي بيشتغلو في العربيه وعلشان يفكوا الطبه ويتأكدوا من مستوى زيت الجديد

اختصارا زيت موبيل بتاع التروس او الموتور فاشل جدا وكمان اكتشفت ان سحب الزيت من فوق احسن مليون مره من فك الكرتيره وتغيير جوان كل شويه ومش عارف التوكيل مايعملش كده ليه ويريح الناس

سؤال هو أنا ممكن أشفط زيت الفتيس من الطبه الـ13 اللى بنزود منها وكمان عايز اعرف بتاخد كام لتر بالظبط