ايه الموضوع ده

**adhamsabry51** · 14-07-2008 11:26 PM

يا جماعة كان واحد بيكلمني عن الأيبيزا و قاللي ان مشكلة الأيبيزا انها راكبة علي كارتة لو باظت العربية كلها مش بتنفع و قاللي انها لو حه عليها شوية ميه بتبوظ طبعا انا مقتنعتش اوي بس انا فاكر ان انا كنت باسمع كده زمان علي الكورسا بتاعة التسعينات بس هل العيب ده موجود فعلا

**mohamed ibiza** · 15-07-2008 01:36 AM

سيادتك قصدك علي انهي ابيزا بالظبط 92 ولا 94 ولا 99 ولا 2001 ولا 2007 ولا 2009 :d لو سيادتك قصدك علي ابيزا ايا كان الموديل فأنا بقولك عن خبرة و عن تجربة الكلام ده كذب و افتراء لو قصدك علي الكمبيوتر بتاع العربية ده بيبقي موجود تحت الكرسي الامامي يمين و بيبقي موجود من موديل 99 لحد 2008 و موديل 94 مش كمبيوتر اصلا و ايا كان الامر انا معايا ابيزا 94 و في ناس هنا معاهم ابيزا 99 منهم العضوة الجديدة الاخت هدير و في معاهم 2001 و في معاهم 2007 و كل المعلومات متوافرة معايا انا برضه الكلام ده غلط غلط غلط

**adhamsabry51** · 15-07-2008 09:19 AM

طيب و الله جزاكم الله خيرا للأيضاح يا اخي
اصل انا ماليش اوي في العربيات فكل حد يقوللي كلمة انا مش باعرف ده صح و لا غلط
و شكرا يا اخي للأيضاح

**SAbuhashem** · 15-07-2008 09:48 AM

أولاً اللي قالك دة طنشه
دة كفاية كلمة كارتة دي ؟
هو يعني إيه كارتة ؟!

لو قصدك على ال ECU أو الكنترول فدة بعيد كل البعد عن أي مياه
و كل العربيات الحديثة فيها كونترول يونيت و مشفتوش باظ إلا في حالات نادرة جداً و ساعتها ممكن يتغير مش هترمي العربية بعدها متخافش

ذي زمان كان في إشاعة عن ال-BMW الفئة الخامسه إن فيها تشبات في الموتور ولازم تتغير كل ٦ شهور ب-٢٠٠٠ جنيه
والمصيبة إن الناس كانت بتصدق !

Thanks
Eng.Sherif Shaker

**mohamed_fatouh** · 15-07-2008 05:11 PM

مغرضين و خونة و عملاء

كل اللى قال كلمة على الابيزا او ال بى ام بدون علم او دراسة

و الله همه همه نفس الناس الجهله اللى خالو الواحد مينامش بسبب الخوف من شراء الابيزا بس الحمد لله بفضل الله اولا و عصابة الابيزاوية الجميله اللى خلونى اخد القرار بشراء الابيزا و الحمد للة.

على فكرة انا كنت المبارح عند المهندس هانى اللى وراء حديقة بدر و شوفت اللى موش ممكن اشوفة لا و كنت صايم الباش مهندس جاي الساعة 4 مساءا و انا عندة من الساعة 11.30ص من الاخر كانت علقة زى الكتاب مابيقول بس و للامانة

راجل محترم جدا و فاهم جدا جدا كل الصنايعية قعدوا يفتوا فى العربية و هوة قالهم محدش يمد ايدة فى حاجة لغاية ما اجى و فعلا بمجرد ما جة قعد فى العربية 10 دقايق و قالى العربية الحمد لله زى الفل و الجميل خد 20 جنيه من الاخر صعبت علية لما لقانى صايم و طالع عينى من الحر و حس ان الكفار كانوا عمالين يعذبوا فية و انا كنت باقاوم .

المهم خلاصة الحوار محدش يروح لهانى يوم الاثنين نهائيا ولا السبت و لا الجمعة .

بيكون عندة زحمة ما شاء الله رهيبة .

و ربنا يكفينا شر العين .

و يجعلة عامر

**mohamed ibiza** · 15-07-2008 06:31 PM

المشاركة الأصلية كتبت بواسطة SAbuhashem

أولاً اللي قالك دة طنشه
دة كفاية كلمة كارتة دي ؟
هو يعني إيه كارتة ؟!

لو قصدك على ال ECU أو الكنترول فدة بعيد كل البعد عن أي مياه
و كل العربيات الحديثة فيها كونترول يونيت و مشفتوش باظ إلا في حالات نادرة جداً و ساعتها ممكن يتغير مش هترمي العربية بعدها متخافش

ذي زمان كان في إشاعة عن ال-BMW الفئة الخامسه إن فيها تشبات في الموتور ولازم تتغير كل ٦ شهور ب-٢٠٠٠ جنيه
والمصيبة إن الناس كانت بتصدق !

Thanks
Eng.Sherif Shaker

الله ينور عليك يا شريف

**dr_3eshoo** · 15-07-2008 10:02 PM

الموضوع موجود في كل العربيات الالماني الحديثه من موديل 98 لحد السنه دي
و فعلا لو باظت فعلا العربيه ماتنفعش
بس ايه الي هايبوظه اصلا الا لو غسلت المتور و جه عليه ميه
و حصلت في عربيه واحد صاحبي معاه بورا
بس ارجع و اقلك طول ما انت مش بتغسل المتور بميه الكونترول هايفضل شغال مش هايبوظ
متور العربيات دي بتتغسل بفوم مخصوص مش ميه و جاز زي المواتير القديمه
دي القصه كلها
مع اني في بلد الابيزا في دمياط عمري ماسمعت عن الموضوع ده و لا حصل في عربيتي

**dr_3eshoo** · 15-07-2008 10:04 PM

و لو باظ بتجيب واحد مكانه و العربيه ترجع تمشي عادي و فيه منه جديد و استيراد

**mohamed ibiza** · 16-07-2008 02:47 AM

انت قصدك يا عيشو علي كنترول الانجكشن و كلامك صحيح بس اساسا الموتور مبيتغسلش بالميه بالجااااااااااااااااااااا ز فقط ايا كان الموتور بقي انما كعيب في الابيزا بالذات لا مش موجود طبعا و الكمبيوتر بتاعها في الصالون تحت الكرسي اليمين ادام يعني مش معرض للميه

**mohamed ibiza** · 16-07-2008 02:51 AM

و عموما كنترول الانجكشن لو باظ اصلا ده لو باظ لانه معمر جدا جدا جدا بيتغير و العربية ترجع زي الاول بظبط شيل و حط مش اكتر غير كده العربية مبتقفش علي حاجة