أستفسار لمالكى صنى سوبر صالون الجديدة

**hamadakotb** · 01-12-2012 11:22 PM

الف شكر لحضرتك

**amr ibrahim** · 02-12-2012 09:46 PM

ياريت فعلا الناس اللى استلمت السوبر صالون تقولنا ايه اخبارها وياترى العيب فى كله ولا مقتصر على فئة معينة وربنا يسترها معانا

**hamadakotb** · 02-12-2012 09:54 PM

ان شاء منتظرين مزيد من المشاركات و التجارب و اراء حضراتكم .

**bakka2010** · 07-12-2012 08:04 AM

الحمد لله والشكر لله أنا أستلمت العربيه سوبر صالون . بس لسه مش مشيت بيها غير مشوار للمرور أرخصها وجيت تانى . لكن الحمد لله مش لقيت فيها حاجه وحشه غير الكاوتش بتاعها اللى عمال يلم حجاره وزلط طول مانا ماشى ويعمل صوت تك تك تك . وكل ماشيل الحجاره يلم جديد فى ثوانى . بيحب الحجاره أوى الكاوتش ده . هههههه . غير كده العربيه بسم الله ما شاء الله رااائعه . ناعمه جدا وعفشتها جميله وسحبها كويس وواسعه وفرامله قويه . تفائل خير وإن شاء الله هاتعجبك .

**hamadakotb** · 07-12-2012 10:53 AM

شكرا لحضرتك و ربنا يبشرك بالخير ، كنا عاوزين نشوف طريقة علشان تغيير الكاوتش لأن و اضح ان الكاوتش ده شكوى جماعيه.

**hamadakotb** · 07-12-2012 09:45 PM

ممكن اللى غير الكاوتش يقولنا خبرته، مكان التغيير و الاسعار .

**Land_Cruiser** · 07-12-2012 10:01 PM

المشاركة الأصلية كتبت بواسطة hamadakotb

ممكن اللى غير الكاوتش يقولنا خبرته، مكان التغيير و الاسعار .

قدام حضرتك حل من اتنين : يا أما تدور على بتاع كاوتش يشترى منك الكاوتش و يديلك النوع اللى انت عايزه و تدفع فرق او حضرتك تعمل إعلان فى المنتدى عن بيع الكاوتش و فى بعض الأعضاء ممكن يكونوا محتاجينه فتبيعه لهم بالسعر اللى تراه مناسب و بعد كده تكمل علي الثمن و تشترى النوع اللى عاجبك و فى اسوأ الظروف لو ما عرفتش تعمل الموضوع ده يبقى أمشى بيه لحد ما يبوظ و بعد كده ابقى اشترى غيره