الموضوع: هل تلفزيون led افضل من ال crt فى جوده الصورة؟؟

المشاركة الأصلية كتبت بواسطة mido_soliman

ال led طبعا وانت مغمض بس لازم تعرف حاجة الاول مهمة اوى بخصوص التليفزيونات دى
التليفزيون مش اول ما تجيبة تشغلة وتقول وااااو على طول
لازم حياخد منك وقت وانا على سبيل المثال مثلا علشان بحب الصورة الحلوة فبياخد منى وقت طويل جدا لحد ما اظبط الصورة من اعدادات التليفزيون وبخزنها كمان على الموبيل علشان منسهاش
يعنى الاول لازم حتظبط الاعدادات على حسب مانت عايز ويفضل انك تظبطها على قناة اصلا صورتها حلوة زى ام بى سى او النهار
ودلوقتى على فكرة معظم القنوات صورتها حلوة زى مثلا النهار والسى بى سى و المحور والقاهرة والناس ومودرن معقولة جدا يمكن اضعفهم دريم وطبعا قنوات دبى العادية وام بى سى صورتهم خرافة لوحدهم

تانى حاجة باة الرك على الرسيفر اللى انت حتجيبة
رسيفر سترونج 4930 وادعيلى ولو عايز صور قولى وارفعلك صور لاى قناة انت عايزها

المشاركة الأصلية كتبت بواسطة ayman2

تليفزيون CRT لاينافسه فى جوده الصوره الا البلازما والتقنيه الجديده التى لم تصل مصر بعد او صلت وغاليه جدا المسماه (OLED (Organic LED وعند اختيار LED لابد من اختيار المواصفات المناسبه لجوده الصوره أهمها : وجود ما يسمى True Motion تردد 200mMhz , 100Mhz والأن 600Mhz
2- لابد من توصيل جهاز الريسفير من خلال وصله HDMI حتى لو كانت القنوات عاديه لأن هذا من شأنه تحسين الصوره بنسبه كبيره جدا
3- ضبط اعدادات الشاشه لتحقيق احسن صوره وصوت ممكن وتفعيل خاصيه True motion
4- ضبط اعدادات الريسيفر ليكون ارساله دائما الى الشاشه HD بصرف النظر عن القناه
5- اختيار ماركه محترمه عالميه وخد بالك ان سامسونج هى الأولى على العالم وتكنولوجيا LED هى براءه اختراع لها مش معنى كده انك تشترى سامسونج
وبذلك سوف تستمتع بالصوره بطريقه مرضيه جدا جدا لأن صوره الشاشه LED الكبيره ممتعه جدا حتى وان كانت اقل جوده من CRT وبالتوفيق ان شاء الله

المشاركة الأصلية كتبت بواسطة Ahmed_Adham

فيه 720 في الفئه السابعه و 960 في الفئه الثامنه من سامسونج. بصراحه أنا بشجع سامسونج جدا بعد 3 تليفزيونات LCD وواحد LED جربت أول مره توشيبا وبعد كده بقى كله سامسونج بدون تفكير ويا سلام لو معاه رسيفر هيوماكس وكابل HDMI محترم زي Monster مثلا. تبقى في الجون.

بجد متشكر ليكم جدا على مشاركتنا تجربتكم و بجد استفدت كتير جدا من ردودكم...
انا نزلت شوقت الصورة فى كارفور لنايل سات و معجبتنيش خالص فى حين الصورة بتبقى تحفة لو فيلم hd... , و بما انى بتفرج على النايل سات فللاسف حصرف نظر او حاجل الموضوع شويه علشان قلقنى جامد انى اجيبة و اندم خصوصا انى كنت ناوى اجيب 55 بوصه يعنى مبلغ يزعل جامد لو الصوره طلعت وحشة