الموضوع: مطلوب شركة سياحة للحج والعمرة

المشاركة الأصلية كتبت بواسطة احمد المصرى

معلش احب اوشح الصوره لحضرتك علشان يكون كل التفاصيل امامك علشان تاخد القرار حسب ظروف حضرتك هو ساكن فى مكه هتقعد عنده ودا شى مفهوش مشاكل ان شاء الله بس فى المدينه والمسافه بين المدينه ومكه حوالى 700 كيلو متر وثانيا علشان تاخد سكن فى المدينه لوحدك هيكون مكلف بالنسبه ليك اكتر من ثمن التوفير ال انت هتوفره .... ثانيا التحرك هيكون صعب بين مكه والمدينه لان جواز السفر بيتم سحبه وبيكون معايا او مع الوكيل ومش بتستلمه تانى غير فى المطار



ثالثا :- ودا حاجه عامه فى شركات السياحه ولا اقصد بيها شخص حضرتك فى حالات السفر بدون سكن بيكون هناك علامات استفهام وغالبا بيكون السبب العمل وليس العمره وعدم الالتزام بالعوده مع الفوج ودا بيسبب خسائر ماديه كبيره لشركه السياحه وقد تصل الى الشطب علشان كدا بناخد وصلات امانه بمبلغ كبير


انا مش اقصد شخص حضرتك اطلاقا بس انا بوضح التعامل العام بتاع شركات السياحه

ألف شكر على الإفادة
بالنسبة لموضوع القلق على شركة السياحة انا عارف طبعا ان الموضوع ده فى خطورة على شركة السياحة.....واللى أعرفه كمان ان ممكن يتسبب فى قفلها تماما.......والصراحة ان فى واحد صاحبى متفق معايا انه يدينى التأشيرة بتذكرة الطيران وهو طبعا واثق فى رجوعى لأنه معايا فى الشغل وعارفنى كويس......وطبعا حضرتك ما تعرفنيش ....فى ليك كل العذر عن أى حاجة تعملها
هو لغاية دلوقتى ماقاليش هتتكلف كام
فا بحكم خبرة حضرتك فى المجال ده.......تفتكر التأشيرة بتذكرة السفر تتكلف كام لفردين ؟؟؟
ويبقى كدة حضرتك قمت بالواجب وزيادة
وشكرا للاهتمام