مكنة الماروتى حاسسها خشنة

**mohamed_mesho3** · 01-12-2012 12:53 AM

السلام عليكم يا شباب انا جايب من شهرين ماروتى 2009 عاملة 25000 كيلو دلواقتى ,, حاسس ان المكنة بتاعت العربية خشنة مش مرتاح ل نحرة العربية ,, مع ان الشكمان عندى بيجيب مية و الماتور بيعرق .. مش عارف دى حلها ايه ؟؟
و استشارة كمان طقم الكهربا بتاع العربية متغير عند 15000 كيلو يعنى عمل دلواقتى 10000 كيلو , العربية مش بتنتش يمكن نتشة واحدة بسيطة فى مشوارى فى اليوم كله علما بانى بمشى بيها مش اقل من 50 كيلو فى اليوم , فهل اغيره وقاية و لا اسيبه طالما الكهربا مظبوطة ؟؟؟

**ahma8** · 01-12-2012 11:52 AM

متابع

**ahma8** · 01-12-2012 12:01 PM

متابع

**Amr Axel** · 01-12-2012 12:16 PM

ممكن توضيح خشنة ازاي ؟؟ و تقصد الموتور بيعرق زيت و لا مية ؟؟
و الزيت المستخدم ايه ؟

مكنش المفروض طقم الكهربا الفبريكة يتغير عند 15 الف طالما العربية مفيهاش مشاكل هي البوجيهات و الابلاتين بس اللي يتيغيروا اما باقي عمره الافتراضي طويل

بخصوص النتشة امتي بتحصل بالظبط ؟؟

**alking_2006** · 02-12-2012 10:22 AM

يا ريت تجرب زيت شل الاصفر هيفرق كتير فى صوت الموتور

**Amr Axel** · 02-12-2012 02:38 PM

المشاركة الأصلية كتبت بواسطة mohamed_mesho3

خشنة يعنى حاسس بنحرة ,, الصوت بتاع المكنة خشن
الماتور بيعرق مية من الشكمان مش زيت
الزيت اللى انا بحطه فيسكو و بقاله 2500 كيلو قبل كده كانت صاحبتها بتحط لكوى مولى و موبيل
اللى اتغير عند 15000 الابلتين و الكوندنسر و البوجيهات ( و على حد علمى هو دا طقم الكهربا

)
انا بسال اغير بوجيهات و لا ايه
النتشة بتحصل مرة واحدة بس فى اليوم عند نقلة التانى او التالت وسط النقلات يعنى

طب جرب التغييرة الجاية شل الاصفر اللزوجة المناسبة للموتور تقريبا 20w50

بخصوص طقم الكهربا هو موبينة - اسبراتير - كوندينسر - ابلاتين - اسلاك بوجيهات - بوجيهات
فالمفروض متغيرش حاجة الا لو حسيت بحاجة منهم الا البوجيهات و الابلاتين بشكل دوري و البوجيهات اكتر من الابلاتين لكن الباقي لو حسيت بحاجة فيهم لسبب بسيط اغلب الحاجة اللي موجودة اي كلام مش زي الفبريكة و الفبريكة عمرها اطول و احيانا ممكن تجيب حاجة متكونش شغالة او بايظة فعشان كده بنقول بلاش نغير الا لو فعلا محتاج يتغير اما البوجهيات ديه كبيرها 20 الف

بخصوص النتشة ممكن كهربا العربية عايزة تتظبط بس

**dr.hazem** · 02-12-2012 10:00 PM

حضرتك بتحط فيسكو 2000 ولا فيسكو 3000؟؟
وغيرت فلتر الزيت قبله؟

تحياتي

Sent from my SE Arc S using Forum Runner

**dr.hazem** · 03-12-2012 12:49 PM

المشاركة الأصلية كتبت بواسطة mohamed_mesho3

فيسكو غالبا 2000 اللى هو بيقعد من 7 : 10 الاف كيلو
ان شاء الله التغيرة الجايية هجرب الشل الاصفر يمكن يريح المكنة
و موضوع الشكمان بيجيب مية دا حاجة كويسة صح ؟

:-D
تفرق كتير فيسكو 2000 من فيسكو 3000...
ايا كان نقط الميه من الشكمان دليل على أن خليط الهوا والبنزين مظبوط مش اكتر
اما لو الميه كتير وفنفس الوقت مية العربية بتنقص ممكن يبقى جوان وش السلندر :-D
... تحياتي

Sent from my SE Arc S using Forum Runner