الزيت بيقل ومفيش دخنه ولا تسريب في اوكتافيا a5

**eng_m.elsidiey** · 30-11-2012 05:06 PM

انا متشكر جدا على تعبكم معايا
بس فعلا انا قلقان من موضوع نقص الزيت ده
ياريت لو فيه حد متخصص يرد عليا بالزات انا حاسس ان سحب العربيه مش جامد بس ده مش قادر احكم عليه لاني لسه شاري العربيه جديد ياريت تقولولي اذا كان فيه طريقه اعرف بيها اذا كان سحب العربيه كويس ولا؟

**amrelsaqqa** · 30-11-2012 05:23 PM

ممكن تكشف على الموتور وتعمل اختبار كبس بـ 50-70 جنيه في اي بنزينة بتكشف على العربيات

تعرف حالته كام في المية ولو فيه تهريب للكبس من الصبابات ولا الشنابر

والمفروض كنت عملت الكشف ده وحضرتك بتشترى العربية

**طارق _عبد السلام** · 30-11-2012 09:55 PM

المشاركة الأصلية كتبت بواسطة eng_m.elsidiey

انا متشكر جدا على تعبكم معايا
بس فعلا انا قلقان من موضوع نقص الزيت ده
ياريت لو فيه حد متخصص يرد عليا بالزات انا حاسس ان سحب العربيه مش جامد بس ده مش قادر احكم عليه لاني لسه شاري العربيه جديد ياريت تقولولي اذا كان فيه طريقه اعرف بيها اذا كان سحب العربيه كويس ولا؟

بما انك كنت راكب مانوال هتحس طبعا ان سحب العربيه مش كويس
وفعلا الاوكتافيا انت بتحس فى الطلعه انها تقيله
لكن مع التعود الموضوع ده بتنساه خالص
ووضعيه رجلك على دواسه البنزين يعنى تدوس عليها من اعلى نقطه هتلاقى السحب مختلف
ومن ناحيه خوفك من ان العربيه تكون جايبه شنبر
هو موضوع البيچوهات ده لو لقيت عليهم زيت
هيأكد لك
لكن ما فى حد يعطيك حل امثل لاننا بنرد على كلامك فقط ولا نرى باعيننا
والافضل فعلا
انك تعمل اختبار كبس الموتور
او مركز خدمه يكون ثقه
وان شاء الله الموضوع يكون بسيط

**amrelsaqqa** · 30-11-2012 10:54 PM

الاوكتافيا اتقل بكتير من الالنترا
والمفروض ركوبة الاوروبى حاجة والكورى حاجة

الاوكتافيا عربية راسية وعاقلة وفي نفس الوقت قوية وثابتة وامنة

الكورى بيجرى وخلاص مش شاطر غير في الجري والثبات الضايع والفرامل الضعيفة والامان اللى في البتنجان

**طارق _عبد السلام** · 30-11-2012 11:02 PM

المشاركة الأصلية كتبت بواسطة eng_m.elsidiey

شكرا يا جماعه انا تعبتكوا معاي وانا فعلا هروح اعمل اختبار كبس
بس انا كنت راكب النترا 2008 اوتوماتيك وبصراحه كانت جامده جدا في السحب والجري قبل العربيه دي مش مانيوال ولا حاجه عشان كده انا حاسس بفرق
والأوكتافيا دي بجيب بيها 180 كيلو وال r.p.m على 5000 بس ما بتجيبش اكتر من كده مع القرص
بس يمكن عشان الالنترا 16 صباب ممكن يكون هوا ده الفرق

اعتذر لانى نظرت لمعرفك الشخصى وجدت السياره الاولى لادا
فقلت لك انت كنت راكب مانيوال على هذا الاساس
طبعا الالنتر عربيه خفيفه جدا بالنسبه للاوكتافيا وفعلا هى هبله جرى
ودواسه البنزين مختلفه خالص وخفيفه ولازم تحس بالفرق ده وطبيعى جدا تشعر بفرق فى السحب
وبعدين بتقول جبت 180 والعربيه سحبها ضعيف ازاى بقى على فكره الاوكتافيا بيظهر سحبها وشدها بعد 100 الشد والسحب بيفرق كتير

**inspiron** · 01-12-2012 11:13 PM

متابع حتي أستطيع الرد بالجواب المناسب

**mo3tazanas** · 02-12-2012 08:24 AM

عن خبرة طويلة فى موضوع الزيت دة اللى عاندك فى عربيتك دة طقم شنبر بس لسة فى الاول وكل مدى هيذيد انت لسة فى اولة ومش هتشوف دخنة ولا حاجة من دى لما بتظهر الدخنة انت بتكون وصلت لاسواء الحالات وكل ما تعملة بدرى كل ما يكون افضل