الموضوع: مطلوب شركة سياحة للحج والعمرة

و احنا الحمد لله رحنا العام الماضى مع إيجيبشيان نايل تورز و هى ليها فرعين فى أول عباس العقادد مدينة نصر و فى التحرير و الفنادق كانت جنب الحرم فندق دار الإيمان بمكة و فندق موفمبيك فى المدينة المنورة

المشاركة الأصلية كتبت بواسطة أبو صلاح

طيب والوضع بيكون ازاي في وقت الزحمة
والنقل ده في اي وقت ولا اوقات الصلاة بس؟
وايه اخبار الرجوع ؟

النقل شغال على مدار اليوم كله , وبيزيد طبعا في الاوقات اللي قبل الصلاه , وفي الزحمة الموضوع بيطول شوية , والرجوع برضه شغال على مدار اليوم و خصوصا في اوقات الصلاة , وممكن تاخد تليفون سواق منهم تكلمه قبل ماتخرج عشان يجيلك مخصوص خصوصا لو معاك مجموعه

المشاركة الأصلية كتبت بواسطة eagle2009

لو تكرمت عاوز اعرف تقييمك لفندق الشهدا ، علشان جايلى عرض فيه السنة دى ،
مش هو دا الفندق اللى فى شارع اجياد
عاوز اعرف مستواه ايه ، وبعده عن الحرم قد اية ؟ بياخد وقت مشى قد ايه من الفندق لحد ماتوصل الحرم، كام دقيقة مشى ؟
وهل هناك محلات وكافتيريات جنبه ، لانى غالبا بانزل فى ابراهيم الخليل واول مرة انزل فى اجياد
تحياتى

فندق الشهداء هو اللي في شارع اجياد فعلا , فندق خمس نجوم مستواه رائع و نضيف جدا , ممكن تروح الحرم مشي بتاخد حوالي ربع ساعه مشي , وفيه في السكه للحرم محلات وكافتيريات كتير

المشاركة الأصلية كتبت بواسطة م/مصطفى محمود

بلاش تعتمد على النقطة دي ، مش عملية إطلاقا (للفنادق اللى على بعد 400 الى 1000 متر من وجهة نظرى) لأن ببساطة الأمن بيوقف الطريق حول الحرم ساعة الصلاة علشان الناس الكتير ، وكمان كده كده العربيات مبتمشيش بسبب الناس

الاتوبيسات ليها محطة مخصوص في نفق تحت الارض بيمر قدام الحرم و الناس بتطلع منه بسلالم كهربا على بوابات الحرم مباشرة , وده شغال في عز الزحمة عادي ومالوش دعوه بأماكن المصلين

شكرا ليكم والله افادوني

وربنا يكتب اللي فيه الخير

وعقبالنا كلنا يارب