الموضوع: عربيات زمان احسن جوده من دلوقتي؟؟

أنا معاك إن عربيات زمان احسن من دلوقتي لأن زمان ما كانوش بيستخسروا حاجة يعني في أجزاء زمان كانت بتتعمل من الحديد و المعدن علشان تبقى HEAVY DUTY بس دلوقتي بتتعمل من خامات ضعيفة زي البلاستيك و الفيبر علشان الوزن يعني لو أجزاء دلوقتي بتتعمل بسخاء زمان هتبق جامدة هتبقى تحالف تكنولوجيا + صلابة و إعتمادية و العربية تعيش معاك ليوم الدين . :):):):)

اكيد في اختلاف عن عربيات زمان ودلوقتي من حيث التقفيل والجوده والاداء

بس لو بصيت دلوقتي هتحس ان في العربيات الجديده في امان شويه عن عربيات زمان

يعني في فرامل abs وفي اوبشن يخلي الببان كلها تسمكر لوحدها وانت سايق والعداد فوق ال 40 كيلو والوسادات المضاده للحوادث والاصتدام وحجات كتير

بس من ناحيه التقفيل والاداء كله زباله طبعا بتاع زمان احلي بكتير
بس في مثل بيقول علي قد لحافك مد رجليك :)
يعني انت دلوقتي ممكن الواحد ب 40000 يركب عربيه جديده موديل 2008 اكيد لازم يدخلو تكنولوجيا البلستك والفيبر علشان يقلل من تمن العربيه

بأستثناء عربيات تانيه فو الربع مليون دي اكيد احلي طبعا من الف عربيه من بتوع زمان زي ال bmw والمرسيدس

وتسلم ايدك ع الموضوع ويارب مكنش تقلت في الكلام :)

كأجمالي
لا طبعا
عربيات دلوقتي أحسن في حاجات كتير عن عربيات زمان
صحيح كل حاجه ولها عيوبها ولكن لا تنسى انك الأن بقت العربيه فيها حاجات كتير مريحاك عن الأول

يعني لو قدامك كورولا موديل 80 زيرو ( وده مستحيل بس افرض يعني ) وكورولا 2008 هتختار 80 ؟

مش ممكن طبعا

العيب الوحيد في الجديد هو " الخامات " ولكنه افضل في كل النواحي الاخرى

فعلا يا استاذ عمرو ... عربيات زمان .. كتقفيل وخامات واستحمال احسن من دلوقتى ... دية الحقيقة

ودة لية سبب ... العربيات القديمة الى احنا بنتكلم عليها .. كانت تعتبر التوب فى اوروبا
زى ال فيات 131 , 132 , البيجو 504 , 505 وكانت بتتقارن بالمرسيدس والبى ام دبليو .... وكانت العربيات اليابانى اقل كتيييييييييييييير فى الجودة والخامات و التصميم ( بصو على الداتسون القديمة ولا الميتسوبيشى ... ولا حتى اليويوتا ... فى العصر دة كانت زيها زى الكورى او الصينى فى عصرنا الحالى .
غير ان العربيات الاوروبى كان سعرها فى متناول كتير من الناس فى الوقت دة ... فكنا بنشترى عربيات ذات جودة وبسعر مناسب لدخلنا .

لكن دلوقتى ... شوف العربيات الاوروبى سعرها كام ؟ اقل عربية اوروبى محترمة .. الفيات لينيا ب 100 الف جنية ..... والفورد فوكاس ( امريكية اوروبية ) بتبدأ من 120 الف جنية .

الفيرنا والانوس والنوبيرا ...وكل العربيات الى تحت ال 100 الف جنية .. طبعا كجودة تعتبر قليلة جدا بالمقارنة بالفيات و البيجو فى اواخر السبعينيات واوائل التمانينات .

عاوز جودة حقيقية وتقفيل ممتاز و شكل عصرى وجذاب = عربية اوروبيه / حساب السعر .. وممكن القوه الحصانية .... الى اساسا معندناش ليها شوارع



وقبل ما حد يزعل من كلامى .......... الاختلاف فى الرأى لا يفسد للود قضية ... وشكراً