ليه التكييف بيأثر علي آداء العربية ؟

**Santino** · 24-06-2007 02:58 PM

يعني الموتور اللي بيحرك طن و شويه يتقل من الكومبرسور الصغير ده ؟؟!!
إيه تحديداً الحمل اللي بيتقّل الموتور ؟؟
و شكراً

**ahmed1981** · 24-06-2007 03:31 PM

الكباس أو الكمبريسور يتم إدارته بواسطة سير من الماتور وبالتالي يسحب جـزء من قدرة الماتور
في حالة تشغيل المكيف الكـــــــمبريسور بيلقط وحركته تتقل
يعني لو إفترضنا إنك هتجربه بإيدك هتلاقيه تقيل في الدوران
شيء طبيعي إنه يأثر على أداء مــــــــــــــــــــوتور السيارة
لأنه حمل زيادة زاد على الموتور وتختلــف نسبة التأثير من سيارة لأخرى
وده ليه علاقة بحجم موتور السيارة ووزن السيارة ونوع كمبريسور المكيف
فلو سيارة 1300 cc ووزنها ثقيل زي الجولف هتحس أن المكيف خانئها
لو سيارة 1600 cc وخفيفة نوعا ما زي الكـرولا ممكن متحـسش بتأثيره
لو سيارة 2500 cc بس وزنها تقيل جداً حتحــــــــس بتأثــيره جامد جداً
وهكذا

**Santino** · 24-06-2007 04:04 PM

يعني هي مسألة حمل حركة بس ؟ أصل و أنا بأدور علي النت , قريت إنه السبب إن التكييف بيسحب كهرباء من حاجة في العربية (بس أنا مش فاكر إسمها إيه) , ف بيضعف شرارة البوجيهات و ده اللي بيأثر علي سحب العربية , الكلام ده صح و للا غلط ؟

**ahmed1981** · 24-06-2007 04:11 PM

قريت إنه السبب إن التكييف بيسحب كهرباء من حاجة في العربية (بس أنا مش فاكر إسمها إيه) , ف بيضعف شرارة البوجيهات و ده اللي بيأثر علي سحب العربية , الكلام ده صح و للا غلط ؟

كلام غلط طبعاً
التكييف بيسحب كهربا عشان مروحة المكيف فقط وده بيسحب من الدنامو والدنامو بيكون مصمم يعطي الكهربا ده
حكاية إنه يضعف شرارة البوجيهات كلام فارغ جداااااااااااااااااااااا

**OsKaR** · 25-06-2007 05:37 AM

كلام مضبوط

كلام غلط طبعاً
التكييف بيسحب كهربا عشان مروحة المكيف فقط وده بيسحب من الدنامو والدنامو بيكون مصمم يعطي الكهربا ده
حكاية إنه يضعف شرارة البوجيهات كلام فارغ جداااااااااااااااااااااا

**fahd_628** · 25-06-2007 05:57 AM

يعني الموتور اللي بيحرك طن و شويه

على فكرة الموتور مش بيحرك طن و شوية على مرة واحدة متنساش انو فية جير بوكس و تروس علشان لو انت جبت على الخامس الى ممكن يبقى ال gear ratio حوالى 1:1 العربية مش حتطلع

و مش حقدر ازود حاجة على كلام الأخ ahmed1981

و شكرا

**Santino** · 25-06-2007 07:56 AM

شكراً يا جماعة , أصل أنا كان نفسي أعرف السبب و كل ما كنت بسأل حد ماكنتش باخد إجابة واضحة , نظام أسأل واحد : ليه التكييف بيتقّل العربية , يجاوب : علشان التكييف بيتقل العربية :mrgreen:
و بعدين واحد قالي حكاية الكهرباء و شرارة البوجيهات فقلت أتأكد منكم أحسن .

26-06-2007 04:15 PM

هو موضوع الكهرباء انا معاكم فيه بس انا اعرف ان لو حد ركب بوجيهات 2 شمعة او اكثر (اربعة مثلا) ده بيساعد علي تقليل تاثير التكييف علي العربية لانة بيحسن من كفائة حرق الوقود في المحرك وبالتالي رفع كفائتة وده نظريا يصح بس فيه حد جرب الموضوع ده ؟؟؟؟؟؟؟؟

**mohamed yousry** · 27-06-2007 02:02 AM

هو موضوع الكهرباء انا معاكم فيه بس انا اعرف ان لو حد ركب بوجيهات 2 شمعة او اكثر (اربعة مثلا) ده بيساعد علي تقليل تاثير التكييف علي العربية لانة بيحسن من كفائة حرق الوقود في المحرك وبالتالي رفع كفائتة وده نظريا يصح بس فيه حد جرب الموضوع ده ؟؟؟؟؟؟؟؟

هذا الكلام مش مظبوط مع احترامى ليك والتكيف مبيخدش من كهربة العربية... دى مجرد المروحة ولو شغلت المروحة من غير تكييف لن يحدث اى تأثير على العربية.............. اما عن البوجيهات ال3 شمعة هى بس عمرها اطول من الواحد شمعة لكن ليست اقوى... لأن فى الاخر اقوى شمعة من ال3 هى اللى بتشتغل وليس كلهم معا.....