الموضوع: مشاكل كتير ومش عارف اروح فين ؟

السلام عليكم

بخصوص موضوع خراطيم البنزين فحضرتك لو نزلت تحت العربية مش هتشوف غير خرطوم واحد اللي بيغذي المحرك بالبنزين و ده نازل تحت العربية عشان يعدي علي الفلتر و بعدين يستكمل مسيرته مع زملائه في مكان مخفي في جسم العربية

حضرتك لو عايز تعرف ايه خراطيم البنزين اللي ماشيه في العربية يبقي هتفتح عن طلمبة البنزين فقط هترفع الكنبة الخلفية هتلاقي جزء متقور علي شكل نصف دائرة من فرش العربية هترفعه هتلاقي تحتيه ثلاث مسامير صليبة هتفكهم هتلاقي ثلاث خراطيم واحد اسود او نهايته سوده و ده اللي بيغذي و واحد ازرق و ده الراجع من مسطرة الرشاشات و واحد ابيض و ده اللي بيحمل بخر البنزين من التانك لمكثف البنزين

لو مش عايز تعمل كده هتفتح الكبوت هتلاقي ناحية اليمين و انت واقف قدام العربية في الزاوية اليمين اللي قدام الكرسي اللي جنب السائق بس في حوض الموتور هتلاقي مكان خروج خراطيم البنزين ياريت تصورها و ترفعهالنا و احنا هنقلك ايه ملغي و ايه شغال لأنك برده هتلاقي نفس الثلاث خراطيم ... اتنين بسوكتين واحد اسود و التاني ازرق و دول رايحين لمسطرة الرشاشات تغذية و راجع و واحد رايح لمكثف البنزين اللي هو علبة سوداء في نفس الناحية علي الشمال و انت واقف قدام العربية

للمعلومة :-
لا يجب الغاء اي من الثلاث خراطيم نهائيا لأن ده غلط تماما
1- خرطوم التغذية طبعا ده أساسي مينفعش يتلغي لأنه من غيره مش هتدور العربية
2- خرطوم الراجع للبنزين من مسطرة الرشاشات و ده عادة مينفعش يتلغي لأن الغاءة يؤدي الي مشاكل كثيرة منها ( اضعاف طلمبة البنزين - زيادة استهلاك البنزين - بوظان الرشاشات و تسييلها و بطء الدوارة ) و هتلغيه ليه اساسا ؟؟؟؟؟؟ يعني هتستفيد ايه ؟ و عادة لما طلمبة البنزين بتضعف الراجع ده معدتش بيرجع بنزين و السبب ان ضغط الطلمبة مش بيقدر يفتح صمام الراجع اللي اساسا مش بيفتح غير علي ضغط معين (و ده عن تجارب كتيييييييير في القصة دي يشهدها زميلنا أحمد مبارك )
3- الخرطوم الثالث و ده أقلهم أهمية و ده وظيفته نقل نسبة بخر البنزين من التانك الي مكثف البنزين و ده لو اتلغي مش هيؤثر في شيء سوي زيادة طفيفة جدا في الاستهلاك لن تلحظها عادة و لكن لو موجود و شغال مافيش مشكلة .. هتلغيه ليه اساسا ؟

سمعتك بتقول ان الخرطوم نصين و ملحوم !!!!!! ازاي مش فاهم ياريت تصورنا اللي انت شفته عشان كلامك غريب شوية لأنها خراطيم بلاستيك مش بتتلحم اساسا و نهايتها سوكيت للتركيب عند الحاجه (يعني عند المسطرة و قبلها بشوية فيه سوكت و عن الفلتر و عند طلمبة البنزين )

بخصوص المساعدين فحضرتك هتجد انواع كتيييييير لأن المساعدين لكل انواع العربيات تقريبا بتصنعهم شركات مغذية للسيارات كثيرة حول العالم من معظم البلدان المشهورة في ذلك حاول تشوف نوع مصنع في بلد محترمه و كنت سمعت ان ال kyb ده نوع كويس لكن انا مجربتش فمش هقدر احدد ايهم افضل

و بالتوفيق ان شاء الله