بالله عليكم انا محتار جدا ما بين اسكودا اوكتافيا فانتازيا 2013 و اوبل استرا سيدان 2013 وأى لون افضل فى اى من السيارتان وانا واثق انى هلاقى اجابة ورأى صائب مابين الساده المحترمين فى ذلك المنتدى ومشكورين مقدما على النصيحه
بالله عليكم انا محتار جدا ما بين اسكودا اوكتافيا فانتازيا 2013 و اوبل استرا سيدان 2013 وأى لون افضل فى اى من السيارتان وانا واثق انى هلاقى اجابة ورأى صائب مابين الساده المحترمين فى ذلك المنتدى ومشكورين مقدما على النصيحه
فينكم يا شبااااااااااااااااااااااا ااب
سكودا فانتازيا 2013ولا اوبل استرا سيدان 2013
و هتلاقي مواضيع تانية غيره بتتكلم عن العربيتين..
يا باشا انا شاكر جدا لاهتمامك بس انا قصدت اعمل موضوع تانى علشان اعمل فيه استطلاع ويقدر كل الى يخش على الموضوع يسجل رأيه او يعطى تصويت سريع وهنا هيكون فيه استفاده واضحه اكثر من نسبه التصويت لكلا السيارتان ليا ولغيرى0
واخيرا بما انك معاك استرا ومش فارق طبعا الهاتش باك فأنا طمعان انك تدينى لمحه مفسره عنها من حيث الاداء والعفشه والفتيس والتكيف والثبات والصيانه
واسف للاطاله ومشكووووووووووووووور مقدماااااااااااااااا
العربية في المجمل ممتازة.. لكن لو أنت غاوي شد و حرق فالعربية مش هتساعدك.. و هو ده يمكن عيبها الوحيد..
بس still تقدر تجري بالعربية عادي جداً و سواقتها على سرعات عالية ممتعة.. أنا جبت بيها مرة 210 و كان ممكن أزود.. بس عموماً أنا مبعديش الـ120 كتير عشان مش بمشي في طرق تسمحلى بكده.. حتى لما جبت الـ210 فالتحكم في العربية كان كأني على 40 مثلاً.. فالثبات ممتاز جداً طبعاً و التحكم في العربية سلس و دقيق..
العفشة تعتبر ناعمة بنسبة كبيرة, التكييف بيبرد كويس حتى على أول سرعة..
الفتيس ناعم و نقلاته غير محسوسة.. في الأول كان بيبقى في شوية تردد في النقلات.. بس دلوقتي الموضوع ده مش موجود نهائي..
بصراحة أنا بستمتع و أنا راكب العربية دي, و أوقات كتيرة لما بكون خارج و راجع البيت باخدلي لفة كمان كده في الشارع عشان أقعد في العربية وقت أطول..
العربيتين كويسين جدا و اللى تركب فيها و ترتاح اكتر هاتها . مع ملاحظه ان الاوكتافيا متجربه و قطع غيارها متوفره اكتر و بسعر ارخص . بالنسبه للون لو جيبت الاسترا هات ال silver lake اللون ده ممتاز جدا عليها و مميز . فى الاوكتافيا اسمع نصيحه مجرب و ابعد عن الغوامق خاصة الاسود خليك فى السماوى او الفضى و لو لقيت الابيض يبقى ممتاز :)) بالتوفيق
يا باشا اولا انا شاكر جدا لزوقك واهتمامك بالرد
وثانيا ما شاء الله هى الاسترا بتجيب سرعه 210 ده انا اكبر سرعه جبتها بالفانتازيا قبل ما ابعها لظروف كانت 190 بالعافيه وده بجد كان اخرهااااااااااااااا
وثالثا هو موتور الاسترا سيدان مش زى الاسترا هاتش باك اللى معاك ولا ايه لان الوكيل منزل فى البروشور ان اقصى سرعه ليها تقريبا 193 كم والناس شككت ان دى ارقام المانيوال كمان مش الاوتوماتيك فطمنى على النقطه دى ارجوك لانى غاوى سرعه فى السفر جداااااااااا
رابعا هو الفتيس فى الاسترا اوتوماتيك عادى ولا ستيبترونيك بمعنى انه اوتوماتيك ومانيوال زى فتيس الفانتازيا ولا لاء
واسف على الاطاله ولاكن ده من عشمى
السرعة القصوى في بروشور الهاتشباك كانت 182!!
الفتيس أوتوماتيك ستيبترونيك..
راجع النهاردة من الشغل بعد يوم فحييييت و سايب العربية مركونة في البيت وأسمع أن واحدة بتتعلم لسة سواقة جديد يظهر دخلتلي في العربية :s
دمي محروق الصراحة.. مش عارف أعمل أيه!!.. الراجل أبوها عرض يصلح و بتاع و أنا مش عارف أقبل عوض وللا لأ خصوصاً أنهم جيران..
مش أول مرة تحصلي و واحدة برضه كسرتلي الفانوس و العربية في الجراج و رفضت وقتها أخد حاجة و غيرت الفانوس على حسابي!!..
[justify]
سيدى الفاضل انا اعتقد ن عربيتك كان فيها مشكله علشان كده جابت 190 بالعافيه انا بس هاقلك انا معايا a4 موديل 2003 و بصراحه انا و انا مسافر على الطريق الصحراوى الشرقي( الكريمات ) مش بمشى اقل من 200 كم/ساعه و فى مره عديت الـ 200 بشرطتين على العداد و عادى جدا
على فكره سعادتك انا عامل موضوع بنفس الاسم تقريبا بتاع حضرتك و لغاية دلوقت مش عارف ارسى على بر بين الاتنين
[/justify]
اوبل استرا طبعا - يكفى esp مع فتيس 6 سرعات مش معقد مع 115 حصان من موتور بكامتين و 16 صباب - مشكلة موتور اوكتافيا انه تكنولوجيا قديمة اوووووووووووووى - كامة واحدة مع 8 صباب
مش فرق كبير 190 عن 200.. ممكن بتفرق مع حالة العربية وقتها.. يعني في مرة تانية كان ممكن يجيب الـ200..
و مش لازم يكون عنده مشكلة في العربية.. أحتمال بس أن العربية مش متعودة تجيب سرعات عالية فمش متفتحة..
و في واحد أعرفه معاه فانتازيا جاب بيها 200 قبل كده..
انا بقى كنت فى حيرتك اجيب استرا زيرو ولا فانتازيا مستعمل
رأى الشخصى
جبت الفانتازيا مستعمل وفضلتها على الاسترا زيرو
اعمل ايه بعشق الاوكتافيا
وانت الراى الاول والاخير لك
المشكله ان احنا محتارين بين عربيتين كل واحدة احسن من التانيه و كل واحده فيها حاجات مش فى التانيه
انا نزلت اتفرجت على الاسترا فى التوكيل يوم الثلاثاء اللى فات بصراحه العربيه حدوته
و ان شاء الله هاتفرج على الفانتازيا اخر الاسبوع ده و ربنا يسهل
بس هو بصراحه انا اتصلت بالمبيعات فى ارتوك اوتو و الراجل بصراحه صدمنى قاللى ان مافيش فانتازيا هاتنزل تانى بعد الشحنه اللى هاتيجى فى شهر 12 و قاللى ان فيه موديلين جداد هاينزلوا واحد فى نص السنه اللى هو الرابيد ( وده هو قاللى انه تعديل للـ a4 ) و فيه موديل هاينزل اخر السنه و هايبقى a 7 و قاللى ان الاتنين هايبقى الموتور فيهم TSI turbo الرابيد هاتبقى 1400 cc و الفتيس هايبقى dsg و قاللى ان الوكيل بيحاول ان العربيه ماتنزلش بالفتيس ده او يتعمله تعديل و هاتنزل كمان مانيوال عادى
و النوع التانى a7 هاتبقى برضو موتور TSI و بنزين 95 و قاللى هايحاولو يعملولها تعديل علشان تقبل بنزين 92 و بصراحه قاللى اشترى الفانتازيا الموجوده دلوقت و انا الكسبان
اتصلت من ساعتين بمعرض سمير ريان و كلمت واحد هناك اسمه استاذ ايمن قاللى الفانتازيا حاليا مش موجوده فى السوق و خصوصا الفئة التانيه ( sport) و الاليجانس وقلتله ك الكلام اللى قالهولى مسئول البيع فى التوكيل قاللى هو مايعرفش حاجه عن الكلام ده و قاللى حتى لو حصل كده العربه بقيت منتشره وواخده شعبيه جامده و الوكيل عمره ماهيسيب حد ينزلها قطعه غيار الا من خلاله علشان يكسب من وراها اكبر مكسب
و سالته ايهم افضل الاسترا ولا الفانتازيا ايهم اوسع من جوه
الراجل الصراحه قاللى ان الاوبل لا يعلى عليه بل افضل من الفانتازيا بس قطع غياره مولعه و اسعار الوكيل نار يا حبيبى نار
اما الفانتازيا فهى غاليه اى نعم الا انها ارخص من الاوبل و الوكيل بتاعها ارخص و افضل فى المعامله من منصور
و قاللى ان الاوبل ماحدش بيرضى يشتريه مستعمل و انى هاتعب فى بيعه بعد كده حتى ولو بعد 7 او 8 سنين اما الفانتازيا فهى ماسكه سعر كويس غير انه لو نزل الفتيس ال dsg اسعاره هاتمسك فى العالى زى التويوتا الجمل كده
و قاللى ان الفانتازيا اوسع بكتير من جوه عن الاسترا و لما سالته عن الفرق بين الفئتين الولى و التانيه فى الفانتازيا قالى الحساسات و رشاشات الفوانيس و الجنوط و الفوانيس زينون
انت بقى ايه رايك يا بطل ؟؟؟
متابع
والله يا باشا انا محتار زيك بالظبط و خايف لانى برضو بصراحه هاحط تحويشه عمرى فى العربيه بس انا بصراحه شوفت الاسترا و اتفرجت عليها و امكانيتها اعلى من الفانتازيا بس مش عارف ليه انا ارتحت للفانتازيا اكتر يمكن علشان منتشره اكتر و سمعت وكيلها افضل من الاوبل يمكن كمان لما الاوبل بيبقى فيها مشكله بتلاقى الوكيل باعك فى اول دوران بس مش عارف انا ارتحت للفانتازيا اكتر رغن علمى ان الاسترا امكانيتها اعلى و احدث سواء موتور او كماليات و اى حاجاه تانى ماعدا انها مافيهاش بلوتوث كار كيت و مافيش فيها كمان جى بى اس ولا حتى فى اعلى فئه فئة بس حاجات هبله يعنى و ارخص كتييييييييييييير من الفانتازيا انت بتتكلم تقريبا فى فرق حوالى 20 الف جنيه من 155 اول فئه للاوبل لـ 174 اول فئه للفانتازيا و 168 للفئه التانيه فى الاوبل لـ191 الفئه التانيه فى الفانتازيا يعنى احنا اولى بالفرق ده و فيه كمان نقطه انا محتار و مش عارف افسرها حجز الفئه الاولى اللى هى الانجوى 45 يوم و الفئه التانيه و التالته اللى هى الكوزمو و الكوزمو تيربو وصل 75 يوم فهلا ده لان الطلب على العربيه كتييييير ولا اللوكيل بيلعب بدماغ الناس و العربيه برضو هاتبقى عامله زى قبل كده و مش منتشره
انا كل ماتكلم فى الموضوع ببقى عايز اروح اجيب هوندا سيفيك 2009 ولا 2010 مستعمل بس تكون هاى لاين و اخلينى فى الاوكتافيا a4 اللى معايا ولا اجيب لانسر فى اللذيذ و زى الفل بس اعمل ايه ماليش فى اليابانى ولا الكورى
حيرتونى معاكم والله .. انا كمان بقارن بين الاتنين اليومين دول ومش عارف اعمل اية ... الاوبل هتطلع من عينى وعاجبة الناس كلها بس كلة بيشتم فى توكيل منصور وبيقولولى هتخسر فى بيعها جدا .. وفى نفس الوقت الاوكتافيا حاسس انها بقت مع كل الناس حتى المعلمين وتكنولوجيا فيها قديمة اوى وسعرها كتير عليها حبتين .. مش عارف اخاطر واجيب الاوبل وخلاص ومش لازم افكر بقى فى اعادة البيع وكدة ولا اجيب تويوتا ولا لانسر وخلاص عشان ابقى كدة بفكر زى المصريين :d مش عارف !!!حد يفيدنا يا جماعة
أنا هقول حاجة...
طالما المقارنة بين عربيتين قريبين من بعض في كل شيئ (فهتبقى المقارنة صعبة)
ودي مشكلة المنتديات ( أيوة مشكلة المنتديات) يعني لما الواحد يشوف اراء الناس في كل عربية ويعرف عيوب دي ومميزات دي (المفروض إنه يستقر) لا بالعكس هو كده بيحتار أكتر وأكتر (وده طبيعي لأن كلنا بنحب نركب عربية فخمة وسعرها حلو وقطع غيارها سعرها معقول ومتوافرة وكمان سعر إعادة البيع حلو)
وأنا من وجهة نظري المتواضعة إن الشخص اللي هيشتري هو أنسب واحد يقدر يحكم هيشتري إيه.
مثال بسيط: لو مثلاً واحد عايز يشتري مرسيدس E أو BMW 5 series (أتحدى إنه لو قعد يعمل مقارنات للصبح إنه هيقدر يستقر على حاجة) إنما هو لو ركز شوية في شخصيته ومتطلباته هيعرف يختار بمنتهى السهولة (يعني تحب فخامة رسمية كلاسيكية، ولا فخامة رياضية حيوية)
نيجي بقى للموضوع بتاعنا:
طبعاً احنا بنتكلم في الفئة السعرية (150000 حتى 200000)
دي من فترة بسيطة كان الاختيار سهل (على طول أوكتافيا أو جيتا)
طبعاً أنا بتكلم على عربية عائلية (يعني واحد متجوز وعنده أسرة وعايز يعيش حياته)
طبعاً موجود حاجات كتير تحفة زي السيفيك والفوكس، وكمان في البرافو والجولف
طبعاً الجيتا طلعت برة المنافسة شوية بسبب موضوع الفتيس ونوع البنزين، وطبعاً كان الاختيار بين الاتنين سهل جداً (الأوكتافيا فخامة برسمية وكلاسيكية، والجيتا فخامة بحيوية وشكل رياضي)
دلوقتي بقى من وجهة نظري المتواضعة (سيارة عائلية وتستطيع التعامل مع طبيعة الطرق المصرية وكمان فيها فخامة ملحوظة) طبعاً هفكر في الأوكتافيا أو الأسترا (أنا من رأي المتواضع إني لو بحب أركب مرسيدس هروح على طول على الأوكتافيا، وعلى الأسترا لو بحب بي إم، طبعاً رأيي صواب يحتمل الخطأ، أو خطأ يحتمل الصواب)
ويا رب أكون قربت الصورة شوية
وعلى فكرة دي تجربة ذاتية (لأني بإذن الله هدخل في الاختيار عن قريب)
وفي النهاية.....
ربنا معاك في اختيارك...
وربنا معاكي يا بلدي
كل الافكار الى قريتها دى على راسى من فوق بس للاسف انا لسه محتار جداااااااااااااااااا
أنا من النوع اللى بحب أركب علشان أركب ... مش أركب علشان أبيع
لو إنت زيى يبقى عليك وعلى الإسترا ... أنا بصراحة مش حابب الإسكودا نهائى .. مع إن شكل الإسترا مبهرنيش أول ماشوفتها ... بس فى المجمل عربية ماتتسبش بصراحة
لو بنتكلم على الكوزمو يبقى بنتكلم على عربية ب 168 ألف فيها
1- esp , Abs
2- حساسات ركن ومحدد ومثبت سرعة
3- أربعة أيرباج مش اتنين
4- نواكل خارجية
5- عفشة ممتازة وناعمة
6- تكييف ديوال زون
7- مرايات ضم
8- جنوط 17 ( 17/205/50 ) يعنى مش هاتعمل بلالين زى جنوط الكيا
9- طارة مالتى
10- 115 حصان ( حلوين برده )
11- بنزين 92
12- شاشة بيانات جرافيك
13- فى المجمل تابلوه شيك أوى
14- عربية ألمانى
15- عربية جديدة وشكل جديد أودامها سنتين تلاته عقبال ماتنتشر
عايز أيه تانى ياجدع ... توكل على الله ... إشتريها بقى وخلصنا علشان تجربها وتعملنا بيها تقرير وتقولنا رأيك فيها أيه
وأنا شايف إن اللون الموكا هايبقى جامد وجديد فى الإسترا .. أنا ماشوفتوش بس أعتقد إنه اللون اللى فى التوقيع بتاعى تحت
شاكر جداااا لجميع الساده الاعضاء على المرور والاهتمام بالرد
ومتابع باهتماااااااااااااااااااا ااااام
الووووووووووووه
هيا الناس راحت فين
المقارنة دي بين ال octavia أول فئة وال astra تاني فئة
التصميم الخارجي : الاسترا شكل اجدد
الأوكتافيا خلاص الشكل الجديد نازل في معرض جنيف في شهر 3 اللي جاي
التصميم الداخلي : دي أذواق
منظومة الدفع : موتور الاسترا أقوى من موتور الأوكتافيا بـ 13 حصان
الإتنين الفتيس تيبترونيك 6 سرعات
سعر : ده في صالح الاسترا بفارق 8 الف
الإنتشار : ده في صالح الأوكتافيا
التوكيل : الحقيقة مقدرش افيدك لأني متعملتش مع ارتوك اوتو ولا منصور
عوامل الأمان : الاسترا أعلى عشان فيها ESP و 2 airbags زيادة
الأداء : الإتنين مش بتوع جري خالص
بس فيه فرق بسيط لصالح الاسترا
العفشة : تتفوق الأوكتافيا لانها multi link
بس الاسترا كويسة برضه لانها watts link
الكماليات :
تتفوق ال astra بـ
أنوار نهارية
حساسات ضوء و مطر
فرملة يد كهربة
حساسات ركن خلفية
مصباح داخلي في الباب
فرش جلد على قماش
جنط 17
aux و usb
طارة جلد
مقابض و حليات نيكل
مسند يد
نظام مساعدة في الطرق الصاعدة
و تتفوق octavia في
مساحات خلفية
إشارات بالمرايات
فوجات خلفية
حجم الشنطة 528 مقابل 460 للاسترا
استهلاك الوقود : المتوسط في ال octavia = 7.8
ال astra = 6.6
انا اعتقد ان اوبل استرا احسن عربيه في السوق المصرى حتى الان مقارنتا بسعرها واماكانيتها
لكن سؤال هل فئة الانجوي - جنوط سبور ولا جنوط عادية
و في ملاحظه على شكل الفوانيس الاماميه والخلفية لا سترا سيدان الجديده
اعتقد انها تشبه بريليانس FSV لحد كبير
ودي حاجه تضايق شوية
http://im15.gulfup.com/jb6Z2.jpg
http://im18.gulfup.com/6Cv32.jpg
http://im25.gulfup.com/w1M22.jpg
[url=http://www.gulfup.com/?7bfGMl]http://im30.gulfup.com/LfMK2.jpg[/url
هي شبه ال mazda 3 من ورا برضه
http://www.automobilebox.com/wp-cont.../mazda/3_3.jpg
انا عايزه اشكركم كلكم على معلوماتكم الي بجد افديتني جدا طبعا انا من الماس الي نفسي في الاسترا بس الصراحه كنت بشجع علي اني اجيب الاوكتافيا و الصراحه رحت شفت الاسترا في المعرض يمكن الي دايقنيً فيها ان الصاج ضعيف جدا يمكن بس بدوس عليه براحه بيتني علاطول بس هيه امكانيتها كويسه و طبعا شكلها عاجبني جدا و كمان اللوكتافيا منتشره جدا و فعلا مش ححس اني ركبت حاجه جديده فا ان شاء الله نويت احجز الاسترا اخر الشهر و المفروض ان استلام الفئه الكوزمو بعد شهرين و نص يا رب بقه تبقه قبل كده
استر سيدان من غير تفكير عشان شكلها الرئع والجديد انما الاكتيفيا عتيقه الشكل وهو دا عيبها الوحيد
احب اوضح لحضرتك حاجة الأسترا انا شفتها في المعرض هايلة لكن حجمها صغير مقارنة بالفانتازيا ، فيه شكل جديد للفانتازيا نازل على نص السنة دي وهمي مالوش حل ، العربية نزلت في اوروبا خلاص بس مش عارفين هتنزل مصر بكام ومواصفاتها ايه بس من شكلها ما اعتقدش ان اول فئة هتقل عن 210 - 220 خصوصا ان اول فئة في الشكل القديم دلوقتي :)
The new ŠKODA Octavia - Entry - ŠKODA
اول فئة بي 198 الف وعلى فكرة انا في نفس حيرتك مش عارف اركب ايه
علشان موضوع اعادة البيع ارشحلك الفانتازيا