الموضوع: حد يرد علينا و يطمنا

بالنسبة الى عيوب العربية انا شايف ان نيسان بتصلح كل عيب فى الانتاج اول بأول زى المشكلة زى التزييق و المساعدين اللى ظهروا فى بداية العربية اول ما نزلت و دلوقتى مش موجودة الى جانب انهم بيسلموا العربية ببطارية جافة بعد ما كانت سايلة و فى نفس الوقت ممكن حد يقول طيب استى شوية علشان المشاكل كلها تتحل احب اقوله ان العربية اول ما نزلت كانت ب 100000 جنية و دلوقتى بقت ب 102000 جنية يعنى ممكن تستنى و السعر يعلى و فرق السعر ح يكون لو انت حليت المشكلة دى بنفسك

بالنسبة لموضوع قطع الغيار فأحب اقول انك فى فى مصر يعنى مافيش حد بيعمل خطة و يمشى عليها يعنى ممكن يكون نيسان كان عندها خطة بقطع غيار بس ما تنفذتشى و همها دلوقتى متركز على بيع العربية نفسها لحد ما يحصل تشبع للسوق و ساعتها ممكن تركز على قطع الغيار الى جانب ان العربية لو انتشرت جامد و ده اللى حاصل دلوقتى ح تلاقى الكل عندهم قطع غيارها و السعر ح ينزل علشان ح يبقى فيه منافسة بينهم

تحياتى