الموضوع: اخوكم فى حيرة اوكتافيا فانتازيا ولا اوبل استرا سيدان 2013

اوبل استرا طبعا - يكفى esp مع فتيس 6 سرعات مش معقد مع 115 حصان من موتور بكامتين و 16 صباب - مشكلة موتور اوكتافيا انه تكنولوجيا قديمة اوووووووووووووى - كامة واحدة مع 8 صباب

المشاركة الأصلية كتبت بواسطة dede_dodo88

السرعة القصوى في بروشور الهاتشباك كانت 182!!
الفتيس أوتوماتيك ستيبترونيك..

راجع النهاردة من الشغل بعد يوم فحييييت و سايب العربية مركونة في البيت وأسمع أن واحدة بتتعلم لسة سواقة جديد يظهر دخلتلي في العربية :s
دمي محروق الصراحة.. مش عارف أعمل أيه!!.. الراجل أبوها عرض يصلح و بتاع و أنا مش عارف أقبل عوض وللا لأ خصوصاً أنهم جيران..
مش أول مرة تحصلي و واحدة برضه كسرتلي الفانوس و العربية في الجراج و رفضت وقتها أخد حاجة و غيرت الفانوس على حسابي!!..

يا باشا الف لا بأس انتى زعاتنى جداااا على موضوع خبطه العربيه دى ودمى اتحرق وفعلا حسبى الله ونعم الوكيل
ابقى طمنى يا باشا ايه اللى حصل فى العربيه وهتعمل ايه وبعدين نبقى نكمل كلامنا

المشاركة الأصلية كتبت بواسطة mohammedrefaat

[justify] [/justify][justify][/justify][justify]
سيدى الفاضل انا اعتقد ن عربيتك كان فيها مشكله علشان كده جابت 190 بالعافيه انا بس هاقلك انا معايا a4 موديل 2003 و بصراحه انا و انا مسافر على الطريق الصحراوى الشرقي( الكريمات ) مش بمشى اقل من 200 كم/ساعه و فى مره عديت الـ 200 بشرطتين على العداد و عادى جدا
على فكره سعادتك انا عامل موضوع بنفس الاسم تقريبا بتاع حضرتك و لغاية دلوقت مش عارف ارسى على بر بين الاتنين
[/justify]

الباشا اللى محتار زي حلاتى قوللى بقا يا باشا هنختار ايييييييييييييييييه

المشاركة الأصلية كتبت بواسطة tamerking

الباشا اللى محتار زي حلاتى قوللى بقا يا باشا هنختار ايييييييييييييييييه

المشكله ان احنا محتارين بين عربيتين كل واحدة احسن من التانيه و كل واحده فيها حاجات مش فى التانيه
انا نزلت اتفرجت على الاسترا فى التوكيل يوم الثلاثاء اللى فات بصراحه العربيه حدوته
و ان شاء الله هاتفرج على الفانتازيا اخر الاسبوع ده و ربنا يسهل
بس هو بصراحه انا اتصلت بالمبيعات فى ارتوك اوتو و الراجل بصراحه صدمنى قاللى ان مافيش فانتازيا هاتنزل تانى بعد الشحنه اللى هاتيجى فى شهر 12 و قاللى ان فيه موديلين جداد هاينزلوا واحد فى نص السنه اللى هو الرابيد ( وده هو قاللى انه تعديل للـ a4 ) و فيه موديل هاينزل اخر السنه و هايبقى a 7 و قاللى ان الاتنين هايبقى الموتور فيهم TSI turbo الرابيد هاتبقى 1400 cc و الفتيس هايبقى dsg و قاللى ان الوكيل بيحاول ان العربيه ماتنزلش بالفتيس ده او يتعمله تعديل و هاتنزل كمان مانيوال عادى
و النوع التانى a7 هاتبقى برضو موتور TSI و بنزين 95 و قاللى هايحاولو يعملولها تعديل علشان تقبل بنزين 92 و بصراحه قاللى اشترى الفانتازيا الموجوده دلوقت و انا الكسبان
اتصلت من ساعتين بمعرض سمير ريان و كلمت واحد هناك اسمه استاذ ايمن قاللى الفانتازيا حاليا مش موجوده فى السوق و خصوصا الفئة التانيه ( sport) و الاليجانس وقلتله ك الكلام اللى قالهولى مسئول البيع فى التوكيل قاللى هو مايعرفش حاجه عن الكلام ده و قاللى حتى لو حصل كده العربه بقيت منتشره وواخده شعبيه جامده و الوكيل عمره ماهيسيب حد ينزلها قطعه غيار الا من خلاله علشان يكسب من وراها اكبر مكسب
و سالته ايهم افضل الاسترا ولا الفانتازيا ايهم اوسع من جوه
الراجل الصراحه قاللى ان الاوبل لا يعلى عليه بل افضل من الفانتازيا بس قطع غياره مولعه و اسعار الوكيل نار يا حبيبى نار
اما الفانتازيا فهى غاليه اى نعم الا انها ارخص من الاوبل و الوكيل بتاعها ارخص و افضل فى المعامله من منصور
و قاللى ان الاوبل ماحدش بيرضى يشتريه مستعمل و انى هاتعب فى بيعه بعد كده حتى ولو بعد 7 او 8 سنين اما الفانتازيا فهى ماسكه سعر كويس غير انه لو نزل الفتيس ال dsg اسعاره هاتمسك فى العالى زى التويوتا الجمل كده
و قاللى ان الفانتازيا اوسع بكتير من جوه عن الاسترا و لما سالته عن الفرق بين الفئتين الولى و التانيه فى الفانتازيا قالى الحساسات و رشاشات الفوانيس و الجنوط و الفوانيس زينون

انت بقى ايه رايك يا بطل ؟؟؟

المشاركة الأصلية كتبت بواسطة mohammedrefaat

انت بقى ايه رايك يا بطل ؟؟؟

انتى كده حيرتنى زياده يا باشا والله العظيم انا ما عارف اعمل ايه اشترى الاسترا لانها مطورة اكثر وكماليات اكثر ولا اشترى الفانتازيا لانها فرصة وهتروح