محتاج مساعدتكم فى موتور ابيزا 98

**M.Hassan47** · 02-07-2008 07:34 PM

انا ياجماعة معايا ابيزا 98 لكن الفتيش انكسر من كام يوم كده

وجيت عشان اجيب فتيس استيرا عمو محمد كرنك فى الوكالة قالى موتورها كام سىسى قولتلوا 1300 قالى الــ98 منزلتش الف وتلتومايه ممكن تكون اترخصت غلط وانا اصلا شريها من شهرين يعنى مستعملة

فالفيت ودورت لحد ماعرفت ان كام سىسى بتبقى مكتوبة جمب الرقم بالحروف هما بيعرفوها

وانا عندى الحروف دى

Aex

ياريت ياجماعة حد يقولى التلت حروف دول بيعبروا عن الف سىسى ولا الف وربعوماية ولا الف وتلتومايه

وشكرا

**iBiZa** · 03-07-2008 11:15 AM

الAEX دة كود الموتور ال1400 و غالبا الى حاصل ان العربية دية فبريكتها 1000 و هو غيرلها موتور و جاب 1400 و عشان غالبا ورق الموتور الاستيراد مش بيبقى مكتوب فية cc الموتور كام, فا مهندس الفحص افترض انة 1300 ذى ال94.

معلومة: Ibiza 94 = 1300
Ibiza 96 - 99 = 1000 / 1400 بس ال1400 كان قليل جدا

**M.Hassan47** · 03-07-2008 12:02 PM

ياباشا بجد انت انقدتنى من دوامة انا فيها من اسابيع

بس انا عايز اقول لحضرتك انى امبارح اخر مازهقت رحت المرور وعملت حوارات وفتحت ملف العربية وانا مشتريها منواحده والعربية دى كانت بتاعتها هى من الأول خالص ومفيش ولا ورقة لإفراج جمرجى لموتور اتغير وهى قالتلى اما سألتها انها مغيرتش الموتور ابدا

فاممكن تكون العربية دى نازلة بألف ورعومايه؟؟؟
وكده دى هاعملى طبعا مشكلة اما اجى انا ارخص وانقل ملكية صح فاايه الحل
وكده انا عربيتى تعتبر 99 مش 98 صح
ياترى الموتور 1400 كويس

معلش يامان انا تعبتك بأسئلتى بس بجد هو ده المنتدى الوحيد اللى لقيته بيفيد بجد

**iBiZa** · 03-07-2008 12:45 PM

لما تيجى ترخص الراجل مالووش دعوة مكتوب كام cc و الى يهمة ان كود الموتور يبقى هو الى موجود فى الرخصة و بس.

الcc دة عشان يحسبلك ضريبة كام فى السنة.

بس انت مقلتليش بردة, مكتوب فى الرخصة كام cc ؟؟

**M.Hassan47** · 03-07-2008 05:25 PM

مكتوب فى الرخصة 1300 سىسى
متهيئلى دى تبقى مصلحة فى موضوع الضرايب ده
وعرفت كمان ان المتور 91 حصان وانه صنع سنة 96
ياترى الموتور ده كده كويس
وياريت لو تعرف حاجة عن ارتفاع صوت الموتور يارؤيت تقولى لأن الميكانيكى اللى بتعامل معاه الى دى انجكشن ومش هاقدر العب فيه

**iBiZa** · 05-07-2008 09:15 AM

مش هتفرق معاك اوى فى الضريبة لانها 100cc

الموتور دة حلو طبعا بس هرجع اقولك انة متسقط ممكن من المالك اللى قبل البنت بس ibiza منزلهاش 1300 injection فى 1996

انا شايف انك من الجيزة و انا مش بحب اتعدى على اختصاص حد , ممكن تشوف ميكانيكى بتاع محمد ابيزا و هيبقى قريب منك http://www.nilemotors.net/Nile/showthread.php?t=31067

**mohamed ibiza** · 05-07-2008 12:22 PM

ابيزا 98 1300 سي سي ده متسقط بدون كلام مفيش ابيزا 98 لا جوا مصر ولا برا مصر 1300 سي سي ابيزا 94 بس هي اللي نزلت 1300 هنا انما من سنة 94 لحد ابيزا 2009 مفيش مواتير 1300 تاني لأي موديل من موديلات الابيزا ده متسقط مش بتاعها و طالما المكنة انجكشن تبقي المكنة ال 1400 انجكشن مش 1300 و التعامل معاها سهل مفيهوش مشكلة يعني و ممكن نكون البنت المالكة الاولانية دي حظها كان حلو و كانت وجدت ابيزا 1400 انجكشن طالما انت بتقول ملف العربية مفيهوش اي تغيير مواتير و للعلم الموتور حلو و علي جسم الابيزا 98 هيبقي جامد

**M.Hassan47** · 06-07-2008 02:18 AM

شكرا جدا ياجماعة على المساعدة
هو الموتور بتاعها الموجود دلوقتى طلع 1400 والرقم هو هو اللى فى الرخصة بس مهندس الفحص طلع كان واخد السىسى غلط

بس فى حاجة مهمة محتاج رأيكم فيها

انا جبت فتيس جديد بدل اللى انكسر وركبته والمفروض ان الفتيس ده سريع وبيجمع بسرعة

الحاجة الغريبة اللى ملاحظها ان العربية بتبقى على التالت واخرها تجيب معايا 60 وعلى الفتيس القديم كان التالت بيوصل معايا لــ90 فامش عارف كده عشان تغير الفتيس وكويس ولا وحش يعنى عشان تجيب الــ120 لازم الخامس الأول كنت باجبها بالرابع

وكمان طبعا الميكانيكى فك الكبالن عشان يركب الفتيس الجديد لكن العربية مش ثابتة خالص على الأرض لدرجة انى ببقى ماشى على 100 وحاسس انى ماشى على 160 العربية الهوا بيرفعها بطريقة غريبة وبتترج وانا ماشى

ياترى كده تبقى محتاجة ظبط زوايا واتزان ولا فى حاجة اكبر وربنا يسطر

ومعلش ياشباب تاعبكم معايا بس هاعمل ايه العربية خلاص هاتجننى

**fahd_628** · 06-07-2008 02:30 AM

انا جبت فتيس جديد بدل اللى انكسر وركبته والمفروض ان الفتيس ده سريع وبيجمع بسرعة

ممكن نسب التخفيض بتاعت الجيربوكس الجديد مختلف عن القديم ( و دة بيبقى فى الفتيسات السبور علشان يديك عزم عالى ) بس حتلاقى ال Rpm عالى على السرعات و السرعة بتاعت الغيار قلت بس فى المقابل سحب افضل

بالنسبة للثبات انا مقدرش افتيلك

**mohamed ibiza** · 06-07-2008 02:39 AM

مش عارف يا مان العربية دي فيها لعب افضل انك تروح التوكيل و تعمل كشف كامل عليها و تخلي مهندش يجرب معاك و يشوف احوالها ايه اصل ان العربية تبقي مش ثابتة دي حاجة عجيبة يعني ده مفيش موديل من موديلات الابيزا ثباته ضعيف كلها ثباتها رائع و تقيلة علي الارض يا ريت تعمل كشف كامل يمكن يكلفلك شوية بس تعرف ايه اللي فيها لان العربية كده داخلة في حوارات كتير

الموضوع: محتاج مساعدتكم فى موتور ابيزا 98

LinkBack

أدوات الموضوع

عرض

-

-

-

-

المواضيع المتشابهه

محتاج مساعده عايز اسقط موتور فى عربيتى الفليشيا اى نوع موتور اللى ينفع يسقط ع

مشروع تعديل ابيزا 2009 و محتاج مساعدتكم و خصوصا ممدوح

محتاج مساعدتكم

بجد بجد بجد محتاج مساعدتكم؟؟!!!

حاجه غريبه في ابيزا 94 .. محتاج مساعدتكم..

الكلمات الدلالية لهذا الموضوع

المفضلات

المفضلات

ضوابط المشاركة