الموضوع: عندى مشاكل كتير و عايز مساعدة

بس قبل حكاية الفرامل دي انا بصراحه عاوزه مساعده منكم واكيد مش هتتاخروا عليه في عندي شوية مشاكل في العربيه عايزه تتظبط الاول

شوية مشاكل


ربنا يستر


متقلقش خالص اعرض علينا مشاكلك وان شاء الله تتحل

بس

واحده
واحده

مشاكلي واحده واحده
اول مشكله واخطرهم اني مليش في العربيات نهائي ودي اول عربيه ليه ومش فاهم اي حاجه فيها ولا في اجزائها وانا بصراحه لما بتكلموا بستغرب انتم ازاي ما شاء الله عارفين كل الحجات دي وانا اللي يدوبك لسه متعلم السواقه من قريب

لا

دى بسيطه اوى


مع الوقت والمرمطه عند الميكانيكى والكهربائى والعفشجى


هتغير مهنتك وتشتغل ميكانيكى

بس


انت اصبر شويه ومتستعجلش على رزقك

اول مشكله اتحلت اهه فى كلمتين

شوفت الحياه جميله ازاى

طيب انا هعرضلوكم مشاكلي واحده واحده
1_اول مشكله ظهرت اول ما جبتها
الصفيحه ما بتكملش 80 كيلو بتاكل بنزين اكل
2_الزجاج الكهربا بيعلق ما يشتغلش الا لما العربيه تمشي وهي دايره وواقفه ما يشتغلش
3_ بزودها مياه خضرا كل يومين او تلاته علشان كنت بلائي الميه ناقصه جدا
4_الانذار بتاعها كان مجنون وبحالات ممكن الائيه اشتغل وانا ماشي بيها ويعملي فضيحه ويفصل لوحده
5_فراملها ضعيفه اوي اكتر من اللازم
واللي زاد وغطه با اخويا راح بيها فرح دخل في عربيه امامه بوظ ام العربيه من ادام الاكصدام اضمر والكبوت ما كنش بيفتح في سمكري جمبنا ودنهالوه وياريتنا ما ودناها هناك خرب امها
عمل السمكره ولما رجعها كان فاضل علي شغل الدوكو وخرجت بيها اوديها لبتاع الدوكو وحصل اللي حصل مصايب عماله ترف علي دماغي

اسف علي كلامي الكتير بس اللي فات ده كوم واللي جي كوم تاني
وانا ماشي بيها رايح لبتاع الدوكو مره واحده سمعت صوت زي فرقعه ودخان كده ووقفت ونزلت لايت بحيرة ميه نزلة من العربيه
واتضح الاتي
1_الردياتير العلبه الفيبر طقة من الجمب بتاع الردياتيرات قالي لازم تتغير المهم قولتلوه عادي نغيرها راح جيبلي واحد جديد وقالي اصلي اصليييييييييييييييييييييي ييييييي وسعره 300 جنيه واخدت 60 جنيه مصنعيه
وبعد شويه لايت العربيه مش يتسخن ديي بتولع ابويا قاللي انه يعرف واحد فاتح مركز صيانة دايو في فيصل واخدني وروحنالوه وقال كلام ليه العجب صدمني صدمه بنت (........)
وقال الاتي
1_ان الردياتير ده صيني مش اصلي واخره 100 جنيه
2_ان ضفيرة الكهربا واللي انا مش عارف ايه هي عايزه تتغير وفالي سعرها 250 جنيه
3_قال ان الموتور حالته وحشه جدا وممكن يحتاج عامره
والاخطر من ده كله قال ان كل حاجه في العربيه عايزه تتظبط وفيها حجات كتير مش مظبطه
انا بصراحه رجعت من عنده شايل الهم ومن ساعتها مصدوم ومش عارف مين بيضحك عليه ومين بيقول الصدق وانا خايف يضحك عليه تاني
علشان خاطر ربنا دلوني اعمل ايه

برده كل ده بسيط اوى

مش قولتلك ماتقلقش

قدامك حل من اتنين

1 انك تبيع العربيه وتجيب واحده زيرو علشان ترتاح ولو حتى جبتها قسط
والاقساط الباقيه ارحم من التصليحات الجديده وخاصه انك لسه جديد فى الصنف يعنى بدون زعل احنا خوات ( قفاك هيعدم )

2 انك تتعلم بقى على حساب فلوسك ووقتك و اعصابك
وتروح اول قبل ما تعمل اى حاجه لكذا كهربائى وكذا ميكانيكى وكذا عفشجى
وتسمع كلام الكل وتقارن وتشوف هتستريح لمين وتجرب

او الاسهل انك تعمل موضوع تستفسر فيه عن اقرب ميكانيكى وعفشجى وكهربائى
لمكان سكنك ويكون الاعضاء مجربينه ومضمون

ونصيحه اخيره

اوعى تعمل عمره لموتور

هات واحد استيراد نضيف واشفى دماغك


انا رأيى الشخصى انك تتبع الحل الاول

وانت وراحتك بس انا بشور عليك